Siyasi fikir müxtəliflikləri Rusiya və Türkiyənin enerji layihələrinə təsir etməyəcək
Tarix: 08.01.2016 | Saat: 01:12:00 | E-mail | Çapa göndər


“Qazprom”un idarə heyətinin sədri Aleksey Miller siyasi fikir müxtəlifliklərinin Rusiya və Türkiyənin enerji layihələrinə təsir etməyəcəyini deyib.
“RİA Novosti” saytı xəbər verir ki, A.Miller “Türk axını” qaz boru kəməri (Turkish Stream) layihəsinin hökumətlərarası və dövlətlərarası səviyyədə müzakirə obyekti olacağını bildirib: “Siyasi fikir müxtəliflikləri Rusiya və Türkiyənin enerji sahəsindəki layihələrinə təsir etməyəcək. Hazırda türk partnyorlarımızla qüvvədə olan müqavilələr üzərində çalışırıq. Bu il Türkiyə-Rusiya Strateji Əməkdaşlıq Şurasının iclası keçiriləcək, “Türk axını” hökumətlərarası və dövlətlərarası səviyyədə müzakirə obyekti olacaq”. “Qazprom”un idarə heyətinin sədri layihənin çox qısa bir zamanda reallaşa biləcəyini bildirib. Qeyd edib ki, 940 kilometrlik “Türk axını”nın 660 kilometrlik hissəsini köhnə “Cənub axını” layihəsi təşkil edir və bu layihənin bütün ilkin hazırlığı tamamlanıb: “Lakin hər şey hökumətlərarası müqavilənin imzalanmasından asılıdır. Layihənin icrasına müqavilənin bütün hüquqi öhdəlikləri yerinə yetirildikdən sonra başlanılacaq. Hazırda layihə üzrə iki boru xəttinin tikilməsi və boru kəmərinin tutumunun 32 milyard kubmetr olması nəzərdə tutulur. Boru xəttinin biri yalnız Türkiyə bazarının istehlakçıları üçün istifadə ediləcək”. Xatırladaq ki, Rusiyaya məxsus “Su-24” tipli döyüş təyyarəsinin Türkiyə tərəfindən vurulmasından sonra “Qazprom”un idarə heyətinin sədri A.Miller “Türk axını” layihəsilə bağlı Türkiyə ilə danışıqların dayandırıldığını demişdi. “Qazprom” “Türk axını” kəmərinin ötürücülük qabiliyyətini iki dəfəyədək azaldaraq kəmərlə 32 milyard kubmetr təbii qazın nəql olunmasına da qərar vermişdi. “Türk axını” ilə Rusiya qazının Türkiyədən keçməklə Avropaya çatdırılması nəzərdə tutulurdu. Kəmərlə 16 milyard kubmetr qazın Avropanın, qalan hissəsinin isə Türkiyənin daxili tələbatının ödənilməsi üçün istifadə edilməsi planlaşdırılırdı.




 
Bölməyə aid digər xəbərlər
19.09.2018
Nazirlər Kabinetinin rəsmi internet saytı yeni tərtibatda fəaliyyətə başlayıb
18.09.2018
Müdafiə naziri yüksək dağ zirvələrində yerləşən bölmələrin döyüşə hazırlığını yoxlayıb
18.09.2018
Paşinyanın oğlunun hərbi xidmət piarından yararlanmaq cəhdi nə vəd edir...
18.09.2018
Çində Azərbaycan haqqında daha çox informasiya veriləcək
17.09.2018
Azərbaycanlılar Avropada yeni media orqanı təsis ediblər

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10119

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Bu il sığorta bazarı 40 faizdən çox genişlənib, yığımlar artıb”
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Krivoy Roqdakı soydaşlarımız festivala hazırlaşırlar


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info