Mirhəsən Seyidov: “Kris Smit ermənipərəst siyasət yürüdür”
Tarix: 18.12.2015 | Saat: 18:48:00 | E-mail | Çapa göndər


ABŞ Helsinki Komissiyası Azərbaycana qarşı sanksiyaların tətbiq edilməsi barədə qanun layihəsini artıq Konqresə təqdim edib. “İrəli” İctimai Birliyinin sədri Mirhəsən Seyidov bizə bu barədə bildirib ki, bu qanun layihəsini konqresə təqdim edərək qəbul etdirmək istəyən Kris Smit ABŞ və Azərbaycan əlaqələrinə ciddi şəkildə zərər vurmaq niyyətindədir: “ 907-ci düzəlişi xatırlayaq. Həmin düzəliş 1992-ci ildə erməni lobbisinin təşəbbüsü ilə ABŞ Konqresi tərəfindən "Azadlığa Dəstək" Aktına qəbul edilən və Azərbaycana Amerikanın birbaşa dövlət yardımını yasaqlayan düzəlişdir. Bu düzəlişdə sözügedən Kris Smitin böyük rolu vardı.Həmin şəxs ermənilərlə dostluğunu etiraz etməkdən çəkinmir. Dost olduqları üçün sırf onların sifarişini yerinə yetirir.
Konqresmen Kris Smit ABŞ-ın “erməni soyqırımı”nı tanımasının ən aktiv tərəfdarlarındadır. Son 10 ildə Smit qondarma “soyqırım”ın tanınması ilə bağlı onlarla bəyanat səsləndirib ki, onlardan beşi yalnız bu ilin payına düşür. Bu kimi digər faktlara nəzər salsaq ermənilər və Kris Smit arasındakı güclü dostluq bağını aydın şəkildə görə bilərik. Kris Smit bilməlidir ki, Azərbaycanda siyasi məhbuslar Azərbaycan qanunvericiliyinə əməl etməyən şəxslərdir. Vətəndaş cəmiyyəti ilə intensiv dialoq nəticəsində Prezident yanında Əfv Komissiyası ölkə Prezidentinə bir sıra məhkumların əfv olunması ilə bağlı müraciət edib. Bir qədər əvvəl isə humanizm prinsipi əsas götürülərək səhhətində müəyyən problemlər olan bəzi məhkumların azad edilməsi ilə bağlı məhkəmələr humanist qərarlar qəbul edib. Belə olan halda ABŞ Konqresinin Helsinki Komitəsinin Azərbaycan hökumətinin bəzi nümayəndələrinə sanksiyaların tətbiq edilməsi barədə təşəbbüslə çıxış etməsi anlaşılan deyil.
Müstəqillik əldə etdikdən sonra Azərbaycanda da vətəndaş cəmiyyəti institutlarının inkişafı dövrü başlayıb. Bu inkişaf heç də rahat başa gəlməyib.Keçmişə nəzər salsaq görərik ki, vətəndaş cəmiyyətinin qurulması prosesi Azərbaycan üçün demək olar ki, sıfırdan başlayıb. Üçüncü sektor təmsilçiləri öz inkişafında ən müxtəlif çətinliklərlə üzləşmələrinə baxmayaraq, vətəndaş cəmiyyəti institutları bu gün Azərbaycanda tərəqqi proseslərinin, novatorluğun, modernləşmə təşəbbüslərinin lokomotivi kimi qəbul edilirlər. Artıq vətəndaş cəmiyyəti institutları cəmiyyəti irəli aparmaq, dövlətin həyata keçirdiyi siyasətə, atdığı addımlara ən müxtəlif formada dəstək vermək potensialına malikdirlər”.

Qorqud





 
Bölməyə aid digər xəbərlər
19.04.2019
PA rəsmisi: “Erməni saxtakarlığı nasizmin bir qoludur, Ermənistanda nasizm qalib gəlib”
19.04.2019
Azərbaycanın Birinci vitse-prezidentinin köməkçisi ABŞ-Azərbaycan Ticarət Palatasının üzvləri ilə görüşüb
19.04.2019
AXCP böhtanlara görə ReAl-dan niyə üzr istəmədi?
19.04.2019
Deputat: “Bu fərman məhkəmə-hüquq sisteminin inkişafında yeni mərhələnin başlanacağına böyük ümid yaradır”
19.04.2019
Zakir Həsənov HHQ-nin təlim-məşq mərkəzinin açılışında iştirak edib

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10751

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Hemilton “Formula-1“ tarixinin 1000-ci yarışının qalibi olub
4 Ramiz Mehdiyevin sərəncamı ilə tədbirlər planı təsdiqləndi
5 Azərbaycanlı həkim-yazıçı Rusiya Yazıçılar İttifaqına üzv olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info