Azərbaycan MİFA-nın festivalında təmsil olunub
Tarix: 08.02.2016 | Saat: 15:07:00 | E-mail | Çapa göndər


Tokionun mərkəzində yerləşən Mequro Beynəlxalq Əməkdaşlıq Assosiasiyasının (MİFA) eyniadlı rayonunun ərazisində yaşayan xalqların nümayəndələrinin iştirakı ilə təşkil etdiyi ənənəvi festivalda Azərbaycan yüksək səviyyədə təmsil olunub.
Festivalın açılış mərasimində çıxış edən MİFA-nın baş direktoru xanım Reyko Kato və Mequro rayonunun meri Eici Aoki tədbir iştirakçılarını salamlayıblar. Bildirilib ki, MİFA rayon ərazisində yaşayan müxtəlif xalqların nümayəndələri arasında mehriban əməkdaşlıq, səmimi qonşuluq münasibətlərinin qurulmasında, onların həm yapon, həm də bir-birinin mədəniyyətini, adət-ənənələrini, dilini öyrənməsində mühüm rol oynayır.
Festival müxtəlif xalqların mədəniyyət nümunələrini əks etdirən bədii proqramla davam edib. Yaponiyada yaşayan həmyerlimiz, beynəlxalq müsabiqələr laureatı, pianoçu Gülnarə Səfərova-Azumanın ifa etdiyi Azərbaycan milli mahnıları və bəstəkar musiqisi nümunələri iştirakçıların alqışları ilə qarşılanıb.
Rayon ərazisində yerləşən Azərbaycan, Qırğızıstan, Özbəkistan, Polşa, Nepal, Sudan, Cibuti və Keniya səfirliklərinin təmsil etdikləri ölkələrin mədəni eksponatlarının, milli mətbəx nümunələrinin təqdim edildiyi stendlər iştirakçıların böyük marağına səbəb olub.
Azərbaycan səfirliyinin hazırladığı stenddə milli adət-ənənələrimizi əks etdirən eksponatlar, ölkəmiz haqqında yapon dilində nəşr edilmiş müxtəlif çap məhsulları, “İRS-İsan” jurnalının nömrələri, “Gilan Holding”in “Jalə” nar şirələri, milli mətbəximizin nümunələri tədbir iştirakçılarına təqdim edilib.
Azərbaycan milli mətbəxinin ləziz nümunələri, şəkərbura və paxlava tədbirdə iştirak edən yaponların, eləcə də digər xalqların nümayəndələri tərəfindən böyük maraqla qarşılanıb.
Azərbaycan stendi barədə fikirlərini AZƏRTAC-ın Yaponiyadakı xüsusi müxbiri ilə bölüşən Mequro rayonunun meri Eici Aoki bildirib ki, ölkəmizi təmsil edən stend yüksək səviyyədə təşkil olunub. Ümumiyyətlə, Azərbaycan səfirliyi ilə rayon meriyası arasında xoş münasibətlər var və birgə layihələr həyata keçirilir. 2013-cü ildə Azərbaycanın bir sıra rayon və şəhər icra hakimiyyəti başçılarından ibarət qrupun Mequro rayon rəhbərliyi ilə görüşünü xatırladan mer bildirib ki, Yaponiyada ölkəmizə böyük maraq var. Rayon rəhbərliyi Azərbaycanla sıx əməkdaşlığın qurulmasına çalışır və bu, iki dost xalqın bir-birini daha yaxından tanımasına mühüm töhfələr verir.




 
Bölməyə aid digər xəbərlər
20.01.2019
20 yanvar tarixini yeni Azərbaycan tarixinin başlanğıcı kimi qəbul etmək olar
20.01.2019
Biz rusiyalılar dərdinizə şərik çıxır və bu dəhşətli faciəni xatırlayırıq
20.01.2019
Azərbaycan xalqının 20 Yanvar qəhrəmanlığı türk dünyası üçün nümunə oldu
20.01.2019
Azərbaycanda şəhid ailələrinə dövlətimiz tərəfindən yüksək diqqət və qayğı göstərilir
20.01.2019
Hicran Sadıqzadə: Biz şəhidlərin xatirəsini yad etməyə mənəvi cəhətdən borcluyuq

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Dərslər təxirə salındı
4 Nikola Sarkozi: “Bakıda böyük quruculuq işlərinin şahidi oldum”
5 Yalçın Topçu: “Türkiyə və Azərbaycan arasında ticarət daha da artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info