Səlim Müslümov Ağdaşda 5 şəhər və rayonun sakinlərini qəbul edib
Tarix: 18.12.2015 | Saat: 17:39:00 | E-mail | Çapa göndər


Əmək və əhalinin sosial müdafiəsi naziri Səlim Müslümov Ağdaş rayonunda Ağdaş, Yevlax və Goranboy rayonlarının, Mingəçevir və Naftalan şəhərlərinin sakinlərini fərdi qaydada qəbul edərək müraciətlərini dinləyib.
Müraciətlərdə əsasən imtiyazlı kateqoriyalardan olan şəxslərin dövlət büdcəsi hesabına mənzil və minik avtomobili, reabilitasiya vasitələri ilə təmin olunma, məşğulluğuna və müalicəsinə köməklik göstərilməsi, əmək hüquqlarının müdafiəsi məsələləri ifadə edilib. Hər bir müraciət nazirliyin müvafiq struktur bölmələrinin məsul şəxslərinin iştirakı ilə araşdırılaraq cavablandırılıb. S.Müslümov müraciətlərinə əsasən bir sıra müharibə əlillərinin minik avtomobilinə tibbi göstəriş almaq hüququnun tibbi-sosial ekspertiza xidməti tərəfindən müəyyən olunması, işaxtaran şəxslərə boş (vakant) iş yerlərinə göndərişlərin verilməsi, ayrı-ayrı şəxslərin bu və ya digər sosial təminat hüquqlarının araşdırılaraq qanunauyğun cavablandırılması və s. barədə tapşırıqlar verib.
Nazir vətəndaşların mənzillə təmin olunmaq üçün etdikləri müraciətlərlə əlaqədar bildirib ki, müharibə əlilləri və şəhid ailələrinin mənzillə təminatı işləri rayon (şəhər) icra hakimiyyətlərindən daxil olmuş siyahılara əsasən növbəlilik əsasında uğurla davam etdirilir: “Son aylarda Yevlax və Goranboy rayonlarında da hər birində 11 fərdi ev olmaqla ümumilikdə 22 fərdi ev, Mingəçevir şəhərində isə tender yolu ilə hazır yaşayış binasından alınaraq təmir etdirilmiş 3 mənzil müharibə əlilləri və şəhid ailələrinə təqdim edilib. Həmin evlərdə normal yaşayış üçün bütün şəraitin yaradılıb. Hazırda Ağdaş rayonunda bu təbəqələrdən olan insanlar üçün artıq 19 fərdi evin, Naftalan şəhərində isə 1 fərdi evin insaşı tamamlanmaq üzrədir və yaxın vaxtlarda istifadəyə veriləcəklər”. S.Müslümov müharibə əlilləri və şəhid ailələrinin mənzillə təminatı istiqamətində işlərin gələn ildə davam etdiriləcəyini, dünyada iqtisadi böhran proseslərinin müşahidə olunmasına baxmayaraq, Azərbaycanda sosial proqramların təxirə salınmayacağını vurğulayıb.
Ümumi səbəbdən əlilliyi olan şəxslərin mənzillə təmin olunmaq barədə müraciətinə cavab olaraq bildirilib ki, Əmək və Əhalinin Sosial Müdafiəsi Nazirliyinin sifarişi ilə inşa olunan mənzillər yalnız ölkəmizin ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar fiziki sağlamlıqlarını itirmiş vətəndaşlar və şəhid ailələri üçün nəzərdə tutulub. Ümumi səbəbdən əlilliyi olan vətəndaşlar mənzil-məişət şəraitlərinin yaxşılaşdırılması ilə bağlı müvafiq rayon (şəhər) İcra Hakimiyyətlərinə müraciət edə bilərlər.
Nazir qəbul edilən ayrı-ayrı vətəndaşların müraciətlərinə uyğun olaraq onların əlillik müayinələrini aparılmasını və nəticəsinə uyğun olaraq qərar qəbul edilməsini, əlilliyi olan şəxslərin müalicəsinə köməklik göstərilməsini tapşırıb. Bir qisim şəxslərin müraciəti nazirliyin səlahiyyət dairəsinə aid məsələlərlə bağlı sorğu xarakteri daşıyıb və onlara hüquqi izahatlar verilib.
Qəbula gələn vətəndaşlar müharibə əlilləri və şəhid ailələrinin maddi təminatlarının gücləndirilməsinə, o cümlədən həmin insanların yeni mənzillərlə təminatına göstərdiyi diqqət və qayğıya görə Azərbaycan Prezidenti cənab İlham Əliyevə minnətdarlıqlarını ifadə ediblər. Qəbul zamanı nazirliyin səlahiyyət dairəsinə aid olmayan məsələlərlə əlaqədar müraciətlər müvafiq qurumlara çatdırılmaq üçün qeydiyyata alınıb.

Qorqud




 
Bölməyə aid digər xəbərlər
20.09.2019
“Məntiq-2019” intellektual bilik yarışı üzrə Masallı birinciliyi keçirilib
20.09.2019
Masallıda tədbir: “Heydər Əliyev və neft strategiyası“
19.09.2019
İqtisadiyyat nazirinin müavinləri vətəndaşları qəbul edib
19.09.2019
Sədərək rayonunda payız-qış mövsümünə hazırlıq işləri mütəşəkkil aparılır
19.09.2019
Bakının əksər hissəsini işıqla təmin edən yarımstansiyalar yenidən qurulur

Şərh əlavə olunmayıb

    ,    
Namiq Əliyev
Ağasəf Babayev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10889

1 В Великобритании перешли на систему образования СССР
2 Vilayət Eyvazov sərəncamda olan rəisə vəzifə verdi
3 “Bəzi belarus tələbə qızlar artıq Azərbaycana gəlin köçməyə hazırlaşırlar”
4 “Siyasi partiyaların bir araya gəlməsi müsbət qiymətləndiriləsi hadisədir”
5 Gömrükçülər 2 milyon manatlıq dərman preparatları aşkarlayıblar


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info