Qazaxda “Akkord”un ikinci sement zavodu inşa ediləcək
Tarix: 28.01.2016 | Saat: 00:54:00 | E-mail | Çapa göndər


Balaxanı və Kürdəxanıda inşa edılən zavodlar bu ilin aprelində istismara veriləcək
Dünən “Caspian European Club” çərçivəsində "Akkord Sənaye Tikinti İnvestisiya Korporasiyası" ASC-nin iştirakı ilə biznes-forum təşkil olunub. “Caspian European Club”un sədrinin 1-ci müavini Telman Əliyev klubun yaranma tarixi və fəaliyyətindən söz açıb.
"Akkord Sənaye Tikinti İnvestisiya Korporasiyası" ASC-nin baş direktoru Göksel Aybek rəhbərlik etdiyi şirkətin 10 il ərzində gördüyü işlər barədə məlumat verib. Qeyd olunub ki, "Akkord" beton, sement, mərmər, asfalt, kərpic və digər tikinti materialları sahəsində 11 istehsalat şirkətinə, həmçinin körpü, hidro və mülki tikintisi sektoru üzrə 3 şirkətə malikdir. Bir sıra xarici ölkələrdə, o cümlədən, Çin, Küveyt, İran, Rusiya və Omanda yeni layihələrə başlanılıb, Özbəkistan, Qazaxıstan, Türkiyə və Gürcüstanda yol və tikinti işləri ilə bağlı layihələr davam edir. Cari tikinti layihələri üzrə işlərin ümumi dəyəri 1,5 milyard AZN təşkil edir. Baş direktor deyib ki, növbəti illərdə 725 min kvadratmetr yaşayış və 80 min kvadratmetr qeyri-yaşayış sahəsinin inşası planlaşdırılır. Buraya Biləcəri, Xocahəsən, Badamdar, Mərdəkan və Novxanı qəsəbələrində yaşayış binaları da daxildir. Binalar əsaslı təmirdən sonra sakinlərə ipoteka krediti ilə də veriləcək. Vurğulanıb ki, bu il Qazax rayonunda "Akkord Sənaye Tikinti İnvestisiya Korporasiyası"nın ikinci sement zavodunun tikintisi planlaşdırılır. Ötən il şirkət tərəfindən 91 min ton klinker ixracatı həyata keçirilib. 2016-cı ildə isə 200 min ton klinkerin ixracatı üçün artıq müqavilə bağlanıb. Bundan əlavə, Balaxanı və Kürdəxanıda inşa edılən zavodlar 2016-cı ilin aprelində istismara veriləcək. Onun sözlərinə görə, şirkət öz fəaliyyət dairəsini daha da genişləndirərək, respublikamızın qeyri-neft sektorunun inkişafına daha böyük töhfələr verəcək. Biznes-forumda korporasiyanın yeni layihələrinin təqdimatı keçirilib. Tədbirdə iştirak edən Azərbaycan Dövlət Neft və Sənaye Universitetinin rektoru Mustafa Babanlı ali təhsil müəssisəsinin qədim tarixindən və bu təhsil ocağının nailiyyətlərindən danışıb. Tədbirdə Azərbaycan Dövlət Neft və Sənaye Universitetinin təqdimatı keçirilib. Sonda “Caspian European Club” və Azərbaycan Dövlət Neft və Sənaye Universiteti arasında qarşılıqlı əməkdaşlıq haqqında memorandum imzalanıb.




 
Bölməyə aid digər xəbərlər
16.07.2019
Prezidentin xüsusi nümayəndəsi: Sərhəd naryadına qarşı törədilən cinayət əməli baş verib
16.07.2019
“Mövcud biznesin inkişafı və pul axını” mövzusunda seminar keçiriləcək
16.07.2019
Azərbaycan-Əfqanıstan iqtisadi əməkdaşlıq üzrə Birgə İşçi Qrupunun ilk iclası keçirilib
16.07.2019
Birgə müsabiqənin qalibləri mükafatlandırılıb
16.07.2019
Azərbaycanın yarım ildə ən çox məhsul idxal etdiyi ölkələrin adları açıqlanıb

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10827

1 Rostovun tarixinə düşən azərbaycanlı qız
2 “4-cü qrupa hazırlaşan hər bir abituriyentin arzusu həkim olmaqdır”
3 Mehriban Əliyeva Yalçın Rzazadə ilə bağlı tapşırıq verdi
4 Nə “Qurani-Kərim“, nə “İncil“, nə də “Tövrat“ insanları savaşa çağırır
5 Dünya brendi olmağı hədəfləyən azərbaycanlı gənc


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info