“Ermənilər ölkəmizlə bağlı qətnamələrin qəbuluna mane olmağa çalışırlar”
Tarix: 26.01.2016 | Saat: 15:30:00 | E-mail | Çapa göndər


“Ermənilər AŞPA-nın qış sessiyasında Azərbaycanla bağlı iki qətnamənin müzakirə olunub qərar qəbul edilməsinə mane olmağa çalışırlar”.
Bu sözləri Azərbaycan nümayəndə heyətinin üzvü Elxan Süleymanov deyib.
Deputat bildirib ki, AŞPA-nın yeni sədri Pedro Aqramunt Azərbaycan üzrə beş il məruzəçi olub və ölkəmizin reallıqlarına yaxşı bələddir. Əvvəlki sədrlər Azərbaycanı yaxşı tanımırdılar, onlar sədr olduqları müddətdə bir və ya iki dəfə Azərbaycana gəlir, ölkəmizi, onun reallıqlarını bilmirdilər. Ümid edirik ki, Pedro Aqramunt Avropa Şurasına üzv ölkələr arasında əməkdaşlığın genişlənməsinə öz töhfəsini verəcək.
AŞPA-nın qış sessiyasında Azərbaycanla bağlı müzakirə olunacaq iki qətnamə layihəsinin müəllifi E.Süleymanov qeyd edib ki, “Dağlıq Qarabağ və Sərsəng su anbarı” və “Azərbaycanın sərhədyanı ərazilərində yaşayan əhali qəsdən sudan məhrum edilib” adlı hər iki qətnamə layihəsi komitə iclasında müzakirə edilib və plenar sessiyaya tövsiyə olunub. Ancaq ermənilər qış sessiyasında qətnamələrin müzakirə olunub qərar qəbul edilməsinə mane olmağa çalışırlar.
AŞPA-nın komitə iclasında müzakirə edilib qəbul olunmuş məruzəni yenidən müzakirə üçün geri qaytarmaq praktikası olmayıb. Buna baxmayaraq bəzi qüvvələr Azərbaycanla bağlı bu iki qətnamə layihəsinə mane olmağa, onları yenidən müzakirə etmək üçün komitəyə qaytarmağa cəhd edirlər. Məruzə müzakirəyə çıxarılacaq, bu, qaçılmazdır. Ancaq bəzi qüvvələr “Ermənistan dövlətinin silahlı qüvvələri Azərbaycan torpaqlarını işğal edib” bəndini çıxarmaq və “Dağlıq Qarabağ münaqişəsi” ifadəsini yenidən bərpa etməyə və beləliklə də məruzəni yumşaltmağa çalışırlar. Artıq 23 ildir beynəlxalq təşkilatlar qondarma qətnamələrlə beynəlxalq ictimaiyyəti aldadır. İnanırıq ki, haqq öz yerini tutacaq, biz tarixi qələbəni qazanacağıq.
Tural




 
Bölməyə aid digər xəbərlər
19.03.2019
TÜRKPA Katibliyində Novruz bayramı münasibətilə tədbir keçirilib
19.03.2019
Fond yaranmasının 10-cu ildönümü və Novruz bayramı münasibətilə təntənəli mərasim təşkil edib
18.03.2019
Əfv sərəncamlarının verilməsi humanizm, əxlaqi və cəmiyyətdaxili harmoniyanın qorunması baxımından böyük önəm daşıyır
18.03.2019
Əfv sərəncamı respublikamızın humanizm prinsipləri əsasında inkişaf yolu seçdiyini bir daha nümayiş etdirdi
18.03.2019
Millət vəkili: Əfv sərəncamı ümumi ictimai həmrəylik baxımından da əlamətdar hadisəyə çevrildi

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10699

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Akademik Ramiz Mehdiyev tariximizin xanlıqlar dövrünə sənədlər işığında nəzər salır
3 “Kaspersky Password Manager” proqramının yeni versiyası şifrənin təhlükəsizliyini yoxlayır
4 Yuliya Naçalova vəfat edib
5 Lənkəranın ucqar kənd məktəbində Novruz şənliyi keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info