Aydın Əliyev Ağdaşda ictimaiyyət nümayəndələri ilə görüşüb
Tarix: 05.02.2016 | Saat: 18:44:00 | E-mail | Çapa göndər


Dövlət Gömrük Komitəsinin sədri, gömrük xidməti general-leytenantı Aydın Əliyev fevralın 5-də Ağdaş rayonunda ictimaiyyət nümayəndələri və sahibkarlarla görüşüb. Görüşdən əvvəl ümummilli lider Heydər Əliyevin abidəsi önünə gül dəstələri düzülüb, xatirəsi ehtiramla anılıb.
Heydər Əliyev Mərkəzində keçirilən görüşdə ictimaiyyət nümayəndələri regionların 2014-2018-ci illərdə sosial-iqtisadi inkişafı Dövlət Proqramının icrasının ikinci ilinin yekunlarına həsr olunmuş konfransda Prezident İlham Əliyevin nitqindən irəli gələn məsələlər, verilən tapşırıqlar, nəzərdə tutulan tədbirlər barədə ətraflı məlumatlandırılıblar.
Ağdaş Rayon İcra Hakimiyyətinin başçısı Tofiq İbrahimov son illər rayonun sosial-iqtisadi inkişafı istiqamətində həyata keçirilən tədbirlər və nəzərdə tutulan layihələr barədə məlumat verib. Bildirilib ki, Prezident İlham Əliyevin diqqət və qayğısı sayəsində respublikanın digər bölgələrində olduğu kimi, Ağdaş rayonunda da yeni müəssisələr istifadəyə verilib, geniş abadlıq-quruculuq işləri aparılıb, yaşayış məntəqələrinin böyük hissəsi qazlaşdırılıb, yollar təmir olunub, yeni məktəblər və inzibati binalar tikilib, minlərlə yeni iş yeri yaradılıb.
İcra hakimiyyətinin başçısı hazırda rayonda “Türyançay” heyvandarlıq kompleksinin, meyvə emalı zavodunun, “Gilan Holdinq”in yem emalı zavodunun fəaliyyət göstərdiyini, biyan emalı zavodunun inşasının davam etdirildiyini bildirib. Qeyd olunub ki, rayonda “Ağdaş-Pambıq” ATSC, qida məhsulları kombinatı, “Orelay” şirniyyat firması, “FA kom BİCA” MMC, Kükəl kərpic istehsalı zavodu, “Damla” un fabriki, “Arşınmalçı” tikiş-trikotaj müəssisəsi yaradılıb. Həmçinin pambıqtəmizləmə və süd zavodları mövcuddur.
Dövlət Gömrük Komitəsinin sədri, gömrük xidməti general-leytenantı Aydın Əliyev çıxış edərək, Prezident İlham Əliyevin dövlət qurumları və yerli icra strukturları qarşısında qoyduğu təxirəsalınmaz vəzifələr barədə ətraflı məlumat verib. Bildirib ki, ölkənin iqtisadi təhlükəsizliyinin təmin olunmasında, münbit biznes mühitinin formalaşması və sahibkarlıq fəaliyyətinin inkişafında mühüm rol oynayan gömrük orqanları bu istiqamətdə bir sıra tədbirlər həyata keçirir. Dövlət Gömrük Komitəsinin fəaliyyətində biznes-gömrük əməkdaşlığına xüsusi önəm verilir. Bu məqsədlə vaxtaşırı olaraq gömrük orqanlarında iş adamları ilə görüşlər keçirilir, ölkədə baş verən iqtisadi proseslər, idxal-ixrac əməliyyatlarının vəziyyəti barədə həm sahibkarlar məlumatlandırılır, həm də onların fikirləri öyrənilir və təklifləri dəyərləndirilir. Gömrük prosedurlarının asanlaşdırılması, şəffaflığın təmin edilməsi, vətəndaşla birbaşa təmasların minimuma endirilməsi məqsədilə informasiya texnologiyalarının tətbiqi daha da genişləndirilir, e-hökumət portalı vasitəsilə Dövlət Gömrük Komitəsinin təklif etdiyi xidmətlərin sayı artırılır.
Komitə sədri Prezident İlham Əliyevin rəhbərliyi ilə ölkədə həyata keçirilən genişmiqyaslı antiböhran tədbirlərindən də danışıb, sahibkarlara tövsiyələrini bildirib.
Sahibkarlar Prezident İlham Əliyevin tövsiyə və tapşırıqlarına uyğun olaraq işlərində dönüş yaratmağa çalışdıqlarını, yerli bazarı rəqabət qabiliyyətli və daha çox çeşidli məhsullarla təmin etməyi, işçilərin sayını artırmağı qarşıya məqsəd qoyduqlarını vurğulayıblar. Onlar öz fəaliyyət sahələri, istehsal etdikləri məhsullar, yaranan yeni imkanlar və qarşılaşdıqları çətinliklər barədə məlumat veriblər. Həmçinin heyvandarlıq, pambıqçılıq, çəltikçilik və taxılçılığın inkişafı, əkin sahələrinin suvarılması və şoranlaşmış torpaqların yenidən əkinə qaytarılması üçün tədbirlərin görülməsi ilə bağlı təkliflər irəli sürülüb.
İctimaiyyət nümayəndələri çıxışlarında son günlərdə maaşların, pensiya və müavinətlərin artırılmasından razılıqlarını ifadə ediblər. Qeyd olunub ki, Prezident İlham Əliyev bununla bağlı sərəncamlar imzalamaqla, dövlət siyasətinin mərkəzində Azərbaycan vətəndaşının dayandığını bir daha təsdiqləyib. Dünyanın heç bir ölkəsində böhran vəziyyətində maaşların, pensiyaların artırılmasına rast gəlinmir. Çıxışlarda əhalinin sosial müdafiəsinin gücləndirilməsinə, regionların sosial-iqtisadi inkişafına göstərdiyi qayğıya görə dövlətimizin başçısına minnətdarlıq ifadə olunub.
Görüşdə Milli Məclisin deputatı Elman Nəsirov iştirak edib
Tural




 
Bölməyə aid digər xəbərlər
16.11.2018
Sanqaçal qəsəbə sakinləri ilə növbəti səyyar görüş keçirilib
16.11.2018
Sahil Babayev Şəmkirdə 5 rayonun sakinləri ilə görüşüb
16.11.2018
Birinci qrup ilkin əlillik təyin olunanların sayında azalma 75,8 faizə çatıb
16.11.2018
“Bakı Metropoliteni” işçi axtarır
15.11.2018
110 şəhid hərbi qulluqçu üzrə 135 vərəsəyə birdəfəlik ödəmənin verilməsinə dair qərar qəbul olundu

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10489

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Gedir dayanmadan zamanın köçü”
4 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
5 Davamli dil siyasəti dövlətin əsas prioritet istiqaməti kimi


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info