Səfirimiz Bolqarıstanın “Stara Planina” ordeni ilə təltif edilib
Tarix: 12.01.2016 | Saat: 18:22:00 | E-mail | Çapa göndər


Azərbaycanın Bolqarıstandakı səfiri Emil Kərimovun Bolqarıstan Prezidenti Rosen Plevneliev tərəfindən Bolqarıstan Respublikasının Birinci dərəcəli “Stara Planina” ordeni ilə təltif edilməsi mərasimi keçirilib. Mərasimi giriş sözü ilə açan Bolqarıstan Respublikasının Prezidenti Azərbaycan və Bolqarıstan arasında olan münasibətlərin yüksək səviyyədə olmasından bəhs etmiş, Azərbaycana edilən səfərlərini xatırlamış və hər iki ölkə rəhbərləri arasında sıx əlaqələrin mövcud olduğunu bildirmişdir. Prezident Azərbaycanın Bolqarıstan üçün yalnız enerji təhlükəsizliyi sahəsində deyil, eləcə də digər sahələrdə çox vacib ölkə olmasını diqqətə çatdırmışdır. Bundan əlavə, R.Plevneliev Azərbaycanın son illər sürətli inkişafından, həmçinin ölkəmizin beynəlxalq səviyyədə keçirilən tədbirlərə ev sahibliyi etməsindən bəhs etmişdir. Ötən il mart ayında Azərbaycan Respublikası Prezidenti İ.Əliyevin Bolqarıstana səfərini xatırlayan R.Plevneliev səfər çərçivəsində imzalanan Azərbaycan Respublikası ilə Bolqarıstan Respublikası arasında Strateji Tərəfdaşlıq haqqında Birgə Bəyannamə ilə ölkələrimiz arasında münasibətlərin yeni səviyyəyə -strateji tərəfdaşlıq səviyyəsinə qalxdığını bildirmişdir.
Bundan əlavə, Bolqarıstan Respublikası Prezidenti Heydər Əliyev Fondu ilə Bolqarıstan Respublikası Mədəniyyət Nazirliyi arasında imzalanan “Trapezitsa” Memarlıq Muzeyi Qoruğunun bərpası və yenidən qurulması və texniki infrastrukturun bərpası və təmiri” haqqında Sazişin əhəmiyyətini bir daha vurğulamış və Saziş çərçivəsində qoruğun bərpası üçün Bolqarıstana ediləcək yardımı yüksək qiymətləndirdiyini bəyan etmişdir.
Prezident R.Plevneliev Səfir E.Kərimovun fəaliyyəti müddətində özünün ölkəmizə 3 səfərini, o cümlədən Baş Nazir və Parlament spikerinin Azərbaycana səfərlərini, eləcə də Azərbaycan Respublikası Prezidentinin Bolqarıstana səfərinin baş tutduğunu bildirmişdir. Bolqarıstan Respublikası Prezidenti Səfir E.Kərimovun fəaliyyətini yüksək qiymətləndirdiyini ifadə etmiş və iki ölkə arasında münasibətlərin inkişafında göstərdiyi xidmətlərinə görə Səfiri təntənəli surətdə Bolqarıstan Respublikasının Birinci dərəcəli “Stara Planina” ordeni ilə təltif etmişdir.
Daha sonra səfir E.Kərimov belə bir ordenlə təltif olunmasından şəfər duyduğunu və bu ordeni öz adından deyil, dövlətimiz adından qəbul etdiyini bildirmişdir. E.Kərimov Azərbaycan Respublikası Prezidentinin apardığı uğurlu daxili və xarici siyasət nəticəsində ölkəmizin Qafqaz regionunda lider dövlətə çevrildiyi, eləcə də ölkəmizin son dövrlər sürətlə inkişaf etdiyi barədə məlumat vermişdir. Səfir son 5 il ərzində ölkələrimiz arasında əlaqələrin yüksələn xətt üzrə inkişaf etdiyini qeyd etmiş və fəaliyyəti müddətində Bolqarıstan dövlət və xalqından məmnun qaldığını vurğulamışdır.
Mərasimin sonunda Səfir E.Kərimov ilə Bolqarıstan Respublikası Prezidenti arasında təkbətək vida görüşü keçirilmişdir. Görüşdə Bolqarıstan Respublikası Prezidenti R.Plevneliev Azərbaycan Respublikası Prezidentinə ən xoş arzularının və salamlarının çatdırılmasını xahiş etmişdir. Azərbaycanın Bolqarıstan üçün vacib ölkə olmasını bir daha vurğulamış və Azərbaycana yenidən səfər etmək arzusunu ifadə etmişdir. Öz tərəfindən Səfir E.Kərimov Prezidentə bir daha öz təşəkkürünü bildirmiş, ölkələrimiz arasında sıx əlaqələrin bundan sonra da davam edəcəyinə əminliyini qeyd etmişdir.
Mərasimdə Bolqarıstan Respublikası Prezidenti Administrasiyası aparatının rəhbəri, Bolqarıstan Respublikası Prezidentinin xarici məsələlər üzrə müşaviri, Bolqarıstan Respublikasının Prezident Prokolunun rəisi, Xarici İşlər Nazirinin müavini və digər rəsmi şəxslər, həmçinin 12 ölkənin səfiri və ölkəmizin Bolqarıstandakı Səfirliyinin əməkdaşları iştirak etmişlər.
Tural




 
Bölməyə aid digər xəbərlər
20.11.2018
“Cümhuriyyət 100 il” adlı rəsm müsabiqəsinə yekun vurulub
20.11.2018
İnzibati məsuliyyətə cəlb edilən piyadaların sayı 100 mini ötüb
20.11.2018
AMEA-da Cümhuriyyət tarixinə dair dəyərli elmi-tədqiqat işləri aparılır
20.11.2018
Qloballaşma şəraitində milli dəyərlərimizin konfiqurasiyasının dəyişdirilmə təhlükəsi
20.11.2018
Aysel Fərziyeva yeni vəzifəyə gətirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info