Fermerlər keyfiyyətli taxıl toxumu ilə təmin ediləcək
Tarix: 05.02.2016 | Saat: 00:58:00 | E-mail | Çapa göndər


Ölkəmizdə ərzaq təhlükəsizliyinin təmin edilməsində ən mühüm şərtlərdən biri taxıl istehsalının artırılmasıdır. Bu baxımdan məhsuldar, yerli iqlim şəraitinə və xəstəliklərə davamlı, yüksək reproduksiyalı taxıl toxumlarının istehsalı böyük əhəmiyyət kəsb edir.
Bu istiqamətdə respublikamızda mühüm tədbirlər həyata keçirilir, yeni toxumçuluq təsərrüfatları yaradılır, onlar müasir kənd təsərrüfatı texnikaları ilə təmin olunurlar. Belə müəssisələrdən biri də 2015-ci ilin oktyabrında Beyləqan və Füzuli rayonları ərazisində yaradılmış “Kraun KO-1” Məhdud Məsuliyyətli Cəmiyyətidir. MMC-nin direktoru Elvüsal Mahmudov bildirib ki, Beyləqan rayonunun Birinci Şahsevən kəndi ərazisində “Asadov Capital Azerbaijan” MMC-yə məxsus taxıl terminalında icarə əsasında fəaliyyət göstərən toxumçuluq müəssisəsində Almaniya istehsalı olan avadanlıqlar quraşdırılıb. İstehsal gücü sutkada 120 ton olan müəssisədə, həmçinin hər biri 2,5 min tonluq 4 taxıl bunkeri var. Burada toxumların təmizlənməsi, dərmanlanması və paketlənməsi həyata keçiriləcək. Bu il 5 min tondan çox toxum istehsal edilməsi nəzərdə tutulur. İstehsal edilən super elit, elit və R-1 reproduksiyalı toxumlar həm “Kraun KO-1” MMC-nin tələbatını ödəyəcək, həm də Beyləqan, Füzuli və ətraf rayonlarda taxılçılıqla məşğul olan fermerlərin toxumla təmin edilməsində mühüm rol oynayacaq. Sahibkar bildirib ki, Füzuli rayonu ərazisində aqrotexniki qaydalara əməl olunmaqla 10 min hektarda taxıl səpini həyata keçirilib. Səpin zamanı, əsasən, yerli şəraitə uyğunlaşdırılmış “Azəri”, “Qobustan”, “Bərəkətli-95”, “Krasnodar-99”, “Nota” və digər sortlara üstünlük verilib. Taxıl əkilmiş sahələrə daim nəzarət olunur, buğdanın məhsuldarlığına və keyfiyyətinə təsir edən xəstəliklərə, zərərvericilərə və alaq otlarına qarşı mübarizə tədbirləri aparılır. 2015-2016-cı il taxıl istehsalı dövründə təsərrüfatda əksəriyyəti məcburi köçkünlər olmaqla, 400 nəfərə yaxın insan işlə təmin olunub. “Dövlətimizin başçısının ölkənin taxıla olan tələbatının tam ödənilməsi üçün real tədbirlərin görülməsi, iri taxılçılıq təsərrüfatlarının yaradılması prosesinin sürətləndirilməsi, yeni intensiv texnologiyaların geniş tətbiq edilməsi kimi tapşırıqları biz sahibkarların qarşısında mühüm vəzifələr qoyur. Aqrar sahəyə, sahibkarlığa göstərdiyi diqqət və qayğıya görə Prezidentə minnətdarlığımı bildirirəm. Yaradılan şərait müqabilində taxıl və toxum istehsalında yüksək nəticələrə nail olmağa, ölkəmizin ərzaq təhlükəsizliyinə öz töhfəmizi verməyə çalışacağıq” - deyə Elvüsal Mahmudov bildirib.




 
Bölməyə aid digər xəbərlər
20.11.2018
Ötən ilin eyni dövrünə nisbətən 26 min tondan çox pambıq tədarük edilib
20.11.2018
Gömrük Komitəsi və “Caspian European Club” birgə biznes forum keçirəcək
20.11.2018
“Bakutel” çərçivəsində ilk dəfə olaraq Xəzər İnnovasiya Konfransı keçiriləcək
20.11.2018
Azərbaycanda avtomobil istehsalı artıb
20.11.2018
Azərbaycan və Belarus arasında on milyonlarla dollarlıq müqavilələrin bağlanması gələcək üçün yaxşı göstəricidir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 “Gedir dayanmadan zamanın köçü”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info