Nardaranda sakinlərə kompensasiya verilməsinə başlanıb
Tarix: 06.01.2016 | Saat: 18:15:00 | E-mail | Çapa göndər


Bakının Nardaran qəsəbəsində iki küçənin yenidən qurulması ilə bağlı obyektlərin və yaşayış sahələrinin sökülməsinə görə yaşayış və obyekt sahələrinin sahiblərinə kompensasiya verilməsinə başlanıb.
Nəqliyyat Nazirliyinin “Azəryolsevis” ASC-nin mətbuat katibliyinin rəisi Anar Nəcəfli açıqlamasında deyib ki, ilkin olaraq hazırda yenidənqurma işlərinin aparıldığı Abşeron küçəsində obyekt və yaşayış sahələrinin sahiblərinə kompensasiya verilir.
Daşınmaz əmlakın təyinatından asılı olaraq 1 kv.m üçün 100-400 manat aralığında kompensasiya nəzərdə tutulub. Yaşayış evləri üçün 1 kv.m üçün 400 manat verilir.
Abşeron küçəsində yenidənqurmanın sürətli aparılması üçün layihələndirmə, söküntü və tikinti işləri paralel aparılır. İlkin siyahıya alınma zamanı bu küçədə yolun tikintisi altına düşən 96 təsərrüfat qeyd alınıb, söküntü və tikinti işləri eyni zamanda aparıldığı üçün yekun siyahı sonda məlum olacaq. Qeydə alınan 96 təsərrüfatdan 21-i yaşayış evidir. Bu yaşayış evlərindən 7-i ilə bağlı artıq kompensasiya ödənilib, bu gün də 4 yaşayış evi ilə əlaqədar kompensasiya veriləcək. Kompensasiyalar ilkin olaraq yaşayış evləri, sonrakı mərhələdə isə həyət, yardımçı sahələr, hasarlar üçün veriləcək.
Daşınmaz əmlakın təyinatından asılı olaraq, kompensasiyanın miqdarı və vəsaitin ayrılması Maliyyə Nazirliyi tərəfindən həyata keçirilir, “Azəryolsevis” ASC sadəcə, daşınmaz əmlakla bağlı sənədləri toplayaraqMaliyyə Nazirliyinə təqdim edir. Yaşayış sahələrinin məxsus olduğu şəxsin adına bankda hesab açılır və vəsait həmin hesaba köçürülür. Kompensasiyaların miqdarına gəlincə, daşınmaz əmlakın təyinatından asılı olaraq 1 kv.m üçün 100-400 manat aralığında kompensasiya nəzərdə tutulub. Yaşayış evləri üçün 1 kv.m üçün 400 manat verilir.
A. Nəcəfli bildirib ki, Abşeron küçəsinin sakinlərinə kompensasiyaların verilməsi prosesi başa çatandan sonra Nəsrulla Əsgərov küçəsində yolun tikintisi altına düşən yaşyış və obyekt sahələrinin sahiblərinə kompensasiya verilməsinə başlanacaq.

Qeyd edək ki, Nardaran qəsəbəsində ilkin olaraq Abşeron və Nəsrulla Əsgərov küçələrinin yenidən qurulması planlaşdırılır. Yenidən qurulacaq iki küçənin ümumi uzunluğu 3 kilometrə yaxındır. Küçələrin biri 18, digəri 14 metr enində genişləndiriləcək. Hazırda genişləndirilən sahədə olan obyektlərin və yaşayış sahələrinin sökülməsi işləri aparılır. İşlər tam başa çatandan sonra genişləndirilmiş küçələr tam müasir görkəm alacaq. Abşeron küçəsində hər iki istiqamət üzrə 1,25 metr enində, Nəsrulla Əsgərov küçəsində isə hər iki istiqamət üzrə 1 metr enində səkilərin də tikilməsi nəzərdə tutulub. Həmçinin işıqlandırma sistemi və yeraltı kommunikasiya xətləri də yeniləri ilə əvəzlənəcək.
Tural




 
Bölməyə aid digər xəbərlər
12.11.2018
Daha 4 vərəsəyə sığorta ödənişi aldıqlarına dair sənədlər təqdim edilib
07.11.2018
Şamaxıda Qaravəlli kənd məktəbi əsaslı təmirdən sonra istifadəyə verilib
07.11.2018
Vərəsələrə verilmiş sığorta ödənişi ilə bağlı təsdiqedici sənədlər ictimaiyyətə təqdim olunub
07.11.2018
Tələbələrə adlı təqaüd təqdim edilib
07.11.2018
“Sağlam məktəbli” layihəsi davam edir

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10458

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info