İctimai Elmlər Bölməsi institutlarının illik hesabatı
Tarix: 05.01.2016 | Saat: 17:52:00 | E-mail | Çapa göndər


Azərbaycan Milli Elmlər Akademiyasının (AMEA) Rəyasət Heyətində İctimai Elmlər Bölməsi institutlarının 2015-ci ilin yekunlarını əhatə edən hesabat iclası keçirilib. AMEA-nın vitse-prezidenti, akademik İsa Həbibbəyli tədbiri giriş sözü ilə açaraq əvvəlcə tədbir iştirakçılarını Dünya Azərbaycanlılarının Həmrəylik Günü və Yeni il bayramı münasibətilə təbrik edib, onlara yeni yaradıcılıq uğurları arzulayıb. Akademik İsa Həbibbəyli yola saldığımız ildə bütövlükdə Akademiya həyatında, o cümlədən humanitar və ictimai elmlər sahəsində qazanılan uğurlardan, əldə edilən nailiyyətlərdən danışıb. Azərbaycan Prezidenti İlham Əliyevin Akademiyanın 70 illik yubileyi mərasimində iştirakını və ölkənin elmi ictimaiyyəti qarşısında dərin məzmunlu nitqini ilin böyük tarixi əhəmiyyətə malik hadisəsi olduğunu qeyd edən akademik İsa Həbibbəyli növbəti ildə humanitar və ictimai elmlər qarşısında duran mühüm vəzifələrdən bəhs edib. Gündəlikdə duran məsələlər haqqında ətraflı məlumat verən akademik İsa Həbibbəyli iclasın İctimai Elmlər Bölməsinə daxil olan elmi-tədqiqat institutlarının cari ildəki fəaliyyətinin müzakirəsinə həsr olunduğunu diqqətə çatdırıb.
Sonra Tarix İnstitutunun direktoru, AMEA-nın müxbir üzvü Yaqub Mahmudov, Arxeologiya və Etnoqrafiya İnstitutunun elmi işlər üzrə direktor müavini, tarix üzrə fəlsəfə doktoru Nəcəf Müseyibli, Şərqşünaslıq İnstitutunun direktoru, AMEA-nın müxbir üzvü Gövhər Baxşəliyeva, Fəlsəfə və Hüquq İnstitutunun direktoru, fəlsəfə elmləri doktoru İlham Məmmədzadə, İqtisadiyyat İnstitutunun elmi işlər üzrə direktor müavini, iqtisad üzrə fəlsəfə doktoru Allahyar Muradov, İnsan Hüquqları İnstitutunun direktoru, hüquq üzrə elmlər doktoru Aytən Mustafayeva və Milli Azərbaycan Tarixi Muzeyinin direktoru, akademik Nailə Vəlixanlı təmsil etdikləri elmi-tədqiqat müəssisələrinin 2015-ci ildəki elmi və elmi-təşkilati fəaliyyətləri haqqında hesabat məruzələri ilə çıxış ediblər.
Qeyd olunub ki, cari ildə bölmə üzrə 33 problem üzrə 117 mövzuda 271 elmi-tədqiqat işi yerinə yetirilib. 2015-ci ildə 1697 kitab və monoqrafiya, 1028 məqalə (onlardan 38-i impakt faktorlu jurnallarda), 160 tezis nəşr olunub. Bölmə əməkdaşlarının çap edilmiş işlərinə 322-yə yaxın istinadlar olub. Bundan əlavə, bölməyə daxil olan institutların əməkdaşları AMEA Rəyasət Heyəti və Azərbaycan Respublikası Prezidenti yanında Elmin İnkişafı Fondunun 5-ə yaxın qrantına layiq görülüblər. Hesabat ilində bölmə əməkdaşlarından 4 nəfər elmlər, 36 nəfər isə fəlsəfə doktoru dissertasiyalarını müdafiə edib.
Elmi-tədqiqat müəssisələrinin hesabatları ilə bağlı AMEA İctimai Elmlər Bölməsinin akademik-katibi v.i.e., AMEA-nın müxbir üzvü Nərgiz Axundova, akademik Nailə Vəlixanlı və başqaları çıxış ediblər. Geniş müzakirələrdən sonra bölmə institutlarının hesabatları qəbul olunub.
Nigar




 
Bölməyə aid digər xəbərlər
15.11.2018
Yüksək Texnologiyalar Parkında startapçılar ABŞ-ın müvəqqəti işlər vəkili ilə görüşüb
15.11.2018
“Vəkillik dövlət və cəmiyyət arasında münasibətlərin stabilizatorudur”
15.11.2018
Bakıda beynəlxalq konfrans keçirilir
15.11.2018
Mətbuat Şurası ilə AMEA Mərkəzi Elmi Kitabxanası memorandum imzalayıb
15.11.2018
Bakıda Dünya Diabet Gününə həsr olunmuş tədbir keçirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10478

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info