“Hər bir inkişafın arxasında ictimai-siyasi sabitlik dayanır”
Tarix: 02.02.2016 | Saat: 00:15:00 | E-mail | Çapa göndər


Bu gün dünyanın əksər bölgələrində, xüsusən Yaxın Şərqdə ictimai-siyasi proseslərin gərginləşdiyinin şahidi oluruq. Belə bir vəziyyətdə Azərbaycan ictimai-siyasi sabitliyin qorunması baxımından dünya üçün bir nümunəyə çevrilib. “Regionların 2014-2018-ci illərdə sosial-iqtisadi inkişafı Dövlət Proqramı”nın icrasının ikinci ilinin yekunlarına həsr olunmuş konfransda Prezident İlham Əliyev çıxışında Azərbaycanda ictimai-siyasi sabitliyin qorunduğunu dedi: “Azərbaycan xalqının, Azərbaycan dövlətinin maraqları hər şeydən üstündür. Azərbaycan xalqı sosial rifah və təhlükəsizlik şəraitində yaşamalıdır. Görülən bütün işlərin məqsədi ondan ibarətdir ki, daha da güclü dövlət, xalqımız üçün daha da yaxşı şərait yaradaq. Azərbaycan nümunəsi dünya üçün çox əhəmiyyətlidir və bir çox yerlərdə Azərbaycan təcrübəsi öyrənilir”.
İspaniya-Azərbaycan Ticarət və Mədəniyyət Assosiasiyasının vitse-prezidenti, politoloq Mahir Qurbanov bizimlə söhbətində dedi ki, ictimai -siyasi sabitlik dövlətin sabahkı uğurudur: “Bu gün Azərbaycan Respublikası böyük addımlarla irəliyə gedir, çoxlu naliyyətlərə imza atır, dünyada tanınır, beynəlxalq forumlarda təmsil olunur, beynəlxalq tədbirlərə ev sahibliyi edir. Bütün bunlar məhz Azərbaycan dövlətinin uğurudur. Demokratiya, ictimai-siyasi sabitlik, sosial rifah və dövlət təhlükəsizliyi vacib istiqamətlərdir. Məhz ona görə də, bu məsələlərə dövlət səviyyəsində çox böyük diqqət göstərilir. Prezident İlham Əliyev Azərbaycanda demokratik, hüquqi və eyni zamanda dünyəvi dövlət quruculuğu prosesində fəal iştirak edir. Bu fəallıq Azərbaycan gəncliyinə böyük inam verir və bu inam da Azərbaycan gəncliyinin gələcəyidir. Cənab Prezident dəfələrlə qeyd edib ki, Azərbaycanda ictimai-siyasi sabitlik qorunur, Azərbaycan xalqı sosial rifah və təhlükəsizlik şəraitində yaşamalıdır və Azərbaycan dövlətinin maraqları hər şeydən üstündür”.
Mahir Qurbanov bildirdi ki, hər bir inkişafın arxasında ictimai-siyasi sabitlik dayanır: “Bundan irəli gələn işlərdən çox gözəl görünür ki, dünya ölkələri məhz bu mexanizm əsasında inkişaf edirlər. Ölkəmizin nəinki Avropada, o cümlədən Asiyada, Amerikada da çox böyük nüfuzu var. Ona görə də dövlət tərəfindən görülən bütün işlərin məqsədi ondan ibarətdir ki, daha da güclü dövlət, xalqımız üçün daha da yaxşı şərait yaradılsın. Eyni zamanda qeyd etmək lazımdır ki, ölkəmizdə dünyəvi və mütərəqqi dəyərləri təcəssüm etdirən tolerantlıq mühitinin möhkəmləndirilməsi Azərbaycan dövləti tərəfindən prioritet kimi müəyyən etdiyi sahələrindən hesab olunur. Dövlət başçısı tərəfindən bu il “Multikulturalizm ili” elan olunub. Biz dünyəvi, tolerant ölkəyik və dünya ölkələri də bilir ki, Azərbaycan dünyəvi, tolerant ölkədir. Hesab edirəm ki, Azərbaycan nümunəsi dünya üçün çox əhəmiyyətlidir və bununla yanaşı, bir çox yerlərdə Azərbaycan təcrübəsi öyrənilir”.
Politoloqun fikrincə, ictimai-siyasi sabitlik eyni zamanda regional siyasətin sabitliyinə dəstək verir: “Məsələn, biz nə qədər inkişaf etsək, qonşu ölkələr də bizimlə o qədər sabit siyasət aparacaq və dostluq edəcəklər. Ona görə də dünyəvi ölkə olmaq və bu formalaşmış model bizə hərtərəfli siyasət aparmağa imkan yaradır”.
Fuad Hüseynzadə




 
Bölməyə aid digər xəbərlər
18.04.2019
Azərbaycanla dostluq və qardaşlıq əlaqələri daha da inkişaf etdiriləcək
17.04.2019
Minsk qrupu tərəfindən Paşinyanın bəyanatına reaksiyanın olmaması pis nəticələnə bilər
17.04.2019
ABŞ elə düşünməməlidir ki, Türkiyə onun bütün tələblərini qəbul edəcək
17.04.2019
Azərbaycanda İKT bazarı sürətlə inkişaf edir
17.04.2019
Demoqrafik keçid Azərbaycanda hamar olacaq

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10749

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Hemilton “Formula-1“ tarixinin 1000-ci yarışının qalibi olub
4 Milli mədəniyyətimizin fədakar tədqiqatçısı və təmsilçisi Babək Qurbanov haqqında
5 Rusiya Prezidenti Krasnoyarskdakı Azərbaycan diaspor rəhbərini təltif edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info