“Qətnamələr təsdiq olunsa, bu Ermənistanın işğalçı olduğunu təsdiqləyən ilk tarixi sənəd olacaq”
Tarix: 11.01.2016 | Saat: 15:37:00 | E-mail | Çapa göndər


"Məğlubiyyət təşvişi bütün Ermənistanı, erməniləri və ermənipərəst qüvvələri hərəkətə gətirib. Çünki Ermənistan və onun havadarları bütün resursları ilə AŞPA üzvlərinə yenə də, amma heç vaxt olmadığı qədər güclü təzyiqlər edəcəklər. Mən bu qətnamələr üçün mübarizə apardığım 2 il ərzində bu təzyiqlərin canlı şahidi olmuşam. Onlar bu qətnamə layihələrini AŞPA katibliyinə təqdim etdiyim andan, komitələrdə qəbul olunana qədər bütün mərhələlərdə hər cür təxribatlara əl atırdılar. Qətnamələrin lehinə, Azərbaycanın haqq səsinə səs verən Avropalı parlamentarilər Ermənistanın təkidi ilə dünyanın güc dövlətləri, siyasi liderlər, AŞPA rəhbərliyi tərəfindən güclü təzyiqlərə məruz qaldılar".
Bunu Azıərbaycanın AŞPA nümayəndə heyətinin üzvü Elxan Süleymanov deyib.
E. Süleymanov bildirib ki, Ermənistan mətbuatının yazdığına görə, Ermənistan nümayəndə heyəti bayram günlərində də ciddi iş aparıb, yanvarın 8-dən 25-nə qədər isə Avropa Şurasına üzv olan ölkələrə ezam ediləcək və onlar həmin ölkələrdən AŞPA-da təmsil olunan deputatlarla ayrılıqda söhbətlər aparacaqlar: "Ermənistan mətbuatı yazır: "Bizim hər birimiz nə etməli olduğumuzu və kimlərlə görüşmək lazım olduğunu bilirik. Bu, təkcə nümayəndə heyətinə daxil olan şəxslərə deyil, prosesdə iştirak edən hər kəsə aiddir”. Onlar bu sözləri AŞPA-nın Siyasi Məsələlər və Sosial Məsələlər Komitələrində 2015-ci ilin noyabr ayında qəbul edilmiş “Azərbaycanın Dağlıq Qarabağ və digər işğal edilmiş ərazilərində zorakılığın artması” və “Azərbaycanın sərhədyanı bölgələrinin sakinlərinin qəsdən sudan məhrum edilməsi” adlı qətnamələrin qurumun qış sessiyasında müzakirəsinə münasibət bildirərkən deyiblər. Bununla, Ermənistanın AŞPA-nın plenar iclasına nə dərəcədə ciddi hazırlaşdığı və yanvarın 26-da bu qətnamələrin təsdiq edilməsinin qarşısını almaq üçün hamılıqla Avropa ölkələrinə yollandıqları açıq ifadə edilir".
E. Süleymanov qeyd edib ki, AŞPA-nın qış sessiyasında hər iki qətnamənin müzakirəsi “olum ya ölüm” mübarizəsidir: "Bu, sözün əsl mənasında belədir. Çünki AŞPA-nın prosedur qaydalarına görə, 2016-cı ilin qış sessiyası bu qətnamələr üçün son instansiyadır. Əgər bu qətnamələr plenar iclasda təsdiq edilərsə, nə Ermənistan, nə də heç bir erməni heç bir yolla işğalçı damğasını Ermənistan dövlətinin üzərindən götürə bilməyəcək, bu fakt heç bir zaman tarixin səhifələrindən silinməyəcək. Bu qətnamələr təsdiq olunarsa, Ermənistan dövlətinin işğalçı və təcavüzkar olmasını təsdiqləyən ilk tarixi sənəd olacaqdır. Buna görə də onların təşvişi təbiidir".




 
Bölməyə aid digər xəbərlər
21.11.2018
Polşa portalı Prezident İlham Əliyevin Belarusa rəsmi səfərindən yazıb
20.11.2018
Müxalifət islah olunmayacaq
20.11.2018
Belarus Azərbaycanın haqlı və ədalətli mövqeyini dəstəkləyir
20.11.2018
İzmirdə Türkdilli Ölkələrin Parlament Assambleyasının Şura iclası keçirilib
20.11.2018
Daxili İşlər Nazirliyində geniş kollegiya iclası keçirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info