“Azərbaycandan ixrac edilən meyvə-tərəvəzin həcmi, idxalı 5-10 dəfə üstələyir”
Tarix: 14.01.2016 | Saat: 01:32:00 | E-mail | Çapa göndər


Firdovsi Fikrətzadə: “Hazırda ərzaq buğdası üzrə istehsalın artırılması dövlət üçün prioritetdir”
“Azərbaycana idxal səviyyəsi nisbətən yüksək olan kənd təsərrüfatı və ərzaq məhsulları, buğda, süd məhsulları, bitki yağları və şəkər üçün xammaldır. Qalan məhsulların idxal həcmi isə aşağı səviyyədədir”.
Bunu “Trend”ə Kənd Təsərrüfatı Nazirliyinin şöbə müdiri Firdovsi Fikrətzadə deyib. Onun sözlərinə görə, hazırda ölkədə 3,6 milyon ton meyvə, tərəvəz, kartof və bostan məhsulları istehsal olunduğu halda, bu məhsulların idxal həcmi 200 min tondan bir az yuxarıdır. Azərbaycandan ixrac edilən meyvə-tərəvəzin həcmi həmin məhsulların idxal həcmini 5-10 dəfə üstələyir. Ölkədə 300 min tondan yuxarı ət istehsal olunur, təqribən 30-40 min ton həcmində isə mal, qoyun və quş əti idxal olunur. Nazirliyin şöbə müdiri qeyd edib ki, hazırda Azərbaycanda ərzaq buğdası ilə özünütəminat səviyyəsi 54 faizdir: “Bu göstəricinin 80-90 faizə çatdırılması da normal göstərici olar. Çünki bilirsiniz ki, ölkənin ərzaq buğdasına olan tələbatının təqribən yarısı qədər ehtiyatlar mövcuddur, bu ehtiyatları təmin edən infrastruktur yaradılıb. Hazırda ərzaq buğdası üzrə istehsalın artırılması, idxalın səviyyəsini azaltmaq dövlət üçün prioritetdir. Bu məqsədlə iri taxılçılıq təsərrüfatlarının yaradılması, yeni taxıl anbarlarının qurulması, keyfiyyətli buğda toxumu istehsalının artırılması və buğda əkininin stimullaşdırılması üçün büdcədən subsidiyalar verilir və güzəştli kreditlər ayrılır”. Süd məhsulları üzrə idxal göstəricilərinin azaldılması üçün intensiv ferma modelinə dəstək tədbirləri çərçivəsində yüksək məhsuldarlıqlı cins heyvandarlıq təsərrüfatlarının yaradıldığını deyən F.Fikrətzadənin sözlərinə görə, bu da nəticədə süd istehsalının artımına səbəb olmaqla, südün emalı sənayesinin inkişafı üçün stabil xammal təminatı yaradır. Nazirlik rəsmisi qeyd edib ki, Azərbaycan böyük həcmdə bitki yağları xammalı idxal etsə də, mövcud sənaye potensialı hesabına bu xammal ölkədə emal edilməklə əlavə dəyər yaradılır, böyük həcmdə də ixrac olunur: “Azərbaycan torpaqları məhsuldar və keyfiyyətli olsa da, ölkəmiz adambaşına düşən torpaq ehtiyatlarına görə dünyada ən aşağı yerlərdən birini tutur. Buna görə də eyni vaxtda böyük həcmdə bitki yağları istehsal etmək üçün minlərlə hektarda günəbaxan, qarğıdalı, minlərlə hektar da buğda əkmək olmur”.
Nigar




 
Bölməyə aid digər xəbərlər
26.03.2019
AYİB Azərbaycanda bərpa olunan enerji sahəsinə dəstək verəcək
24.03.2019
Azərbaycan və BP Aral dənizində geoloji kəşfiyyat işlərinə başlaya bilərlər
24.03.2019
Türkiyədə ev alan azərbaycanlıların sayı artıb
23.03.2019
Rusiya aviaşirkəti Azərbaycana yeni reyslər açır
22.03.2019
Toxuculuq sənayesində məhsul istehsalı 50 faizə yaxın artıb

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10705

1 Azərbaycan xalqı zəngin mədəniyyətə sahibdir
2 İraqda bərə qəzaya uğrayıb: 71 ölü
3 Paşinyan reytinqini küçə süpürməklə qaldırmaq istəyir?
4 Lado Mehdiyevin xatirəsinə həsr olunmuş badminton turnirinə yekun vurulub
5 Nursultan Nazarbayevin qərarı qazax xalqının firavan gələcəyini təmin edəcək


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info