“Düzgün cavab” Azərbaycan və Rusiya gənclərini birləşdirdi
Tarix: 22.12.2015 | Saat: 20:21:00 | E-mail | Çapa göndər


Moskva Gənclər Parlamentarizmi Mərkəzində Dünya Azərbaycanlılarının Həmrəyliyi Gününə həsr edilmiş “Düzgün cavab” intellektual turniri keçirilib. Tədbirin təşkilatçıları Moskva Gənclər Parlamentarizmi Mərkəzi, Rusiyanın Azərbaycanlı Gənclər Birliyi (RAGB) və O.Y.Kutafin adına Moskva Dövlət Hüquq Akademiyasının Azərbaycan klubu, turnirin aparıcısı isə məşhur bilici, “Büllur bayquş” mükafatının sahibi Rövşən Əsgərov idi.
Moskva Gənclər Parlamentarizmi Mərkəzinin nümayəndəsi Sergey Martınov turnir iştirakçılarını salamlayaraq komandalara uğurlu oyun arzulayıb və qeyd edib ki, bu cür tədbirlər Rusiya və Azərbaycan gəncləri arasında dostluğun möhkəmlənməsinə xidmət edir. S.Martınov RAGB ilə əməkdaşlığı bundan sonra da davam etdirməyə və müştərək layihələr həyata keçirməyə hazır olduğunu bildirib.
RAGB idarə heyətinin üzvü Emin Hacıyev RAGB sədri Leyla Əliyevanın turnir iştirakçılarına salamını çatdırıb. O deyib: “RAGB sədri Leyla Əliyeva tərəfindən qarşımıza qoyulmuş vəzifələrdən biri Azərbaycan gənclərinin Rusiya cəmiyyətinə inteqrasiyasını dəstəkləməkdir. Bununla əlaqədar, Moskva Gənclər Parlamentarizmi Mərkəzi ilə əməkdaşlıq etmək çox faydalıdır. RAGB yaxın vaxtlarda Rusiya və Azərbaycan gənclərinin yaxınlaşmasına yönəlmiş birgə layihələr həyata keçirilməsi barədə təkliflərlə çıxış edəcək”.
O.Y.Kutafin adına Moskva Dövlət Hüquq Akademiyasının Azərbaycan klubunun sədri Əli Əliyev turnirin keçirilməsini dəstəklədiyinə görə RAGB sədri Leyla Əliyevaya, həmçinin komandalara oyuna göstərdiyi marağa görə təşəkkürünü bildirib.
Turnirdə Moskvanın aparıcı ali məktəblərinin rusiyalı və azərbaycanlı tələbələrindən ibarət komandalar iştirak edib. Bir neçə saat davam edən intellektual mübarizədə M.V.Lomonosov adına Moskva Dövlət Universitetinin “Atropat” komandası qalib gəlib. İntellektualların gərgin mübarizəsinin finalında bu komanda RF Hökuməti yanında Maliyyə Universitetinin “Finansistı” komandasından üstün olduğunu sübut edib.
Qaliblərə RAGB-ın İntellektual kuboku təqdim edilib.
Turnir iştirakçıları müxtəlif nominasiyalarda fərqləndirilib: “Dünyanı gözəllik xilas edəcək” nominasiyasında – Aytən Məmmədova (Plexanov adına Rusiya İqtisad Universitetinin “Plexanovtsı” komandası); “Zəka aydınlığı və çevikliyi” nominasiyasında – Qabil Əbdülrəhmanzadə (RF Hökuməti yanında Maliyyə Universitetinin “Finansistı” komandası); “Qərarların müdrikliyinə görə” nominasiyasında – “Deti Femidı” komandası (O.Y.Kutafin adına Moskva Dövlət Hüquq Akademiyası); “Qələbə əzminə görə” nominasiyasında – “The Vışka” komandası (Ali İqtisad Məktəbi).
M.V.Lomonosov adına Moskva Dövlət Universitetinin “Atropat” komandasının üzvü Ruslan Süleymanov turnirin ən erudisiyalı iştirakçısı hesab olunub.
Tural




 
Bölməyə aid digər xəbərlər
20.11.2018
“Cümhuriyyət 100 il” adlı rəsm müsabiqəsinə yekun vurulub
20.11.2018
İnzibati məsuliyyətə cəlb edilən piyadaların sayı 100 mini ötüb
20.11.2018
AMEA-da Cümhuriyyət tarixinə dair dəyərli elmi-tədqiqat işləri aparılır
20.11.2018
Qloballaşma şəraitində milli dəyərlərimizin konfiqurasiyasının dəyişdirilmə təhlükəsi
20.11.2018
Aysel Fərziyeva yeni vəzifəyə gətirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info