Zərifə Əliyeva adına liseydə Elm guşəsi
Tarix: 29.12.2015 | Saat: 19:26:00 | E-mail | Çapa göndər


AMEA Gənc Alim və Mütəxəssislər Şurası və Yer Elmləri Bölməsinin birgə təşkilatçılığı ilə akademik Zərifə Əliyeva adına liseydə Elm guşəsinin açılışı olub. Ölkəmizdə yeniyetmə və gənclərin elm və texnika sahəsindəki bacarıqlarını dəstəkləyən, təşəbbüskarlığını stimullaşdıran bu layihə AMEA-nın prezidenti, akademik Akif Əlizadənin tövsiyəsi əsasında həyata keçirilir. Açılış mərasimində çıxış edən Yer Elmləri Bölməsinin akademik-katibi, akademik Fəxrəddin Qədirov şagirdlərlə Akademiyanın tanınmış alimlərinin görüşünü təşkil etdiyinə görə akademik Zərifə Əliyeva adına liseyin rəhbərliyinə Rəsayət Heyəti adından minnətdarlığını bildirib. Bölmə rəhbəri qeyd edib ki, akademik Zərifə Əliyeva adına liseydə fəaliyyət göstərən kiçik akademiya ilə AMEA xeyli müddətdir ki, qarşılıqlı əməkdaşlıq edir. Akademik liseydə Yer Elmləri Bölməsinin fəaliyyətini əks etdirən Elm guşəsinin yaradılmasının elmin inkişafına xidmət edən amillərdən olduğunu, şagirdlərin "Elm" guşəsində toplaşaraq, elmlə bağlı müzakirələr aparmaq imkanı qazandıqlarını vurğulayıb. Akademik qeyd edib ki, "Azərbaycan 2020: gələcəyə baxış" İnkişaf Konsepsiyasında da bu istiqamətdə bir sıra tədbirlər nəzərdə tutulur. Vurğulayıb ki, həmin tədbirlər sırasına yeniyetmə yaşlarında elmə maraq yaradılması üçün orta məktəblərdə Elm guşələri yaradılması, intellektual interaktiv müsabiqələr keçirilməsi, dövlət gənclər siyasətinin məlumat bazasının yaradılması, davamlı təkmilləşdirilməsi və zənginləşdirilməsi, gənclərin innovativ ideyalarının və yaradıcı təşəbbüslərinin reallaşdırılması, onların praktikada tətbiqi üçün zəmin yaradılması, elm və texnika sahəsində çalışan gənclərin sayının artırılması kimi istiqamətlər daxildir. Akademik Fəxrəddin Qədirov bu konteksdə təhsillə elmin vəhdətinin zəruri olduğunu deyib: "Azərbaycan elminin inkişafı bu vəhdətdən asılıdır. Akademiya da neçə illərdir ki, elm və təhsilin inteqrasiyasına çalışır. Bu istiqamətdə artıq AMEA institutlarında baza kafedraları yaradılıb, eyni zamanda magistratura təhsilinə başlanılıb. İndiki mərhələdə məktəblərdə elmin bölmələri üzrə ixtisaslaşmış guşələrin yaradılmasını da elm və təhsilin inteqrasiyasına bir töhfə kimi dəyərləndirirəm". Tədbirdə çıxış edən Gənc Alim və Mütəxəssislər Şurasının sədri, fizika üzrə fəlsəfə doktoru Famin Salmanov qeyd edib ki, bu layihə Şuranın təhsil müəssisələrində həyata keçirdiyi ilk iş deyil. Onun sözlərinə görə, Akademiya institutlarında mütəmadi olaraq məktəblilər üçün "Açıq qapı" günləri təşkil edilir. Həmçinin "Bu günün şagirdi, sabahın alimi", "Əyləncəli-öyrədici təcrübələr" və digər layihələr çərçivəsində yetişməkdə olan gənc nəslin bilik və bacarıqlarını artıran müsabiqələr, bilik yarışları, seminarlar keçirilir. İlk olaraq AMEA Yer Elmləri Bölməsinin Akademiyanın 70 illik yubileyinə həsr olunan guşəsinin hazırlandığını deyən Famin Salmanov bildirib ki, belə Elm guşələri digər elmi bölmələri də əhatə etməklə, Bakı şəhəri və regionların bir çox məktəblərində təşkil olunacaq. Liseyin direktoru, filologiya üzrə fəlsəfə doktoru Mehriban Vəliyeva akademik Zərifə Əliyeva adına lisey ilə AMEA arasında yaradılmış əməkdaşlığa görə Akademiyanın prezidenti, akademik Akif Əlizadəyə təşəkkürünü bildirib. Qeyd edib ki, bu cür tədbirlər istedadlı yeniyetmə və gənclərin üzə çıxarılması və dəstəklənməsi istiqamətində mühüm əhəmiyyətə malikdir. Onun sözlərinə görə, belə layihələr yaxın gələcəkdə fundamental, təbii, texniki elmlər və yüksək texnologiyalar üzrə ixti-saslaşan gənc mütəxəssislərin sayının artmasına kömək edəcək, elmin səviyyəsinin yüksəldilməsinə təkan verəcək. Sonra tədbirdə AMEA-nın müxbir üzvləri Elbrus Əlizadə, Qurban Yetirmişli və geologiya-minerologiya elmləri doktoru Dadaş Hüseynov çıxış edərək şagirdlərə çalışdıqları elm sahələrinə dair məlumat veriblər. Sonda açılış mərasiminin rəmzi sayılan qırmızı lent kəsildikdən sonra tədbir iştirakçıları Geologiya və Geofizika İnstitutu, Respublika Seymologiya Mərkəzi və H.Ə.Əliyev adına Coğrafiya İnstitutu haqqında əyani vəsaitlərin yer aldığı Elm guşəsi ilə yaxından tanış olublar.

Qorqud




 
Bölməyə aid digər xəbərlər
18.04.2019
“Bakcell” Formula 1 Azərbaycan Qran Prisinin ilk rəsmi dəstəkçisi oldu
18.04.2019
Ad günün mübarək, şəhidim!
18.04.2019
Yanğından zərər çəkmiş sahibkarlara dəstək: 345 sahibkar mallarını ticarət mərkəzindən çıxarıb
18.04.2019
“İrəli” İctimai Birliyinin “Aprel Zəfəri”nə həsr etdiyi layihə davam edir
18.04.2019
Xidmətə ilkin hazırlıq təlimlərinin dinləyiciləri üçün atış üzrə təlim keçirilib

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10749

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Hemilton “Formula-1“ tarixinin 1000-ci yarışının qalibi olub
4 Milli mədəniyyətimizin fədakar tədqiqatçısı və təmsilçisi Babək Qurbanov haqqında
5 Rusiya Prezidenti Krasnoyarskdakı Azərbaycan diaspor rəhbərini təltif edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info