Səfirimiz Estoniya prezidentinə etimadnaməsini təqdim edib
Tarix: 29.01.2016 | Saat: 18:00:00 | E-mail | Çapa göndər


Azərbaycanın Estoniyada yeni təyin olunmuş fövqəladə və səlahiyyətli səfiri Murad Nəcəfbəyli Estoniya prezidenti Toomas Hendrik İlvesə etimadnaməsini təqdim edib.
Azərbaycanın Estoniyadakı səfirliyindən verilən məlumata görə, təqdimetmə mərasimi Kadriorq prezident sarayında keçirilib.
Rəsmi hissədən sonra baş tutmuş görüşdə səfir Azərbaycan prezidenti İlham Əliyevin səmimi salamlarını və ən xoş arzularını Estoniyanın dövlət başçısına çatdırıb.
Səfir Azərbaycanla Estoniya arasındakı münasibətlərin yüksək səviyyədə olduğunu qeyd edib və gələcəkdə səylərini bu əməkdaşlığın inkişafına və möhkəmləndirilməsinə yönəldəcəyini bildirib.
Görüş zamanı Azərbaycan-Estoniya əlaqələrinin ikitərəfli, o cümlədən beynəlxalq təşkilatlar çərçivəsində çoxtərəfli səviyyələrdə, eləcə də hazırki vəziyyəti və inkişafı perspektivləri ətrafında fikir mübadiləsi aparılıb.
Azərbaycan səfiri Estoniya prezidentini Azərbaycandakı ictimai-siyasi və sosial-iqtisadi vəziyyət ilə bağlı həqiqətlər və ölkə prezidenti İlham Əliyevin başçılığı altında Azərbaycanın nailiyyətləri barədə məlumatlandırıb.
Səfir M.Nəcəfbəyli Toomas Hendrik İlvesə Ermənistan-Azərbaycan Dağlıq-Qarabağ münaqişəsi barədə ətraflı məlumat verib, Ermənistanın Azərbaycana qarşı təcavüzünün davam etməsini, Ermənistan tərəfindən Azərbaycan ərazisinin 20% işğal edilməsini və Ermənistanın münaqişənin sülh yolu ilə həlli üzrə danışıqların imitasiya etdiyi barədə məlumat verib.
Estoniya prezidenti öz növbəsində Azərbaycan ilə əməkdaşlıq səviyyəsindən məmnunluğunu qeyd edərək, Azərbaycanın Estoniya üçün birmənalı dost ölkə olduğunu vurğulamış və Estoniya ilə Azərbaycan arasında dinamik tərəfdaşlığın gələcəkdə də bütün sahələrdə inkişafının davam edəcəyinə əminliyini bildirib.
Estoniyanın dövlət başçısı səfirə uğurlar diləyib, Azərbaycan prezidenti İlham Əliyevin salamlarına görə minnətdarlığını bildirib və Azərbaycanın dövlət başçısına öz salamlarını və ən xoş arzularını çatdırmağı xahiş edib.
Səfir Azərbaycanın dost Estoniya ilə gələcəkdə də bütün sahələrdə əlaqələrin inkişafı və möhkəmləndirilməsində maraqlı olduğunu qeyd edib.
Səfir M.Nəcəfbəyli, etimadnamələrin surətini həmçinin Estoniyanın Xarici işlər nazirliyinin rəhbərliyinə cari ilin 26 yanvar tarixində təqdim edib.
Tural




 
Bölməyə aid digər xəbərlər
23.05.2019
Cənubi Karolina ştatının qubernatoru 28 may tarixini Azərabaycan Günü elan edib
22.05.2019
Elmar Məmmədyarov BMT-nin yeni rezident nümayəndəsi ilə görüşüb
22.05.2019
Mətyu Brayzə: Şəxsi təcrübəmdən bilirəm ki, vaxtilə ailəmlə birlikdə yaşadığım Bakı çox təhlükəsiz şəhərdir
22.05.2019
Əli Kərimlinin radikal arzuları ürəyində qalacaq
22.05.2019
Diaspor rəhbəri Misirin dövlət televiziya kanalının qonağı olub - VİDEO

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10784

1 “İş yerlərində təhlükəsiz əmək şəraiti yaratmaq lazımdır”
2 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
3 Üç müharibə iştirakçısı olan general-mayor
4 Oqtay Zülfüqarovun uşaq mahnıları müasir aranjemanda səslənəcək
5 Şuranın dəstəyilə 13 saylı orta məktəbdə “Diaspor dərsi” keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info