Səlim Müslümov: “Əmək bazarında sabitlik əldə edilib”
Tarix: 08.02.2016 | Saat: 20:03:00 | E-mail | Çapa göndər


Əmək və əhalinin sosial müdafiəsi naziri Səlim Müslümov “Azərbaycan Respublikasının Məşğulluq Konsepsiyası (2016-2025-ci illər)” layihəsinin hazırlanması işləri çərçivəsində Bakıda keçirilən “Məşğulluq siyasəti” mövzusunda təlim-seminarda iştirak etmək üçün ölkəmizdə səfərdə olan Beynəlxalq Əmək Təşkilatının (BƏT) rəsmisi Aurelio Parisotto ilə görüşüb. S.Müslümov ölkəmizdə makroiqtisadi sabitlik və inkişaf dinamikasına nail olunması üçün Prezident İlham Əliyev tərəfindən həyata keçirilən uğurlu islahatlar kursunda əhalinin məşğulluq səviyyəsinin artırılmasının, layiqli əməyin təminatının əsas hədəflərdən biri olduğunu vurğulayıb. Nazir ötən dövrdə respublikada iqtisadi inkişafın təmin olunması, o cümlədən qeyri-neft sektorunun genişlənməsi, özəl sektorun dəstəklənməsi, çoxsaylı yeni iş yerlərinin yaradılması şəraitində əmək bazarında sabitliyin əldə edildiyini, məşğulluq səviyyəsinin yüksəldiyini diqqətə çatdırıb: “Hazırda ölkəmizdə qlobal iqtisadi böhranın kəskinləşməsinin mənfi təsirlərinə qarşı milli iqtisadiyyatın dayanıqlığı təmin olunur. Bu məqsədlə dövlət başçısı tərəfindən həyata keçirilən və postneft dövründə də iqtisadi artıma, xüsusən qeyri-neft iqtisadiyyatının genişlənməsinə yönələn islahatlar kursu ilk növbədə əhalinin sosial müdafiəsinin və məşğulluq tədbirlərinin gücləndirilməsini nəzərdə tutur. İşəgötürənlərlə daha fəal əməkdaşlıq şəraitində, çoxsaylı iş yerləri yaradılmaqla, işsiz və işaxtaran şəxslərin məşğulluğunun təmin olunması istiqamətində müvafiq addımlar atılır. Ölkənin hazırlanmaqda olan yeni Məşğulluq Konsepsiyası layihəsində də sosial tərəfdaşlıq müstəvisində bu istiqamətdə məqsədyönlü və səmərəli tədbirlər kompleksi əksini tapacaq”.
Əmək və məşğulluq sahəsində dövlət siyasətinin hazırlanması və təkmilləşdirilməsi işlərində BƏT-lə əməkdaşlığa toxunan S.Müslümov ötən dövrdə Azərbaycanın BƏT-in ümumilikdə 57 Konvensiyasına qoşulduğunu bildirib: “Azərbaycan BƏT-in əmək və məşğulluq, o cümlədən gənclərin məşğulluğu üzrə təşəbbüs və layihələrində fəal iştirak edir. Son illərdə ölkəmiz “MDB-də Gənclərin Məşğulluğu üzrə Tərəfdaşlıq” adlı Texniki Əməkdaşlıq layihəsinə də qoşulub. Bu təşkilatla əməkdaşlığımızı yeni Məşğulluq Konsepsiyası layihəsinin hazırlanması işlərində də davam etdirir və bu sahədə BƏT-in ekspert dəstəyinə xüsusi önəm veririk”.
A.Parisotto Azərbaycanda davamlı xarakter alan iqtisadi artım tempinin, makroiqtisadi sabitlik üçün yüksək maliyyə dayanıqlığının təmin olunmasının, ölkədə hazırda baş verən iqtisadi islahatlar prosesində məşğulluq amilinin diqqətdə saxlanmasının, aktiv əmək bazarı proqramlarının təqdirəlayiq olduğunu vurğulayıb. Təmsil etdiyi təşkilatın Azərbaycanla uğurlu əməkdaşlıq təcrübəsindən bəhs edən A.Parisotto ölkəmizdə yeni Məşğulluq Konsepsiyası layihəsinin hazırlanmasında da BƏT-in fəal dəstək vermək niyyətində olduğunu qeyd edib.
Görüşdə Azərbaycanla BƏT arasında əməkdaşlıq sahələrində görülən işlər, yeni Məşğulluq Konsepsiyası layihəsinin hazırlanması məsələləri barədə fikir mübadiləsi aparılıb.

Qorqud




 
Bölməyə aid digər xəbərlər
25.09.2018
Mərkəzi Klinikanın həkimləri vətəndaşları ödənişsiz müayinə edəcəklər
25.09.2018
Məcburi köçkünlərlə növbəti görüş keçirilib
25.09.2018
Qəbələdə 8 yaşayış məntəqəsinin yolunun yenidən qurulması yekunlaşır
25.09.2018
Nazir müavini: Pensiya təyinatı proseduru elektronlaşdırılacaq
24.09.2018
Səyyar ASAN xidmət davam edir

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10144

1 Yalnızlıq qorxusu
2 “Azərbaycanda xalq yaradıcılığına maraq artıb”
3 “Vətən uzaqda deyil” telelayihəsi dünya azərbaycanlılarının sevincinə səbəb olub
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 Qalust Qriqoryan: “İsrailin müdafiə nazirinin Bakı səfəri Ermənistana xüsusi mesajdır ”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info