ADNSU tələbələrinin 64-cü konfransı
Tarix: 09.12.2015 | Saat: 20:51:00 | E-mail | Çapa göndər


Dekabrın 8-9-da Azərbaycan Dövlət Neft və Sənaye Universitetinin (ADNSU) 95 illiyinə həsr olunmuş Tələbələrin 64-cü Elmi Texniki Konfransı keçirilib. Konfransın açılışında ADNSU rektoru Mustafa Babanlı başda olmaqla, professor –müəllim heyəti, tələbələr və fəxri qonaq qismində Azərbaycan Respublikası Müdafiə Sənayesi Nazirliyinin Milli Aerokosmik Agentliyinin baş direktoru, professor Alçin Şirinzadə, Azərbaycan Milli Elmlər Akademiyasının Geologiya və Geofizika İnstitutunn şöbə müdiri, akademiyanın müxbir üzvü professor Zöhhak Abbasov iştirak ediblər. Konfransı rektor Mustafa Babanlı açıb. O, öncə ADNSU kollektivi adından “Günəşli” yatağında baş vermiş hadisə ilə əlaqədar dünyasını dəyişmiş insanların ailələrinə başsağlığı verib, itkin düşmüş insanların tezliklə tapılması diləyi ilə ailələrinə səbr diləyib. Tədbir iştirakçıları hadisədə dünyasını dəyişənlərin xatirəsini bir dəqiqəlik sükutla yad edib. Daha sonra konfransı öz çıxışı ilə açan rektor Mustafa Babanlı konfransın işinə uğurlar diləyib. Rektor bildirib ki, universitetlərdə elmi tutumlu tədris aparılmalıdır. Bu da gözəl laboratoriyaların olamsı və bilikli, savadlı tələbələrin yetişdirilməsi ilə mümkündür. “Bizim biliklərimizin 30 faizi nəzəri biliklərə, qalanı isə tətbiqi elmə söykənməlidir. Bu o deməkdir ki, gündəlik məşğul olduğumuz elm sahələri birinci növbədə ölkəmiz üçün mənfəət gətirməlidir. Bir sözlə “sarı kağızlar” dövrü keçib. İnsanlar fikirləşməlidir ki, nə ilə məşğuldur və bunun nəticəsində nəyə nail ola biləcəklər”. Rektor nəzərdə tutulan yüksək ideyaların gerçəkləşməsi üçün ADNSU tələbələri arasında yüksək ideyalı gənclərin olduğunu qeyd edib, universitetin yüksək intellektə malik olduğunu vurğulayıb. M.Babanlı bu konfransın irəliyə baxmaq məqsədini daşıdığını bildirib. Azərbaycan Respublikası Müdafiə Nazirliyinin Milli Aerokosmik Agentliyinin baş direktoru, t.e.d., professor Alçın Şirinzadə öz nüfuzunu daim qoruyub saxlayan, istehsalata, iqtisadiyyata, texniki yüksəlişə töhfələr verən bu tədris məbədində, möhtəşəm auditoriya qarşısında çıxış etdikcə böyük məsuliyyət hissi keçirdiyini, universitetin şərəfli inkişaf yolunun şahidlərindən biri kimi məmnun olduğunu bildirib. “Elmi-texniki tərəqqinin vüsət aldığı, yeni kəşflərin və ixtiraların yol açdığı XX əsrin ən böyük tarixini birgə yaşayan bugünkü universitet, öz daşıdığı adını dəfələrlə dəyişərək həyata keçirdiyi fəaliyyətin məzmununa bir daha zənginlik gətirib, geniş məkanda elmi elitanın formalaşmasında daima yüksək mövqedə dayanıb”. AMEA-nın müxbir üzvi Zöhhak Abbasov Azərbaycan Dövlət Neft və Sənaye Universiteti ilə geniş əlaqələrin olduğunu qeyd edərək, bunu müsbət bir hal kimi önə çəkib. “Bu universitetin adı əvvəllər çox