Alman gəncləri iş tapmaqda çətinlik çəkirlər
Tarix: 19.01.2016 | Saat: 01:16:00 | E-mail | Çapa göndər


Baş verən iqtisadi böhran, neftin qiymətində baş verən dəyişikliklər artıq bir çox ölkələri dövlət büdcələrinə yenidən baxmağa, yerli məzənnələrin dollar qarşısında itkisinə gətirib çıxarıb. 2015-ci ildə öz həllini tapmayan bu vəziyyət getdikcə daha da dərinləşməkdədir.
Mövcud proseslərin gedişi bir sıra ölkələrdə də milli valyutalarının 100 faiz, bəzi hallarda ondan da çox dərəcədə devalvasiyaya uğramasına səbəb olub ki, bu gün də həmin proses davam etməkdədir. Hətta bir sıra ölkələr neftin qiymətinin düşməsi, devalvasiya nəticəsində iqtisadi böhranla üzləşərək iflasa doğru gedir.
Azalan qiymətlərdən təsirlənən ölkələrin başında Rusiya, Kanada, Norveç, Venesuela və Səudiyyə Ərəbistanı gəlir. Ümumiyyətlə, iqtisadi böhran bir sıra ölkələrdə müxtəlif sahələrdə maliyyə problemlərinə yol açmaqdadır. Bu günlərdə Dubayda keçirilən tədbirdə çıxışı zamanı BMT baş katibi Pan Gi Mun bildirib ki, dünyada təcili yardıma ehtiyacı olan 25 milyondan artıq insan var. O, müxtəlif böhranların yaşanmasıyla ehtiyacların lazımi maliyyə ilə təmin olunmamasının, beynəlxalq ictimaiyyət üçün ciddi bir problem yaratdığını deyib. Baş katib həmçinin mövcud ehtiyacların aradan qaldırılmasında böyük çatışmazlıqların olduğunu bildirib.

Rusiyada kənd təsərrüfatı məhsulları bahalaşmaqdadır
Hazırda əsas iqtisadi böhran yaşayan ölkələrdən biri Rusiyadır. İqtisadiyyatının böyük hissəsi təbii qaz və neftə söykənən Rusiya da neftin barel qiymətinin 30 dollara qədər enməsi ilə problemlərlə üzləşib. Artıq mövcud durumla bağlı iqtisadi çətinliklər özünü bir çox sahələrdə göstərib ki, bu ölkə bazarında kənd təsərrüfatı məhsullarına da təsirsiz ötüşməyib. Bundan başqa, son bir ayda spirtli içkilərin 10, südün 7, çörəyin qiymətində isə 25 faiz artım olub. Orada 1 dollar 76 rubl və 1 avro 83 rubl qədər yüksəlib.

Qazaxıstanda inflyasiya artıb
Qazaxıstanda 2015-ci ilin inflyasiyası hədəfləri aşaraq 13,6 faiz qeydə alınıb. Ölkənin İqtisadiyyat Nazirliyinin Statistika Komitəsi 2015-ci ilin hesabatını açıqlayıb və nəticələrə görə, inflyasiya 6-7 faiz hədəfi aşaraq 13,6 faiz olub. Statistik məlumatlara görə, qida qiymətlərində 22,6 və xidmət xərclərinin isə 8,1 faiz artdığı bildirilir ki, 2014-cü ildə inflyasiya 7,4 faiz təşkil edib. Qeyd edək ki, Qazaxıstan 2015-ci ildə Mərkəzi Bankın pul siyasətini dəyişdirərək dalğalı məzənnəyə keçməsi nəticəsində təngə dollar qarşısından 36 faiz dəyərini itirərək tarixi bir yüksəlişə keçib. Sərbəst məzənnə öncəsi 188 təngədən satılan dollar 255 təngəyə yüksəldi. Hazırda bir dollar 366 təngədir.

Almaniyada yoxsulluq qorxusu
Alman xalqı İkinci Dünya müharibəsindən sonra yaşadıqları iqtisadi və rifah səviyyəsinin dadını qorxularından tam olaraq yaşaya bilmirlər. Dünyada məşhur alman sosioloq və iqtisadçılara məxsus “FOCUS” jurnalının xəbərinə görə, Almaniyada insanlar ən çox iqtisadi səviyyənin enməsindən və kasıblaşmaqdan qorxurlar. Almaniyada digər problem gənclərin işsizliyi ilə bağlıdır. 35 yaşdan aşağı, yəni gənc işçilərin ən az dörddə biri etibarsız işlərdə çalışmaq məcburiyyətində qalır. Aparılan araşdırmaya görə, tam zamanlı, sığortalı və müddətsiz iş tapa bilməyən gənc işçilər stress və aşağı maaşla çalışır. Nəticələr onu da göstərir ki, 35 yaşdan aşağı olan insanların 27,9 faizi “atipik”, yəni normal olmayan bir işdə çalışırlar. Bu faiz 25 yaşdan aşağı gənclər arasında 46,4 faizə yüksəlir. Digər bir problem isə gənc işçilər arasında müddətli iş sözləşmələri ilə bağlıdır. Belə ki, 35 yaşda çalışanların sadəcə 5 faizi müddətli işlərdə çalışdığı halda, bu yaşdan aşağı gənclərdə bu rəqəm 16,2-yə çatır. O da vurğulanır ki, etibarsız iş gənc işçilərin psixologiyasına mənfi təsir edir. Həmin gənc çalışanların üçdə ikisi özlərini təzyiq altında hiss edirlər.
Nigar Abdullayeva




 
Bölməyə aid digər xəbərlər
20.11.2018
Qətərdə regionun ultramüasir klinikası açılıb
19.11.2018
Putin:“Türk axını” tamamlandıqdan sonra Rusiya-Türkiyə enerji əməkdaşlığı daha da güclənəcək”
18.11.2018
Bolqarıstanı kütləvi etiraz aksiyaları bürüyüb
17.11.2018
Rusiyadan Ermənistana gedən magistralda 600-ə yaxın avtomobil qalıb
17.11.2018
Suriyada uşaqlardan ibarət terrorçu dəstələr yaradılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info