Şuranın dəstəyilə yaradılmış www.e-integration.az saytının təqdimatı keçrilib
Tarix: 07.12.2015 | Saat: 18:31:00 | E-mail | Çapa göndər


Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə Azərbaycan Universitetində “Elektron inteqrasiya: informasiya cəmiyyətinin inkişafına ictimai dəstəyin gücləndirilməsi” layihəsi çərçivəsində Avropaya İnteqrasiya Mərkəzi tərəfindən yaradılan www.e-integration.az saytının təqdimat mərasimi keçirilib.
Mərkəzin icraçı direktoru, layihənin koordinatoru Xaqani Məcidov informasiya cəmiyyətinin inkişafına xidmət edən layihə haqqında ümumi məlumat verərək, internet hüququ üzrə pulsuz elektron hüquq və informasiya xidmətləri göstərən www.e-integration.az saytının fərqli xüsusiyyətlərindən danışıb, bu elektron resursun internet istifadəçilərinin hüquqları və vəzifələri, kibercinayətlər, sosial şəbəkədə davranış qaydaları, müəllif və uşaq hüquqları, informasiya hüququ, habelə məhdudlaşdırılan informasiyalar barədə faydalı mənbə olmasını diqqətə çatdırıb.
Qeyd olunub ki, sayt vasitəsilə vətəndaşların kiberməkanda hüquqi və etik məsələlərə dair sualları qanunvericiliyə və beynəlxalq hüquqa müvafiq olaraq hüquqşünaslar tərəfindən interaktiv rejimdə cavablandırılır, məsləhət xarakterli məlumatlar, habelə bu sahəyə aid normativ hüquqi sənədlər sayta müntəzəm olaraq yerləşdirilir. İstifadəçilər saytın “Sual Cavab” bölməsinə öz Facebook səhifələrindən daxil olmaqla suallarını ünvanlaya, həm öz profillərində, həm də saytda cavablarla tanış ola bilərlər. Sayta ünvanlanan suallar əsasən facebook səhifəsinin parolunun oğurlanması, ailə sirrini təşkil edən məlumatlar və onların yayılması, e-mail vasitəsilə başqa bir şəxsin e-mailinə təhqiredici sözlərin yazılması, tanınmış şəxs haqqında yalan məlumat yayan saytın məsuliyyət məsələlərinə və s. digər internetlə bağlı hüquqi problemlərə aid olub.
Bildirilib ki, saytda həyata keçrilən elektron pulsuz hüquqi məsləhət və informasiya xidmətləri ən azı 3 il müddətinə qədər öz fəaliyyətini davam etdirəcəkdir.
Tədbirdə internet istifadəçiləri üçün faydalı olan “İnternet hüququ və etikası” və “Beynəlxalq hüquq və Azərbaycan Respublikasının media qanunvericiliyi” elektron kitabları barəsində də məlumat verilib.
Mərasimdə yeni saytın, habelə elektron kitabların əhəmiyyəti barədə faydalı fikir mübadiləsi aparılmış, iştirakçıları maraqlandıran suallara aydınlıq gətirilmişdir.


AİM-in Mətbuat və informasiya
xidmətinin məlumatı




 
Bölməyə aid digər xəbərlər
22.03.2019
Birinci qrup əlilliyə görə əmək pensiyası alanlara gələn aydan Prezident təqaüdü veriləcək
20.03.2019
Tovuzda şəhid ailələrinə bayram sovqatı paylanıb
19.03.2019
Məcburi köçkün qəsəbələrində Novruz şənlikləri keçirilib
19.03.2019
Qaradağda bayram münasibəti ilə aztəminatlı ailələrə yardım edilib
18.03.2019
Müharibə əlilləri və onlara bərabər tutulanlar üçün bu il əlavə 400-dən çox avtomobil alınıb veriləcək

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10702

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Lənkəranın ucqar kənd məktəbində Novruz şənliyi keçirilib
3 Yuliya Naçalova vəfat edib
4 İraqda bərə qəzaya uğrayıb: 71 ölü
5 Məhkum edilmiş bir sıra şəxslər əfv olundu


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info