“Xüsusi gəmi vasitəsilə axtarış işləri davam etdirilir”
Tarix: 08.12.2015 | Saat: 01:16:00 | E-mail | Çapa göndər


Dünən fövqəladə hallar naziri general-polkovnik Kəmaləddin Heydərov, Azərbaycan Respublikası Dövlət Neft Şirkətinin prezidenti Rövnəq Abdullayev, Dövlət Sərhəd Xidmətinin rəisi - Sərhəd Qoşunlarının komandanı general-polkovnik Elçin Quliyev “Günəşli” yatağındakı 10 saylı özüldə baş vermiş qəza ilə əlaqədar hadisə zonasında yaradılmış qərargahda birgə müşavirə keçiriblər.
Fövqəladə Hallar Nazirliyinin mətbuat xidmətindən bildiriblər ki, müşavirədə qəza-xilasetmə əməliyyatının gedişi ilə bağlı məsələlər müzakirə edilib.
Qeyd edək ki, səhiyyə naziri Oqtay Şirəliyev “Günəşli” yatağında baş vermiş qəza nəticəsində xəsarət almış və hazırda Neftçilər xəstəxanasında müalicə alan vətəndaşları ziyarət edib, onların vəziyyətləri ilə yaxından tanış olub və lazımi göstərişlər verib. Nazirlikdən bildiriblər ki, “Günəşli” yatağındakı 10-cu dərin dəniz özülündə baş verən güclü yanğın nəticəsində xəsarət alan vətəndaşlardan həmin gün ümumilikdə Səhiyyə Nazirliyinin Neftçilər Xəstəxanasına 31 müraciət daxil olub. Vəziyyətləri yaxşı olan 22 nəfər, təkrar müayinələrə cəlb olunması şərti ilə, ambulator yardım göstərilərək evlərinə buraxılıb. Dünən həmin 22 nəfər yenidən müayinələrə cəlb olunublar. Onlardan bir nəfərini (ürək bulanma diaqnozu) xəstəxanada saxlamaq məsləhət görülüb, lakin heç bir həyati təhlükəsi yoxdur. Müxtəlif bədən xəsarətləri alan 8 nəfərə xəstəxanada lazımi səviyyədə tibbi yardım göstərilir. Vəziyyətləri sabitdir və artıq palatalara köçürülüblər. Müxtəlif dərəcəli yanıq xəsarətləri almış 1 nəfər Respublika Yanıq Mərkəzinə yerləşdirilib ki, onun da vəziyyəti stabildir. Xəsarət alanların vəziyyəti səhiyyə nazirinin daim nəzarətindədir. Eyni zamanda, səhiyyə nazirinin xüsusi tapşırığına əsasən xəsarət alan və hadisə nəticəsində itkin düşmüş neftçilərin yaxınlarına psixoloji yardımın göstərilməsi üçün isə psixoloqlardan ibarət briqada yaradılıb. Psixoloqlar yenidən Neftçilər xəstəxanasında olub, onlara lazımi yardım göstəriblər. Xəsarət alanların tezliklə sağalmaları üçün bütün zəruri addımlar atılır.

2-ci dalğıc qrupu axtarış işlərinə qoşulub
Dünən saat 16-da keçirilən mətbuat konfransında Azərbaycan Respublikası Dövlət Neft Şirkətinin (SOCAR) “Azneft” İstehsalat Birliyinin baş mühəndisi Balamirzə Ağarəhimov məlumat verib ki, bu vaxtadək Fövqəladə Hallar Nazirliyinin (FHN) bir helikopteri 2 nəfər itkin düşmüş işçinin cəsədini Bakıya gətirərək Məhkəmə-Tibbi Ekspertiza və Pataloji Anatomiya Birliyi Xətai Şöbəsinə təhvil verib. Cəsədlərin tanınması prosesindən sonra onların Tağıyev Fuad Tahir oğlu və Mahmudov Ağa İzzət oğlu olduqları məlum olub. Tağıyev Fuad Tahir oğlu xilasedici dalğıc idarəsinin, Mahmudov Ağa İzzət oğlu isə kompleks qazma işləri trestinin işçiləri olub. O deyib ki, aşkar olunmuş 6 nəfərin cəsədi müxtəlif istiqamətlərdə - platformadan təxminən 25 kilometr aralıda tapılıb. B.Ağarəhimovun sözlərinə görə, bu helikopterlərdən əlavə “Günəşli” sahəsində daha 2 helikopter öz işini davam etdirir. Bundan əlavə, FHN daha bir əlavə helikopteri “Günəşli” sahəsinə göndərib. “Günəşli” yatağındakı 10 nömrəli özülün ətrafında xüsusi avadanlıqlarla təchiz olunmuş gəmi vasitəsilə axtarış işləri davam etdirilir. Burada dəniz daha dərin olduğu üçün xüsusi aparatlar vasitəsilə işlər yerinə yetirilir. Yanğının söndürülməsi məqsədilə əlavə qüvvə cəlb olunub və alovun lokallaşdırılması üçün maksimum iş görülür. O bildirib ki, sualtı işləri ilə əlaqədar geofizika idarəsi "Neft daşları"nda 2-ci dalğıc qrupunu axtarış işlərinə qoşub. Artıq 501 nömrəli meydançanın bütün sahəsi araşdırılıb və növbəti sahələrə hərəkət etməyə başlayıblar.
Cavidan




 
Bölməyə aid digər xəbərlər
19.11.2018
“Qaçaqmalçılığa qarşı mübarizə sahəsində yüksək göstəricilər əldə olunub”
19.11.2018
Səfir: Azərbaycanla Pakistan arasında olan strateji tərəfdaşlıq münasibətləri bütün sahələrdə əməkdaşlığa öz töhfəsini verir
18.11.2018
Sanya meri: Azərbaycan qədim tarixə və özünəməxsus mədəniyyətə malik ölkədir
18.11.2018
Dünyanın heç bir ölkəsində qanunsuz, icazəsiz mitinq keçirməyə yol verilmir
17.11.2018
Milli Dirçəliş Günü ilə bağlı icazəsiz aksiya keçirməkdə məqsəd təxribat törətmək və ara qarışdırmaqdır

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 “Gedir dayanmadan zamanın köçü”
4 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info