Banklar kreditlərin ödənişi qrafikinə dəyişikliklər edəcək
Tarix: 11.01.2016 | Saat: 17:07:00 | E-mail | Çapa göndər


Azərbaycan bankları faiz dərəcələri və kreditlərin ödənilməsi müddəti ilə bağlı müqavilələrə yenidən baxılması çərçivəsində valyuta kreditlərinin restrukturizasiyasını həyata keçirəcək. Bunu “Trend”ə Azərbaycan Banklar Assosiasiyasının (ABS) rəhbəri Zakir Nuriyev deyib.
Onun sözlərinə görə, kredit borcunun ödənilməsi müddətinin uzadılması ilə əlaqədar müştərinin imkanına uyğun yeni ödəniş qrafikinin formalaşdırılması tələb olunur: “Bununla belə, hər bir müştəriyə qarşı fərdi yanaşma lazımdır, çünki müştərilərin imkanları fərqlidir”.
Z.Nuriyev qeyd edib ki, banklara öz vəsaitləri hesabına köhnə və yeni məzənnə arasında fərqi qarşılamaq çətin olacaq, buna görə də hər bir bank müştərilərə köhnə məzənnə ilə kredit borclarını qaytarmaq imkanı yarada bilməz.
ABS rəhbəri diqqətə çatdırıb ki, hazırda Assosiasiya restrukturizasiya məsələləri üzrə banklarla müntəzəm danışıqlar aparır: “Bildirmək istəyirəm ki, heç bir bank müştəriləri ilə kreditlər üzrə məzənnə siyasətinin hər hansı dəyişikliyini müzakirə etmir. Qeyd etmək lazımdır ki, banklar bunu edə də bilməz. Azərbaycan Mərkəzi Bankı yeni məzənnə müəyyənləşdirdikdən etibarən məzənnə avtomatik olaraq balansa daxil edilir və balans avtomatik olaraq yeni məzənnə üzrə hesablanır. Banklar hər hansı digər məzənnəni öz istəyi ilə daxil edə bilməz, bu, sadəcə mümkün deyil".
Onun sözlərinə görə, bankların yeni məzənnəyə uyğun olaraq valyuta kreditləri üzrə ödənişləri yenidən hesablaması nəticəsində yaranmış fərqin Mərkəzi Bankın vəsaitləri hesabına qarşılamaqla bağlı təkliflər artıq Azərbaycan hökumətinə göndərilib: “Bu, ötən il manatın məzənnəsinin dəyişməsindən sonra Mərkəzi Bankın valyuta ehtiyatlarının yenidən qiymətləndirilməsi nəticəsində yaranmış 3 milyard manat vəsait hesabına mümkündür. Lakin tənzimləyicidən hələ heç bir cavab daxil olmayıb”.




 
Bölməyə aid digər xəbərlər
25.05.2019
İyulda Bakıda Azərbaycan-Əfqanıstan Birgə İşçi Qrupunun ilk iclası keçiriləcək
25.05.2019
Bakı–Tbilisi–Ceyhan boru kəmərinə ilk neftin vurulmasından 14 il ötür
25.05.2019
Bakı Limanının əməliyyatlarının 85 faizi tranzit əməliyyatlarıdır
25.05.2019
“Made in Azerbaijan” məhsulları Çindao sərgisində nümayiş olunur
25.05.2019
Əmək və sosial müdafiə sahəsində Rusiya ilə əməkdaşlıq müzakirə edilib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10788

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 Erməni əsilli gimnast: Mxitaryanın yerində olsaydım, komandamla birgə Bakıya gələrdim
5 Vahid Rzayev:”Səhər gördük ki, ermənilər arxiv sənədində özlərinə sərf etməyən hissəni qayçı ilə kəsiblər”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info