gur gəlirdi. Ona görə ki, SSRİ-nin bütün müəssələrinin adı bizim alimlərimizin işi ilə bağlı idi. O, universitetin adının yenidən yüksəyə qaldırılması üçün çox problemlərin həll edilməli olduğunu vurğulayıb. Sonra Energetika Fakültəsinin dekanı, dosent Zakir Həsənov, GKF-nin dekanı, dosent Nəriman Nərimanov, Energetika Fakültəsinin 532.2 qrupun tələbəsi Maqsud Həsənov, İBİM və M fakültəsinin II kurs magistrantı Aydın Aslanzadə çıxış edərək, öz təbriklərini çatdırıblar. Sonda Elm və texnika işləri üzrə prorektor, professor Ramiz Həsənov konfransın gedişi haqqında məluat verib. O, qeyd edib ki, konfransa Eni Saipem, Amek Foster Wheeler, Weatherford neft şirkətləri sponsorluq edir. Konfrans öz işini dekabrın 11-də başa vuracaq. Yekunda Bölmə iclaslarında tələbələrin məruzələrinin təqdimat nəticələri haqqında hesabat dinləniləcək və konfransın bölmələrində məzmunlu məruzələri ilə fərqlənən tələbələrə rektorluğun və Tələbə Elmi Cəmiyyətləri Şurasının diplomları, sponsor şirkətlərin təsis etdikləri hədiyyələr, eləcə də Tələbə Həmkarlar İttifaqı Komitəsinin mükafatları veriləcək. R.Həsənov bildirib ki, dekabrın 8, 9 - da keçirilən konfrans 9 bölmədə öz işini həyata keçirib: “Geoloji kəşfiyyat”, “Qaz-neft mədən”, “Kimya və kimya texnologiyası”, “Neft mexanika” “Energetika”, “Avtomatika və informatika”, “İqtisadiyyat və idarəetmə”, “Təbiət elmləri”və “Xarici dillər” bölmələri üzrə ümumilikdə 328 məruzə dinlənilib. Tələbələri fərqləndirmək və onları mükafatlandırmaq üçün müstəqil münsiflər qrupları yaradılıb. ADNSU-nin tələbələrinin hər il keçirilən ənənəvi elmi-texniki konfransında olduğu kimi bu il də münsiflər qrupu tərəfindən xüsusi qeyd olunan çıxışlara görə I yer üçün 9, II yer üçün 12, III yer üçün 14 yer ayrılıb və qaliblərə müvafiq diplomlar veriləcəkdir. Bundan başqa ADNSU-nin tələbələrinin Həmkarlar İttifaqı Komitəsi tərəfindən 9 nəfərə həvəsləndirici mükafatların verilməsi nəzərdə tutulub. Əlavə mükafat olaraq fərqlənmiş ən layiqli iştirakçının bütün xərclərinin universitet tərəfindən ödənilməsi şərti ilə Rusiyanın Sankt-Peterburq şəhərində ”Горный” Milli-mineral-xammal universitetində 20-22 aprel 2016-cı ildə keçiriləcək “Yertəkinin istifadəsi problemləri” adlı Beynəlxalq forum-müsabiqədə iştirak üçün ezam olunması nəzərdə tutulub.




 
Bölməyə aid digər xəbərlər
16.11.2018
Dövlət Miqrasiya Xidmətinin fəaliyyətində yeniliklər tətbiq olunur
16.11.2018
“Azərbaycanda hakimlərin sayı azdır”
16.11.2018
Nazirlik 23 nömrəli orta məktəbdə robot texnika laboratoriyası yaratdı
16.11.2018
“Hüquqi dövlət quruculuğunda məhkəmə-KİV münasibətlərinin inkişafı vacibdir”
16.11.2018
Milli mənəvi dəyərlərin qorunub saxlanılmasında medianın rolu

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10485

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info