Sabunçuda yeni binaların tikintisinə başlanıb
Tarix: 06.01.2016 | Saat: 00:20:00 | E-mail | Çapa göndər


Bakı şəhərinin Sabunçu rayonunda pilot layihə çərçivəsində sökülən iki qəzalı binanın yerində yeni binaların tikintisinə başlanıb. Bunu APA-ya açıqlamasında Sabunçu Rayon İcra Hakimiyyəti başçısının müavini Avtandil Hüseynzadə bildirib.
Layihə çərçivəsində ilkin olaraq Yeni Ramana qəsəbəsi, D. Bünyadzadə küçəsi-23 ünvanındakı yerləşən, qəzalı vəziyyətdə olan 30 mənzilli və Bakıxanov qəsəbəsi, Ə. Ağayev küçəsi-39 ünvanında yerləşən 16 mənzilli binaların sakinləri köçürülüb, tikinti şirkəti tərəfindən həmin mənzillərin sakinlərinə yeni bina tikilib istifadəyə verilənə qədər kirayədə qalmaları üçün vəsait ayrılıb, bu iki bina sökülüb. A. Hüseynzadə deyib ki, Yeni Ramana qəsəbəsi, D. Bünyadzadə küçəsi-23 ünvanında artıq 10 mərtəbəli, 2 bloklu yeni binanın tikintisi ilə əlaqədar bünövrənin tökülməsi prosesi başa çatmaq üzrədir, hazırda dəmir-beton işləri aparılır. Bakıxanov qəsəbəsi, Ə. Ağayev küçəsi-39 ünvanında isə 10 mərtəbəli bir bloklu binanın bünövrəsi ilə əlaqədar torpaq-qazıntı işləri başa çatıb, hazırda binanın bünövrəsinin qoyulması üçün hazırlıq işləri aparılır. Qeyd edək ki, Nazirlər Kabinetinin 8 oktyabr 2015-ci il tarixli “Bakı şəhəri Sabunçu rayonunun sosial-iqtisadi inkişafının sürətləndirilməsinə dair əlavə tədbirlər barədə” qərarına əsasən Bakı şəhəri Sabunçu Rayon İcra Hakimiyyəti pilot layihə formatında 5 il müddətinə mülki, mənzil və şəhərsalma və tikinti qanunvericiliklərinin tələblərinə əməl etməklə, şəhərin ümumi görünüşünə xələl gətirən, qəzalı vəziyyətdə olan və mövcud şəhərsalma normalarına cavab verməyən yaşayış binalarının, habelə sosial və digər təyinatlı qeyri-yaşayış obyektlərinin sökülməsi və yenidən qurulmasını, ərazi və ərazi hissələrinin müfəssəl planlarının hazırlanmasını və təsdiqini, habelə yeni tikiləcək yaşayış binalarının və qeyri-yaşayış obyektlərinin layihələrinə razılığın, tikintiyə və tikinti obyektinin istismarına icazənin verilməsini təmin etməlidir. Sakinlər sökülən qəzalı binaların yerində tikilən yeni binalarda mənzillərlə təmin ediləcəklər. Qəzalı vəziyyətdəki binada yaşayan ailənin mənzilinin sahəsi yeni binada 25-35 faiz artıq olacaq.




 
Bölməyə aid digər xəbərlər
20.11.2018
“Sondakika.com”: “Sumqayıtda açılan zavod dünyada ən müasir müəssisə xüsusiyyətinə malikdir”
20.11.2018
Ötən ilin eyni dövrünə nisbətən 26 min tondan çox pambıq tədarük edilib
20.11.2018
Gömrük Komitəsi və “Caspian European Club” birgə biznes forum keçirəcək
20.11.2018
“Bakutel” çərçivəsində ilk dəfə olaraq Xəzər İnnovasiya Konfransı keçiriləcək
20.11.2018
Azərbaycanda avtomobil istehsalı artıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info