“Radikallaşmanın qarşısının alınmasında təhsil və dialoq çox önəmlidir”
Tarix: 04.12.2015 | Saat: 18:29:00 | E-mail | Çapa göndər


Milli Məclisin beynəlxalq münasibətlər və parlamentlərarası əlaqələr komitəsinin sədr müavini Sevinc Fətəliyeva Avropa Şurasının Şimal-Cənub Mərkəzinin təşkil etdiyi “Lissabon Forumu-2015”də “Radikallaşmanın qarşısının alınmasında təhsil və dialoqun rolu” mövzusunda çıxış edib.
S.Fətəliyeva deyib ki, təhsil və dialoq radikallaşmanın qarşısının alınması üçün görülən tədbirlərin ən önəmlisidir. Radikallaşma müxtəlif formalarda ola bilər: gənclər ekstremist siyasi hərəkatlara və ya dini xarakterli hərəkətlərə cəlb edilə bilər. Bu iki anlayış bir-birinə bağlıdır. Gənclərin radikallaşmasının, ekstremizm və terrorizmə qoşulmasının səbəbi odur ki, onların həyatlarında və ya şüurlarında hansısa boşluq əmələ gəlir. Müəyyən ekstremist qruplar bəzilərinin həssas vəziyyətlərindən istifadə edərək onları mənfi istiqamətə yönəldirlər. Radikallaşmanın qarşısını almaq üçün bir neçə məqam nəzərə alınmalıdır:
- Təhsil, ölkədə mühit, dialoq təşkil edilməsi imkanı, uşaqların internetdə təhlükəsizliyi;
- Şəxsiyyətin formalaşması və biliklərin dərinləşməsində keyfiyyətli təhsil və təlimləri təmin etməklə iş bazarlarında bərəbər hüquqların təmin olunması, gənclərin məşğulluğuna diqqət yetirilməsi;
- Mədəniyyətlərarası və dinlərarası dialoq yaradaraq müxtəlif sistemli dəyərlər arasında qarşılıqlı anlayış və hörmətə nail olmaq;
- Təhlükəsiz internet siyasəti;
- Ailələr və məktəblər tərəfindən internetdə uşaqların fəaliyyətinə nəzarət edilməsi;
- Radikal təbliğat və internetdə radikal hərəkətlərə qarşı mübarizə (bir çox gənclər yeni texnologiyalar vasitəsilə radikal hərəkatlara cəlb olunur).
Komitə sədrinin müavini deyib ki, əhalisinin böyük əksəriyyətini müsəlmanlar təşkil edən Azərbaycanda digər din və mədəniyyətlərə dözümlü münasibət yaşam və həyat tərzinə çevrilib. Ölkəmizdə müxtəlif millətlərin, dini konfessiyaların birgə yaşaması nadir nümunədir. Dini icmalar arasında daim möhkəm dözümlülük, qarşılıqlı anlaşma olub, milli, irqi, dini ayrı-seçkilik müşahidə edilməyib, ayrı-ayrı dinlərə etiqad bəsləyən insanlar mehriban bir ailə kimi yaşayırlar.
Müasir dövrdə də ölkəmizdə bu zəngin ənənə qorunub saxlanılaraq uğurla davam etdirilir. 
Digər dinlərə və mədəniyyətlərə dözümlü münasibət, onlarla qarşılıqlı anlaşma şəraitində yaşamaq Azərbaycan xalqının tolerantlığından, multikulturalizmin dövlət siyasətinin tərkib hissəsi olmasından irəli gəlir.
 Tolerantlıq Azərbaycanın əvəzsiz, dünya xalqlarına nümunə göstəriləcək milli mənəvi sərvətidir.
Bu gün dini radikalizm demək olar ki, dini inancından asılı olmayaraq bütün dünyada təhdid doğurur və hazırda terrorçu təşkilatların əsas mahiyyətini təşkil edir. Azərbaycanda isə xalq ənənəvi İslam dəyərlərinə önəm verdiyi üçün radikal qrupların apardığı təbliğat heç bir nəticə vermir. Cəmiyyət birmənalı olaraq radikal qrupları qəbul etmir və bu sahədə aidiyyəti qurumlar tərəfindən müntəzəm olaraq maarifləndirmə işləri aparılır.
S.Fətəliyeva deyib: “Dünyada gedən proseslər onu göstərir ki, radikallaşma, ekstremizm, terrorizm, münaqişə və miqrasiya sonsuz dairə təşkil edən, bir-birinə bağlı olan anlayışlardır. Bizim məqsədimiz heç olmasa dairənin bir bəndini həll etməkdir. Bunun müsbət həllinə isə birlikdə addımlayaraq və öz təcrübələrimizi bölüşərək nail ola bilərik.
Tural




 
Bölməyə aid digər xəbərlər
17.11.2018
İN: Qondarma qurumun ABŞ ərazisində təşviqi bu ölkənin Minsk qrupunun həmsədri kimi öhdəlikləri ilə ziddiyyət təşkil edir
17.11.2018
ATƏT-in Minsk qrupu işğalçı Ermənistana təzyiq göstərmək üçün bütün alətlərdən maksimum istifadə etməlidir
17.11.2018
Ermənistan Belarus və Qazaxıstanla KTMT-də müttəfiq dövlət olmasına baxmayaraq, ciddi tərəfdaş kimi qəbul olunmur
17.11.2018
Rəsmi Bakı: Belə qərəzli addımlar Fransanın Minsk qrupunun həmsədri kimi üzərinə götürdüyü öhdəliklərlə bir araya sığmır
17.11.2018
Fransalı deputatların Saakyanla mümkün görüşü Fransanın ATƏT-in Minsk qrupunun həmsədri kimi statusuna zidd olacaq

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10494

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info