Universitet Milli GRİD seqmentinə qoşulacaq
Tarix: 15.12.2015 | Saat: 20:36:00 | E-mail | Çapa göndər


Naxçıvan Dövlət Universitetində Milli GRİD seqmentinə qoşulma işlərinə start verilib. Azərbaycan Milli Elmlər Akademiyası Fizika Institutu tərəfindən həyata keçirilən layihə ilə bağlı təqdimat mərasımı keçirilib. Tədbirdə İnformasiya Kommunikasiya Texnologiyaları Mərkəzi, Elektron Təhsil Şöbəsinin əməkdaşları, Media Mərkəzinin əməkdaşları, İnformasiya Kommunikasiya Texnologiyaları mühəndisliyi ixtisasının müəllim və tələbələri iştirak edib. Universitetin elmi işlər üzrə prorektoru, fizika üzrə fəlsədə doktoru, dosent Mübariz Nuriyev tədbiri giriş sözü ilə açaraq çağdaş informasiya əsrində dünyaya inteqrasiya, informasiya kommunikasiya texnologiyalarını hərtərəfli mənimsəmək, onlardan tədris prosesində, elmi tədqiqatlar zamanı səmərəli istifadə etmək istiqamətində universitetdə görülən işlərdən danışıb. Qeyd olunub ki, “Elektron universitet” layihəsinin həyata keçirilməsi, semestr imtahanlarının elektron test üsulu ilə keçirilməsi, Cənubi Koreya Beynəlxalq Əməkdaşlıq Agentliyi (KOİCA) ilə birgə “Naxçıvan Dövlət Universiteti üçün elektron təhsil şəbəkəsi və rəqəmsal multimedia infrastrukturunun yaradılması” layihəsinin uğurla həyata keçirilməsi, beynəlxalq videokonfrans və onlayn dərslərin təşkili bu istiqamətdə görülən işlərdəndir. Ali məktəbin Azərbaycan Milli Elmlər Akademiyasının Fizika İnstitutunun “Yüksək enerjilər fizikası” laboratoriyası bazasında, Azərbaycan Rabitə və Yüksək Texnologiyalar Nazirliyinin, Azərbaycan Milli Elmlər Akademiyasının, dəstəyi ilə yaradılan Milli GRİD seqmentinə qoşulması professor və müəllimlərin, aspirant və doktorantların, magistr və bakalavrların səmərəli elmi-tədqiqat işi aparmaları, həm də müxtəlif beynəlxalq layihələrdə iştirak etmələrinə şərait yaradacaq. Dünyada mövcud olan digər GRİD şəbəkələrinə qoşulmağa imkan verən Milli GRİD seqmenti Naxçıvan Dövlət Universitetinin dünyaya inteqrasiya imkanlarını genişləndirməklə yanaşı, elmi nəticələrin saxlanması, qorunması və onlardan səmərəli istifadə, elmi nəzəri və təcrübə mübadiləsində əhəmiyyətli rol oynayacaq. AMEA Fizika İnstitutunun “Yüksək enerjilər fizikası” laboratoriyasının əməkdaşı Rövşən Həşimov AMEA-nın müxbir üzvü, fizika-riyaziyyat elmləri doktoru Ovsat Abdinovun təşəbbüsü və rəhbərliyi ilə yaradılan Milli GRİD seqmenti haqında ətraflı məlumat verib. Qeyd olunub ki, Azərbaycanın əksər elmi tədqiqat institutlarının qoşulması nəzərdə tutulan GRİD resursların mərkəzləşdirilmiş idarəsi mümkün olmayan halda bu resurslardan istifadəni koordinasiya edən sistemdir. Milli GRİD seqmentinin qarşısında duran əsas vəzifə Azərbaycanda informasiya hesablama GRİD mühütünün yaradılması və elm, sənaye, iqtisadiyyat və s. digər sahələrdə tətbiqinə nail olmaqdır. GRİD standart, açıq, universal protokol və interfeysdən istifadə edib yüksək keyfiyyətli xidmət göstərir. GRİD texnologiyaların infrastrukturun və standartların qovuşmasıdır. Hal – hazırda informasiya texnologiyaları aləmində informasiya və hesablama resurslarının qlobal inteqrasiyasını təmin edə bilən bu yeni kompüter infrastrukturu geniş vüsət almışdır. GRİD-in məqsədi ərazi cəhətdən paylanmış yüksək texnoloji informasiya və hesablama resurslarına – ayrı-ayrı kompüterlərə, klasterlərə və superkompüter mərkəzlərinə, informasiya anbarlarına, şəbəkələrə, elmi instrumentarilərə və s. etibarlı, uyğun, ucuz və təhlükəsizlik girişi təmin edə bilən standartlaşdırılmış xidmətlər dəstinin yaradılmasıdır. GRİD istənilən elmi araşdırmalarda effektivdir; adi informasiya texnologiyalarından istifadə böyük zaman və resurs tələb etdiyi hallarda GRİD əvəzedilməzdir. Sonda AMEA Fizika İnstitutunun “Yüksək enerjilər fizikası” laboratoriyasının əməkdaşı müəllim və tələbələrin suallarını cavablandırmışdır.
Qeyd edək ki, yaxın zamanlarda universitetin Fizika-riyaziyyat fakültəsinin nəzdində yaradılmış xüsusi otaqda müasir kompüter dəsti quraşdırılacaq və Milli GRİD seqmentinə qoşulma işləri tamamlanacaq.


Mehriban Sultan
NDU-nun Mətbuat şöbəsinin müdiri




 
Bölməyə aid digər xəbərlər
19.02.2019
Gözəllik salonlarından oğurluq edən şəxs saxlanılıb
19.02.2019
Masallı MKS-də böyük Azərbaycan dramaturquna həsr olunmuş tədbir keçirilib
19.02.2019
Masallı rayonunda zəlzələ baş verib
18.02.2019
Paytaxtın əsas avtomagistrallarında sürət həddi endirilib
18.02.2019
Masallı Tarix-Diyarşünaslıq Muzeyi Xocalı faciəsinin ildönümü ilə əlaqədar tədbirlər planı hazırlayıb

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10602

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info