“Vaşinqton digər ölkələrə münasibətdə öz strategiyasını dəyişməlidir”
Tarix: 12.01.2016 | Saat: 00:13:00 | E-mail | Çapa göndər


“The Boston Globe”:“Biz həmişə öz şərtlərimizi müttəfiqlərimizə diktə etməyə adət etmişik. Lakin, görünür, bundan sonra onlarla məsləhətləşmə aparmaq məcburiyyətində qalacağıq. Bunun üçün də adət etmədiyimiz bəzi güzəştlərə getməyə də hazır olmalıyıq”

“The Boston Globe” nəşrinin icmalçısı Stiven Kinzerə görə, ABŞ-ın gələcəyi Vaşinqtonun digər ölkələrə münasibətdə öz strategiyasını dəyişməsindən asılıdır. Onun fikrincə, hazırda Amerika Birləşmiş Ştatları artıq köhnəlmiş sülh şərtlərini dünyaya diqtə etmək iqtidarında deyil və əgər Vaşinqton bütün bunları başa düşüb, xarici siyasətində dəyişikliklər etməsə, bu, ölkənin məhvinə gətirib çıxara bilər: “20-ci əsrdə xeyli inkişaf etmiş ABŞ dünyanı idarə etməyə vərdiş edib.
Lakin, belə görünür ki, tariximiz bizi dünyada qlobal statusun itirilməsinə hazırlamayıb. Biz psixoloji cəhətdən də buna hazır deyilik”. Kinzer daha sonra əlavə edib ki, artıq inkişaf etməkdə olan dünyanın müşahidə etməmək mümkün deyil: “Terrorist qruplaşmaları Yaxın Şərqi zəbt edib. Bu, bizim üçün də xəbərdarlıq olmalıdır. ABŞ-ın hərbi gücünə baxmayaraq, biz tərəfdaşlarımızın köməyi olmadan bunu aradan qaldırmaq iqtidarında deyilik. Bu arada Rusiya NATO üzvü olan Türkiyə vasitəsilə da bizə problemlər yaradır. Lakin biz hələ də bu məsələlərə məhəl qoymuruq”. İcmalçıya görə, Amerika Birləşmiş Ştatları üçün ən böyük çətinliyi Çinin daim artmaqda olan gücü yaradır. Bütün bunları göz önünə alan Kinzer Vaşinqtona gələcəkdə dünya ölkələrinə münasibətdə öz strategiyasını dəyişməyi məsləhət görür: “Biz həmişə öz şərtlərimizi müttəfiqlərimizə diktə etməyə adət etmişik. Lakin, görünür, bundan sonra onlarla məsləhətləşmə aparmaq məcburiyyətində qalacağıq. Bunun üçün də adət etmədiyimiz bəzi güzəştlərə getməyə də hazır olmalıyıq”. Siyasi icmalçıya görə, Vaşinqton artıq dünyaya psixoloji təsir göstərmək iqtidarında deyil. Qeyd edək ki, Stiven Kinzerlə həmahəng fikirləri amerikalı siyasətçi Pol Kreyq Roberts də acıqlayıb. Robertsə görə də, ABŞ dünya ölkələrinin seçilmiş anlayışlarını istismar etməklə, digər ölkələrin suverenliyinə öz qanun və qaydalarını tətbiq etməkdə davam edir. Beləliklə də, ABŞ hökuməti daha çox cinayət təşkilatına çevrilir. ABŞ dövlətinin elə öz tərəfdaşlarına qarşı göstərdiyi münasibətləri sadalayan Roberts Qərb mətbuatının da baş verənlərə səthi münasibət bildirdiyinə eyham vuraraq, onların da Vaşinqtonun cinayət təşkilatının bir hissəsinə çevrildiyini bildirir.
Ağasəf Babayev




 
Bölməyə aid digər xəbərlər
19.01.2019
Azərbaycan əleyhinə sifarişlə hazırlanmış bu cür “qətnamələr” gərəksiz kağız parçalarıdır
19.01.2019
1990-cı il 20 yanvar tarixinə keçən gecə Bakıda baş verən cinayətlər cavabsız qalmamalıdır
19.01.2019
Türkiyə xalqı 20 Yanvar faciəsini böyük kədər hissi ilə xatırlayır
18.01.2019
20 Yanvar faciəsi xalqımızın öz suverenliyi uğrunda apardığı mübarizənin şərəfli tarixidir
16.01.2019
Nikola Sturgeon: Brexitlə bağlı yeni referendumun keçirilməsi vacibdir

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Hüseyn Babayev AAF-ın vitse-prezidenti təyin edilib
4 Dərslər təxirə salındı
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info