Estoniyalı deputat: “Azərbaycanın ərazi bütövlüyü bərpa edilməlidir”
Tarix: 10.12.2015 | Saat: 17:13:00 | E-mail | Çapa göndər


Estoniya-Azərbaycan Parlamentlərarası Dostluq Qrupunun sədri Mixail Korb AZƏRTAC-a müsahibəsində bildirib ki, o, Dostluq qrupuna bu ilin mart ayından – 13-cü çağırış Riyqikoqu (parlament) fəaliyyətə başladığı dövrdən rəhbərlik edir. Qrupa 20 deputat daxildir. M.Korb deyib: “Biz Azərbaycan-Estoniya Parlamentlərarası Dostluq Qrupu ilə sıx əməkdaşlıq edirik, bu qruplar arasında daimi əlaqələr tənzimlənib. Hazırda Estoniya-Azərbaycan iqtisadi əlaqələrinin möhkəmləndirilməsi, o cümlədən iki ölkə arasında əmtəə dövriyyəsinin artırılması istiqamətində iş aparılır”.
Estoniyalı deputat vurğulayıb ki, dekabrın 17-də Latviya-Azərbaycan Parlamentlərarası Dostluq Qrupunun rəhbəri Xosam Abu Meri ilə, yanvar ayında isə Litva-Azərbaycan Dostluq Qrupunun sədri Yuras Pojela ilə görüşəcək, bu görüşlərdə Baltikyanı bölgədə Baltik ölkələri ilə Azərbaycan arasında ümumi dostluq qrupu yaradılması ideyası müzakirə ediləcək. Məqsəd -Baltikyanı bölgədəki sahibkarları regionda istiqamətləndirməkdir.
Mixail Korb söhbət zamanı Dağlıq Qarabağ münaqişəsi məsələsində Estoniya dövlətinin mövqeyini də açıqlayıb. Deputat vurğulayıb ki, Dağlıq Qarabağ problemi barədə Estoniyanın rəsmi mövqeyi aydın və birmənalıdır: Azərbaycanın ərazi bütövlüyü bərpa edilməli, bir milyon qaçqın öz doğma yurdlarına qaytarılmalıdır.
M.Korb deyib: “Bu münaqişənin ən qanlı faciəsi Xocalı qırğınıdır. Mən bu qırğını müasir dünya tarixində ədalətsiz və qəddar hadisə hesab edirəm. Əminəm ki, belə qanlı faciələrin təkrarlanmaması üçün dünya birliyi bütün bu cür cinayətləri neqativ hal kimi qiymətləndirməlidir”.
Deputat qeyd edib ki, Bakıya sonuncu dəfə bu il noyabr ayında, Azərbaycanda keçirilən parlament seçkilərində müşahidəçilər missiyasının üzvü kimi səfər edib. O vurğulayıb ki, seçki prosesi yüksək səviyyədə təşkil edilib və şəffaflıq şəraitində keçib. Bunu belə bir fakt da təsdiqləyir ki, seçkilər zamanı çoxsaylı müşahidəçilər olmasına baxmayaraq seçicilərin təkrar səs verməsi hallarının qarşısını almaq üçün onların bir barmağına rəngsiz mürəkkəb çiləyirdilər.
Mixail Korb Azərbaycan paytaxtında aldığı təəssüratları bölüşərək deyib ki, hər dəfə Bakıdan qayıdanda bu şəhərin getdikcə gözəlləşməsini düşünür. Yaxşılığa doğru dəyişikliklər göz qabağındadır. Estoniyalı deputat qeyd edib ki, dövlətin ən böyük sərvəti insanlardır. Azərbaycanlılar isə ürəyiaçıq, həyatsevər və səmimi adamlardır.
Sonda M.Korb Azərbaycan xalqına və regionun lider dövləti olan ölkəmizə sülh və firavanlıq arzulayıb.




 
Bölməyə aid digər xəbərlər
16.06.2019
Mariya Zaxarova: Mən Bakını çox sevirəm
15.06.2019
Litvada “Qara bağın faciəsi” kitabının imza mərasimi olub
15.06.2019
Özbəkistan portalı Ermənistan ordusunun cəbhə xəttindəki son təxribatları barədə yazır
15.06.2019
Azərbaycan və Rusiya arasında sərhədyanı işgüzar əməkdaşlığın inkişafına dair dəyirmi masa keçirilib
15.06.2019
XİN: Ermənistan rəhbərliyi mövqeyindəki qeyri-müəyyənliyə son qoymalıdır

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10805

1 Naxçıvanda “Cavidşünaslıq” oncildliyinin təqdimatı olub
2 Rufiz Qonaqov: Xəzəryanı ölkələrin xalqları arasında dostluq və əməkdaşlıq platformaları əhəmiyyətlidir
3 “Aa.com.tr”: “2020-ci ilə qədər Azərbaycan qazının Avropa bazarlarına çatması gözlənilir”
4 Ermənilərin təyyarəmizi vurmaq cəhdi uğursuzluqla nəticələnib - VİDEO
5 Çilidə güclü zəlzələ olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info