“Azərbaycan klublarında olan infrastruktur Ukraynanın bir çox komandasında yoxdur”
Tarix: 16.12.2015 | Saat: 01:08:00 | E-mail | Çapa göndər


“Ukrayna futbolunda hazırda geriləmə müşahidə olunur. Amma bu vəziyyətdə belə, futbolumuz Azərbaycan futbolundan güclüdür”.
Bunu “Zarya” klubunun baş məşqçisi Yuri Vernidub deyib. “Qəbələ”də çıxış edən Vitali Vernidubun atası bu klubun ünvanına tərif deyib. O, “Qəbələ”dəki şəraitin Ukraynanın bir çox Premyer Liqa komandasında olmadığını söyləyib: “Ümumiyyətlə, Azərbaycanın bəzi klublarında olan infrastruktur Ukraynanın bir çox komandasında yoxdu. O ki qaldı “Qəbələ”yə, kifayət qədər ciddi və iddialı klubdur. Onlar boş yerə komandanın “sükanı arxası”na Roman Qriqorçuku gətirməyiblər. Hər cür şərait də yaradıblar. Orda 4 yaxşı meydança və 1 üstü qapalı süni örtüklü meydança gördüm. Üstəlik, o qədər də böyük olmayan, amma gözəl stadionları da var. Futbolçuların məskunlaşması, yaşaması üçün əla şərait yaradılıb, heç bir problemləri olmur. Klubun maliyyə durumu da çox yaxşıdır”. “Qəbələ” və “Qarabağ”ın Avropa Liqasındakı çıxışını dəyərləndirən Yuri Vernidub komandalarımızın layiqli çıxış etdiklərini bildirib: “Azərbaycanın iki komandası Avropa Liqasının qrup mərhələsində mübarizə apardı. “Qarabağ” növbəti mərhələ şansını son tura qədər saxladı. “Qəbələ” isə qrupa düşmək üçün 4 mərhələ keçdi. Bəli, onlar “Borussiya” (Dortmund), “Krasnodar” və PAOK kimi komandaların yer aldığı güclü qrupa düşmüşdülər. Ağır oyunlar olsa da, layiqli mübarizə apardılar. Amma həm “Qəbələ”, həm də Azərbaycan futbolu üçün əvəzolunmaz təcrübə topladılar”.
Təcrübəli mütəxəssis son olaraq oğlu Vitalinin “Qəbələ”dəki çıxışını dəyərləndirib. Yuri Vernidubun fikrincə, oğlunun müntəzəm oynamamağının səbəbi hələ də Azərbaycana uyğunlaşmamağıdı: “Oğlum ilk 6 ayda uyğunlaşma dövrü keçdi. Bəzən oynadı, bəzən isə ehtiyatda qaldı. Başqa ölkəyə gedən istənilən şəxsin uyğunlaşmaq üçün zamana ehtiyacı olur. Fikrimcə, hər şey gözəl olacaq. Hazırkı duruma görə onu qınamıram. O, möhkəm insandı, öz taleyini dəyişəcək gücdədi. Mən oğlumla fəxr edirəm. O, əsl peşəkardı”. Qeyd edək ki, cari mövsümün əvvəlində “Zarya”dan “Qəbələ”yə keçən Vitali Vernidub bu müddət ərzində “qırmızı-qaralar”ın heyətində 15 oyun keçirib, 7 sarı vərəqə alıb.




 
Bölməyə aid digər xəbərlər
22.08.2019
Bu qüvvələrin məqsədi Azərbaycanın imicinə xələl gətirməkdir
22.08.2019
“Allahşükür Paşazadə Azərbaycandakı tolerant mühiti beynəlxalq aləmdə tanıdır”
22.08.2019
Əliməmməd Nuriyev: “Beynəlxalq Şəffaflıq Təşkilatı dərhal və qətiyyətli şəkildə bu avantürist təşəbbüsün qarşısını almalıdır”
22.08.2019
“Din və etiqad azadlığının qorunması üçün tədbirlər görülməlidir”
21.08.2019
“Xalqımıza qarşı xarici təbliğata və təsirlərə qarşı vahid cəbhədə birləşmək vacibdir”

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10868

1 Azərbaycana qarşı casusluq edən 128 nəfər aşkar edilib
2 Bakıdan avtobusla Naxçıvana gedənlərə şad xəbər
3 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
4 “Stokholmda Rəssamlıq qalereyası açmaq planım var”
5 Türkiyədən Naxçıvana uçuşlar yeni hava dəhlizi vasitəsilə həyata keçirilir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info