“Azərbaycanla əməkdaşlığa laqeyd qalsaq, zərər görə bilərik“
Tarix: 08.02.2016 | Saat: 15:32:00 | E-mail | Çapa göndər


“Azərbaycanla münasibətlərin zəifləməməsi, əksinə, daha da gücləndirilməsi hakimiyyətdə kimlərin olmasından asılı olmayaraq, Ukraynanın ən böyük ehtiyaclarından biridir”.
Bu sözləri APA-ya açıqlamasında Ukraynanın birinci prezidenti, Müstəqil Dövlətlər Birliyinin (MDB) yaradıcılarından olan Leonid Kravçuk deyib. O bildirib ki, Ukraynada baş verən inqilabdan sonra formalaşan hakimiyyətdə əgər Azərbaycana münasibətdə laqeydlik varsa, bu, onların ən böyük səhvi olar: “Ukrayna bu gün çox ağır mərhələdən keçir. Ölkəmiz çətin durumlar, sınaq dövrünü yaşayır, müharibə aparır. İndi ölkənin idarəçilik sükanında oturanlar daha çox Rusiyaya qarşı sanksiyaya qoşulan ölkələrlə əməkdaşlığı intensivləşdirməyə meyl edirlər. Amma bu, o demək deyil ki, biz əsas və uzunmüddətli strateji dostlarımızı nəzərdən qaçırmalıyıq. Azərbaycan Ukrayna dövlətinin uzun illərdən bəri strateji tərəfdaşı, birmənalı olaraq dostudur. Biz Azərbaycanla əməkdaşlığa hər hansı bir dövrdə laqeyd qalsaq, bundan iqtisadi və siyasi anlamda çox zərər görə bilərik. Bu gün Azərbaycan hansısa kəskin sanksiyalara qoşulmaya bilər. Bir dost kimi biz də Azərbaycanın narahatlıqlarını anlamalı və onun addımlarının səbəbini dərk etməliyik. Çünki Azərbaycan həmişə bizim yanımızda olduğunu bildirib və dediyim kimi, dövlət maraqlarımızın əsas sahələri üzrə strateji tərəfdaşımız, dostumuzdur”.
 
L. Kravçuk prezident Pyotr Poroşenkonun Azərbaycana ləngiyən səfərinə də toxunaraq bildirib ki, bütün hallarda bu məsələdə zərər görən tərəf Ukraynadır: “Çünki bizə Azərbaycan kimi dövlətlə vaxt itirmədən yeni anlaşmalar lazımdır. Əminəm ki, yüksək səviyyəli bu səfər tezliklə baş tutacaq. Artıq mən və digər keçmiş prezidentlər Leonid Kuçma və Viktor Yuşşenko Azərbaycanla münasibətlərin intensivləşdirilməsi barədə təkliflərimizi hazırlayaraq prezidentə təqdim etməyə qərar vermişik. Hazırda bunun üzərində düşünürük. Biz gələn ay Bakıda keçiriləcək IV Qlobal Foruma dəvət almışıq və orada keçirəcəyimiz görüşlərdə bu məsələni də müzakirə edəcəyik”. 




 
Bölməyə aid digər xəbərlər
17.11.2018
ATƏT-in Minsk qrupu işğalçı Ermənistana təzyiq göstərmək üçün bütün alətlərdən maksimum istifadə etməlidir
17.11.2018
Ermənistan Belarus və Qazaxıstanla KTMT-də müttəfiq dövlət olmasına baxmayaraq, ciddi tərəfdaş kimi qəbul olunmur
17.11.2018
Rəsmi Bakı: Belə qərəzli addımlar Fransanın Minsk qrupunun həmsədri kimi üzərinə götürdüyü öhdəliklərlə bir araya sığmır
17.11.2018
Fransalı deputatların Saakyanla mümkün görüşü Fransanın ATƏT-in Minsk qrupunun həmsədri kimi statusuna zidd olacaq
17.11.2018
KTMT-nin Ermənistan problemi: Azərbaycan-Belarus əməkdaşlığına rəsmi İrəvanın qısqanclığı

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10491

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info