“Avropa Birliyinin bəyanatı qəbulolunmazdır”
Tarix: 16.02.2013 | Saat: 00:42:00 | E-mail | Çapa göndər


Elman Abdullayev: “Xocalı soyqırımı dünyada siyasi və hüquqi
qiymət alana qədər Azərbaycan dünya ictimaiyyətini
məlumatlandırmağa davam edəcək”


Azərbaycan Xarici İşlər Nazirliyi Avropa Birliyinin Azərbaycanda insan haqlarına dair son bəyanatını istintaq işinin gedişinə müdaxilə kimi dəyərləndirir. XİN Mətbuat xidmətinin rəhbəri Elman Abdullayev AB-nin ATƏT-dəki nümayəndəliyinin son bəyanatını belə şərh edib.
“Bu qəbulolunmazdır və təəccüb doğurur. Heç kimə istintaqı necə aparmaq barədə göstəriş vermək olmaz, çünki Azərbaycanda da istintaq prosesi bütün dünyada olduğu kimi müstəqildir. Kimə hansı ittihamların irəli sürülməsini təhqiqat orqanları özləri müəyyənləşdirir. Təəccüb doğuran isə odur ki, daim müstəqil məhkəmə proseslərinin keçirilməsinə tərəfdar olduğunu bəyan edənlər bu gün Azərbaycanda istintaq prosesinə təzyiq etməyə çalışırlar. Bu kimi bəyanatlar Avropa Birliyinin obyektivliyinə kölgə salır. Əgər, Avropa Birliyi Ermənistanda prezidentliyə namizədin günün günorta çağı güllələnməsinə münasibət bildirmirsə, onda bu qurumun ümumiyyətlə hansısa ölkə ilə bağlı bəyanat verməyə haqqı çatmır”. Elman Abdullayev bildirib ki, Xocalı soyqırımı dünyada siyasi və hüquqi qiymət alana qədər Azərbaycan dünya ictimaiyyətini məlumatlandırmağa davam edəcək. O, hazırda Xocalı soyqırımının dünyada tanınması üzrə prosesin genişləndiyini söyləyib: “Ermənistan rəhbərliyi insanlıq əleyhinə törətdiyi cinayətləri gizlətmək istəsə də, hazırda Xocalı soyqırımının tanınması üçün cəhdlər davam edir, bu hadisə barədə məlumatlı olanların ıııcoğrafiyası genişlənir. Bir sıra ölkələrin qanunvericiləri bu istiqamətdə cəsur və obyektiv addımlar atıblar”. E.Abdullayev xatırladıb ki, xarici işlər naziri Nyu-Yorkdakı çıxışında bu cinayətləri törədənlərin tituluna və rəsmi mövqe tutmasına baxmayaraq, cəzasız qalmayacaqlarını bildirib: “Ermənistanın rəsmi şəxsləri anlayırlar ki, cəzasız qalmayacaqlar. Bu, soyqırımı idi və azərbaycanlılara qarşı yönəlmişdi”. XİN sözçüsü ABŞ-ın Nyu Meksiko və Arkanzas ştatları, eləcə də Rumıniyada Xocalı soyqırımının tanınması istiqamətində addımlar atıldığını qeyd edib. E.Abdullayevin sözlərinə görə, Ermənistan bölgədə üçüncü ölkələrin marağına xidmət edən, həmin ölkələrin bir alət kimi istifadə etdiyi dövlətdir: “Ermənistanın Azərbaycanın inkişafının başlanğıc nöqtəsinə çatmasına çox var, mən hələ iki ölkə arasında müqayisə aparmıram. Azərbaycan beynəlxalq arenada Ermənistanı tam ifşa edir. Hazırda Ermənistanın siyasəti beynəlxalq təşkilatlar tərəfindən tənqid edilir və o, işğalçı kimi tanınır”.
ANAR




 
Bölməyə aid digər xəbərlər
19.02.2019
Moskvada Azərbaycanın Rusiyadakı səfirinin Çeçenistanın məsul nümayəndələri ilə görüşü olub
19.02.2019
YAP Pirallahı rayon təşkilatı sədrinin 2018-ci ilin yekunlarına və qarşıda duran vəzifələrə dair hesabatı
19.02.2019
İqtidarın qazandığı hər bir uğur müxalifətin siyasi iflasını sürətləndirir
19.02.2019
Fərid Şəfiyev Beynəlxalq Münasibətlərin Təhlili Mərkəzinin sədri təyin edildi - səfir vəzifəsindən geri çağırıldı
18.02.2019
İbrahim Öztek: “Xocalı soyqırımı nankor bir cəmiyyətin xəyanətkar hücumunun son halqasıdır”

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10605

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 Qabaqcıl texnologiyalar dövründə ənənəvi və internet medianın inkişafı
5 ABŞ-da atışma: xəsarət alanlar var


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info