İtaliyalı tələbələr Dağlıq Qarabağ münaqişəsi haqqında məlumatlandırılıb
Tarix: 18.12.2015 | Saat: 18:15:00 | E-mail | Çapa göndər


Azərbaycanın İtaliyadakı səfirliyinin müşaviri Vüqar Hacıyev Romadakı La Sapienza Universitetində Ermənistan-Azərbaycan, Dağlıq Qarabağ münaqişəsinə dair mühazirə oxuyub. Problemin tarixi, səbəbləri, nizamlanması istiqamətində aparılan danışıqlar prosesi haqqında məlumat verən diplomat 20 ildən çoxdur davam edən münaqişənin region üçün ciddi təhlükə olduğunu qeyd edib.
O, Ermənistanın hərbi təcavüzü nəticəsində Azərbaycanın Dağlıq Qarabağ regionunun və ətraf yeddi rayonunun işğal olunduğunu, bir milyon azərbaycanlının doğma yurdlarından didərgin düşdüyünü vurğulayıb. Qeyd edib ki, Ermənistan Gürcüstan, Azərbaycan və Türkiyə ərazilərində “Böyük Ermənistan” yaratmaq xülyası ilə yaşayır və yeni nəslə nifrət hissləri aşılayır.
Diplomat diqqətə çatdırıb ki, ermənilərin soydaşlarımıza qarşı həyata keçirdiyi etnik təmizləmə siyasəti tarixin müxtəlif dövrlərində özünü göstərib. Xüsusilə Xocalıda dinc əhaliyə qarşı törədilən qətliam xalqımızın yaddaşında dərin iz buraxıb. 1992-ci il fevralın 25-dən 26-na keçən gecə ermənilərin Xocalıya hücum edərək şəhəri yerlə-yeksan etmələrini bir daha xatırladan V.Hacıyev bu soyqırımı nəticəsində 613 nəfərin amansızlıqla öldürüldüyünü, səkkiz ailənin tamamilə məhv edildiyini, 1275 nəfərin əsir götürüldüyünü və 150 nəfərin itkin düşdüyünü vurğulayıb. O, məşhur jurnalist, “Qara bağ” kitabının müəllifi Tomas de Vaalın 2000-ci ildə hazırkı Ermənistan prezidenti Serj Sarkisyandan aldığı müsahibəni xatırladıb. S.Sarkisyan müsahibəsində deyib: “Xocalı hadisələrinədək azərbaycanlılar elə bilirdilər ki, ermənilər dinc əhaliyə əl qaldırmazlar. Bütün bu düşüncələri dəyişmək lazım idi. Belə də oldu”.
V.Hacıyev bildirib ki, BMT Təhlükəsizlik Şurası Ermənistan qoşunlarının Azərbaycan ərazilərindən dərhal və qeyd-şərtsiz çıxarılması haqqında dörd qətnamə, Avropa Şurası, Avropa İttifaqı, Avropa Parlamenti və digər nüfuzlu regional təşkilatlar Azərbaycanın ərazi bütövlüyünü dəstəkləyən sənədlər qəbul etsələr də, Ermənistan bu tələblərə məhəl qoymur. Bu səbəbdən, beynəlxalq birlik problemin həlli istiqamətində daha qəti mövqe nümayiş etdirməlidir.
Sonra tələbələri maraqlandıran suallar cavablandırılıb.
Fuad




 
Bölməyə aid digər xəbərlər
23.01.2019
Azərbaycana səfər edən hindistanlı turistlərin sayı artıb
23.01.2019
UNICEF: Azərbaycanda xəstəxanalarda yenidoğulanlara süni uşaq qidaları verilməməlidir
22.01.2019
Paytaxtın bəzi rayonlarının təbii qaz təchizatında məhdudiyyət olacaq
22.01.2019
Gələcəkdə “BakıKart”ların balansının onlayn artırılması mümkün olacaq
22.01.2019
“Bakcell”dən 6 bölgənin sakinlərinə 5 GB PULSUZ İnternet!

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Dərslər təxirə salındı
2 “Mənim güc mənbəyim Bakıdadır”
3 Mehman Hüseynov Prezident İlham Əliyevə müraciət ünvanlayıb
4 Ahmet Gencehan Babiş: “Türkiyənin Azərbaycanın razı olmayacağı bir işdə olması mümkün deyil”
5 Azərbaycanın Birinci vitse-prezidenti Mehriban Əliyeva Nikola Sarkozi ilə görüşüb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info