ABŞ konqresmeninin qərəzli layihəsinə qarşı Kaliforniyada petisiya yaradılıb
Tarix: 06.01.2016 | Saat: 00:18:00 | E-mail | Çapa göndər


ABŞ-ın Kaliforniya ştatında yaşayan Azərbaycan icması konqresmen Kris Smit tərəfindən ölkəmizlə bağlı təqdim olunmuş qərəzli qanun layihəsinə etiraz edən elektron petisiya yaradıb. Petisiya Konqresin Nümayəndələr Palatasının spikeri Pol Rayana, layihənin müzakirə olunacağı xarici əlaqələr, hüquqi məsələlər və maliyyə komitələrinin sədrlərinə ünvanlanıb. Petisiyada qanun layihəsinin erməni lobbisinin təhriki ilə irəli sürüldüyü vurğulanır və buna görə də tam qərəzli xarakter daşıdığı bildirilir.
Qeyd olunur ki, Ermənistanın korrupsiyaya bulaşmış və insan haqlarını kobudcasına pozan hökumətinin ABŞ-da lobbiçiliyini aparan erməni diasporunun əsas məqsədi Azərbaycana və onun ABŞ ilə münasibətlərinə mümkün qədər ziyan vurmaqdır. Erməni lobbisi Ermənistanın Azərbaycana qarşı həyata keçirdiyi işğalçılıq və etnik təmizləmə siyasətini pərdələmək üçün dəridən-qabıqdan çıxır. Azərbaycan ilə ABŞ-ın indiyədək terrorizmə və ekstremizmə qarşı mübarizə, enerji təhlükəsizliyi və digər sahələrdə uğurla əməkdaşlıq etdikləri bildirilən petisiyada ABŞ üçün ən çətin vaxtlarda, xüsusilə 11 sentyabr terror hadisələrindən sonra Azərbaycanın Birləşmiş Ştatlara dəstək olduğu diqqətə çatdırılır. Qeyd olunur ki, çətin bir bölgədə yerləşməsinə baxmayaraq, Azərbaycan öz dünyəviliyini və tolerantlıq ənənələrini qoruyub saxlaya bilib, müsəlmanların, xristianların və yəhudilərin dinc, qarşılıqlı hörmət şəraitində yaşadıqları multikulturalizm məkanına çevrilib. Bütün bunları, xüsusilə layihənin qərəzliliyini və ABŞ-Azərbaycan münasibətlərinin yüksək önəmini nəzərə alaraq, ABŞ Konqresinin erməni lobbisinin hiylələrinə uymayaraq sözügedən qanun layihəsini qətiyyətlə rədd etməsinin vacibliyi vurğulanır. Qeyd olunur ki, əgər qanun layihəsi qəbul edilərsə bu, nəinki Azərbaycan-ABŞ dostluğuna, ilk növbədə ABŞ-ın özünün milli maraqlarına ziyan vuracaq. Həm ABŞ-da, həm də dünyanın müxtəlif ölkələrində yaşayan azərbaycanlılar və Azərbaycanın dostları bu petisiyanı imzalamağa dəvət edilir.
Cavidan




 
Bölməyə aid digər xəbərlər
20.04.2019
ABŞ səfiri Azərbaycan və Ermənistan XİN rəhbərlərinin növbəti mümkün görüşünü alqışlayır
19.04.2019
PA rəsmisi: “Erməni saxtakarlığı nasizmin bir qoludur, Ermənistanda nasizm qalib gəlib”
19.04.2019
Azərbaycanın Birinci vitse-prezidentinin köməkçisi ABŞ-Azərbaycan Ticarət Palatasının üzvləri ilə görüşüb
19.04.2019
AXCP böhtanlara görə ReAl-dan niyə üzr istəmədi?
19.04.2019
Deputat: “Bu fərman məhkəmə-hüquq sisteminin inkişafında yeni mərhələnin başlanacağına böyük ümid yaradır”

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10754

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Ramiz Mehdiyevin sərəncamı ilə tədbirlər planı təsdiqləndi
4 Azərbaycanlı həkim-yazıçı Rusiya Yazıçılar İttifaqına üzv olub
5 “Azərbaycan dilinin Orfoqrafiya Normaları” təsdiq edilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info