“Yol polisinin məqsədi cərimə yazmaq deyil”
Tarix: 06.01.2016 | Saat: 00:36:00 | E-mail | Çapa göndər


“Yol hərəkəti haqqında” qanunun tələbinə əsasən nəqliyyat vasitələrində xüsusi komplektləşdirilmiş dərman qutusu, yanğınsöndürən balon və qəza-duracaq nişanı olmalıdır”.
Bunu APA-ya açıqlamasında Bakı Şəhər Dövlət Yol Polisi İdarəsinin ictimaiyyətlə əlaqələr bölməsinin rəisi Vaqif Əsədov deyib. O bildirib ki, dərman qutusu avtomobildə olmasa, sürücü məsuliyyətə cəlb olunur: “Əgər həmin qutu avtomobildə olmasa, cərimə yazıla bilər. Digər vasitələrlə bağlı isə protokol tərtib edilməsi nəzərdə tutulmayıb. Lakin vətəndaşlar cərimə yazılmasından çox həmin vasitələrin avtomobildə olmasının vacibliyini başa düşməlidir. Sürücülər müəyyən məbləğdə cərimə ödəməkdənsə, həmin vasitələrdən istifadə etməyi bacarmalıdırlar. Bütün bunlar “Yol hərəkəti haqqında” qanun və İnzibati Xətalar Məcəlləsi ilə tənzimlənir. Necə ki, hava şəraitindən asılı olmayaraq sürücü avtomobilin işıqlarını və nömrə nişanlarını təmizləməlidir, elə də bütün bunlar avtomobillərdə olmalıdır. Yanğınsöndürən balonla bağlı bəziləri deyir sprey olmalıdır, bəziləri deyir toz formasında olmalıdır. Yanğını nə söndürə bilər, bunu da mütəxəssislər bilir. Hansı vasitə ilə yanğını söndürmək mümkündür ondan olmalıdır”. V. Əsədov qeyd edib ki, yol polisinin məqsədi cərimə yazmaq deyil. “Biz istəyirik ki, bu qanunlara əməl olunsun. Yol polisi gündəlik reydlər zamanı bu məsələyə diqqət edir. Əgər kimsə boş qutu alır qoyursa və yaxud dərmanların vaxtı bitibsə, bu zaman sürücü özünü aldadır. Bundan əlavə, sürücülər həmin vasitələrdən istifadə qaydalarını da bilməlidirlər. Bu qaydaları bilən kifayət qədər sürücü var. Bunu inzibati xəta kimi qələmə vermək lazım deyil . Bu qaydaları hər kəs bilməlidir və buna əməl etməlidir. Ajiotaj formasında yazırlar ki, yol polisi sürücüləri cərimələməyə başlayacaq. Onsuzda hər bir yol polisi xidmət göstərdiyi ərazilərdə bu məsələyə diqqət edir. Biz bilirik ki, əksər maşınlarda bu vasitələr yoxdur. Bunun olmasını, həmin vasitələrdən istifadə olunmasına üstünlük verilməsini təbliğ etmək istəyirik”, - deyə o vurğulayıb. V. Əsədov bildirib ki, əgər həmin dərman qutusu avtomobildə olmasa, cərimə yazıla bilər: “Cərimənin məbləği 5 manatdır. Ötən il ərzində təbliğat xarakterli reydlər keçirmişik və 30-a yaxın protokol yazmışıq. Biz demirik ki, sürücü həkim olsun. Lakin bu qaydalara əməl edilməlidir. Düzgün göstərilən ilk tibbi yardım xəstənin tez sağalmasına xidmət edir”.




 
Bölməyə aid digər xəbərlər
17.06.2019
Heydər Əliyev Azərbaycanın müstəqilliyinin qorunması kimi tarixi missiyanı yerinə yetirib
16.06.2019
Bakıda xeyirxah və səmimi mühit var
16.06.2019
Heydər Əliyevin hakimiyyətə qayıdışı Azərbaycan dövlətini məhv olmaq təhlükəsindən xilas etdi
16.06.2019
Türkiyə dünyanın bütün regionları ilə münasibətlərini inkişaf etdirmək istəyir
15.06.2019
Heydər Əliyevin hakimiyyətə qayıdışı Azərbaycanın davamlı inkişafının əsasnı qoydu

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10808

1 Müəllimlərin maaşı artdı - 20 faiz
2 Minimum aylıq əməkhaqqı artırıldı- Prezident Sərəncam imzaladı
3 “Balımı daha da artırıb Prezident təqaüdü almaq niyyətindəyəm”
4 Rufiz Qonaqov: Xəzəryanı ölkələrin xalqları arasında dostluq və əməkdaşlıq platformaları əhəmiyyətlidir
5 Bakı Atatürk Liseyində məzun günü münasibəti ilə tədbir keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info