Salyanda dəniz suyunu duzsuzlaşdıran zavodun istehsal gücü artırılır
Tarix: 03.02.2016 | Saat: 18:46:00 | E-mail | Çapa göndər


Salyanın Xıdırlı kəndi ərazisində dəniz suyunu duzsuzlaşdıran zavodun istehsal gücü artırılır.
İtehsal gücü gündə 20 min kubmetr olan zavod dünya standartlarına cavab verir. Burada dənizdən suyun götürülməsi üçün uzunluğu 200, eni 8 metr, dəniz səviyyəsindən hündürlüyü 5 metr olan damba inşa edilib. Zavodda müasir avadanlıqlar quraşdırılıb. Layihəyə uyğun olaraq, zavodun ərazisində ildə 1 milyon ədəd ağac və kol yetişdirməyə imkan verən bağlı qrunt şəraitində örtülü kök sistemli tinglik salınıb. Avtomatik suvarma və gübrələnmə sistemi yaradılıb. Hazırda zavodda istehsal edilən duzsuzlaşdırılmış sudan müəssisə daxilində salınan tingliklərin, həmçinin Xıdırlı kəndi yaxınlığında yaşıllaşdırma layihələri çərçivəsində əkilən ağacların suvarılmasında istifadə olunur.
Zavodun direktoru Qabil Teymurov AZƏRTAC-a bildirib ki, müəssisə ilkin mərhələdə gündə 1000 kubmetr şirin su istehsal edir. Hazırda ərazidə 4 yeni anbar və nasos stansiyası quraşdırılır. Artıq işlər başa çatmaq üzrədir. İşlər yekunlaşdıqdan sonra qurğunun gücü iki dəfə artacaq. Görülən tədbirlərin nəticəsi olaraq Xəzər dənizinin duzlu suyundan gündəlik 2 min kubmetr şirin su istehsal olunacaq. Əldə edilən şirin su Ələt-Astara magistral yolunun kənarında salınan zeytun bağlarının suvarılmasında istifadə ediləcək. Bununla yanaşı, dəniz suyunu duzsuzlaşdıran zavod tam gücü ilə işə düşdükdən sonra istehsal olunan şirin su bir sıra iri yaşayış məntəqələrini də içməli su ilə təchiz etməyə imkan verəcək.




 
Bölməyə aid digər xəbərlər
20.04.2019
Türkiyə Xəzər hövzəsindən enerji ehtiyatlarının dünya bazarlarına tədarükündə maraqlıdır
20.04.2019
Əlilliyə görə pensiyaların da elektron qaydada təyinatına başlanıb
20.04.2019
Azərbaycan tekstili MDB-də yeni bazarlara çıxa bilər
20.04.2019
Azərbaycan neftinin qiyməti bahalaşıb
19.04.2019
İstanbulda Türkiyə-Azərbaycan-Türkmənistan enerji əməkdaşlığı müzakirə edilib

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10754

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Ramiz Mehdiyevin sərəncamı ilə tədbirlər planı təsdiqləndi
4 Azərbaycanlı həkim-yazıçı Rusiya Yazıçılar İttifaqına üzv olub
5 “Azərbaycan dilinin Orfoqrafiya Normaları” təsdiq edilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info