Fərhad Bədəlbəyli: “Ermənistan ziyalıları ilə görüşün mənası yoxdur”
Tarix: 18.02.2013 | Saat: 23:38:00 | E-mail | Çapa göndər


“Dağlıq Qarabağın erməni icması konstruktiv mövqe nümayiş etdirmir. Biz onları görüşə, müzakirəyə dəvət edirik, lakin əks tərəfdən bir səs çıxmır”. Bunu APA-ya açıqlamasında “Dağlıq Qarabağın azərbaycanlı icması” İctimai Birliyinin İdarə Heyətinin üzvü, Üzeyir Hacıbəyli adına Bakı Musiqi Akademiyasının rektoru Fərhad Bədəlbəyli deyib.
F.Bədəlbəyli bildirib ki, Dağlıq Qarabağda yaşayan ermənilərin azərbaycanlı icmasının nümayəndələri ilə görüşdən imtina etmələrinin səbəblərini bilmir: “Onlar ya bunu istəmirlər, ya da görüşmələrinə imkan vermirlər”. F.Bədəlbəyli Dağlıq Qarabağdan olan azərbaycanlı ziyalıların Ermənistan ziyalıları ilə görüşməsini o qədər də əhəmiyyətli saymadığını deyib: “İrəvandan olan erməni ziyalılarla görüşün mənası nədir? Onlarla görüşüb, nəyi müzakirə edəcəyik? Onlar İrəvanda yaşayıb, işləyirlər, Dağlıq Qarabağın sadə ermənilərinin mövqeyini bilmirlər. Biz Dağlıq Qarabağda, Xankəndində yaşayan, oradakı mühitə, sadə erməni əhalisinin istəklərinə bələd olan erməni ziyalıları - savadlı, dünyaya açıq gözlə baxan insanlarla görüşmək istəyirik. Biz onlarla təmasda olmalıyıq. Ermənistan ziyalıları ilə bizim nə işimiz var? İrəvandan olan erməni ziyalılarla görüşlərin davam etdirilməsinə lüzum yoxdur. Onlarla iki dəfə görüşdük və gördük ki, müzakirələr heç bir nəticə vermir”. F.Bədəlbəyli münaqişənin həllində xalq diplomatiyasının hələki, bir nəticə vermədiyini də diqqətə çatdırıb: “Bu istiqamətdə aparılan prosesdə iştirak etmişəm. Xankəndidə, Şuşada, İrəvanda da olmuşam, ermənilərin rəhbər şəxsləri, ziyalıları ilə də görüşmüşəm. Amma nəticə yoxdur. Hətta irəliyə doğru pozitiv bir addımı görə və ya hiss edə bilməmişəm. Çünki ermənilər millət yox, təşkilatdırlar. Onlarda bütün millət bir təşkilat kimi fəaliyyət göstərir və hansı partiyanın nümayəndəsi olmalarından asılı olmayaraq, milli məsələlərdə bir yerdə ola bilirlər”.




 
Bölməyə aid digər xəbərlər
16.07.2019
Erməni qadınların problemləri
16.07.2019
İran Ərəb Əmirliklərinin neft tankerini ələ keçirdi, körfəzdə gərginlik yenidən artdı
16.07.2019
Çavuşoğlu Avropaya meydan oxudu: “Aralıq dənizinin şərqində 3 gəmimiz var, dördüncünü də göndərəcəyik”
15.07.2019
Rusiyanın mobil operatoru “Megafon“ Azərbaycan xalqından üzr istəyib
15.07.2019
“1in.am”: “Paşinyanın dinləmək qabiliyyəti xeyli azalıb”

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10827

1 Rostovun tarixinə düşən azərbaycanlı qız
2 “4-cü qrupa hazırlaşan hər bir abituriyentin arzusu həkim olmaqdır”
3 Mehriban Əliyeva Yalçın Rzazadə ilə bağlı tapşırıq verdi
4 Nə “Qurani-Kərim“, nə “İncil“, nə də “Tövrat“ insanları savaşa çağırır
5 Dünya brendi olmağı hədəfləyən azərbaycanlı gənc


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info