“Qaçqın dalğa”sı Latviyaya çatdı
Tarix: 08.02.2016 | Saat: 20:23:00 | E-mail | Çapa göndər


Xüsusi proqram çərçivəsində Avropa İttifaqı ölkələri arasında bölüşdürülən ilk qaçqınlar fevralın 6-da Latviyaya gəlib. Daxili İşlər Nazirliyinin dövlət katibi İlze Petersone-Qodmane bildirib ki, Mutsenieki şəhərində qaçqınların saxlanma mərkəzində iki ailə yerləşdirilib. Nazirliyin nümayəndəsi Dayqa Xolmanın yaydığı məlumatda deyilir ki, qaçqın ailələrindən biri Suriyadan, digəri Eritreyadandır. Bundan əvvəl Yunanıstanda düşərgələrdə olan hər iki ailə Latviyaya şənbə gününə keçən gecə gəlib. Onların arasında məktəb yaşına çatmayan iki uşaq da var.
Sərhəd mühafizəsinin nümayəndəsi polkovnik-leytenant Marek Xonyavko bildirib ki, hər iki ailə dinc şərait axtardığı üçün Latviyaya gəlmək arzusunda olub.
Bundan əvvəl xəbər verilib ki, Latviya iki il ərzində Yunanıstan və İtaliyadan 531 sığınacaq axtaran qəbul etməyə hazırdır.
İlze Petersone-Qodmane deyib ki, Latviya sərhəd mühafizəsinin əməkdaşları Yunanıstan və İtaliyadan Latviyaya gələcək qaçqınların seçilməsi işini davam etdirirlər. Lakin danışıqlar sona çatmayıb. Növbəti qaçqınların bir ay ərzində gələcəyi güman edilir.
Latviyada immiqrantların müəyyən statusa uyğun olması məsələsinə üç ay ərzində baxılır. Ola bilər ki, bu proses daha tez başa çatsın, çünki Latviya iki il ərzində ölkəyə 500 nəfərdən çox qaçqının yerləşdirilməsi qrafikinə əməl etməlidir.
Daxili işlər naziri Rixard Kozlovskis LNT telekanalının “900 saniyə” verilişində təsdiq edib ki, hazırda Latviyada yerləşdirmək üçün hazır olan digər şəxslər yoxdur. Qaçqınların seçimi üzrə işlər aparılır, müvafiq plan hazırlanıb, lakin məsul qurumlar hələ ki meyarlara uyğun gələn qaçqın tapa bilməyiblər. Nazir deyib: “İlk qaçqınların qəbulu təcrübəsinə əsasən biz fəaliyyət planının necə işlədiyini görəcəyik”.
LETA informasiya agentliyinin məlumatına görə, fevralın 6–da 200-dək adam Riqada Azadlıq Abidəsi yanında kütləvi immiqrasiya əleyhinə piket keçirib. Toplaşanlar Seymin buraxılmasını və Avropa İttifaqından ayrılmağı tələb ediblər. Onlar Baltikyanı ölkələrin bayraqlarından ibarət rəmzi zəncir düzəldiblər. Piketdə əlində Polşa bayrağı olan adamlar da iştirak ediblər.
Tural




 
Bölməyə aid digər xəbərlər
16.11.2018
Ərdoğan Qəzza zolağında vəziyyətlə bağlı Abbasa dəstəyini bildirib
16.11.2018
ABŞ Gülənin ekstradisiyasının yollarını axtarır
16.11.2018
Gürcüstandan Rusiyaya gedən avtomagistral yol bağlanıb
15.11.2018
Aİ - Britaniya “boşanması”: İrlandiya, Cəbəllütariq və Kipr üzrə protokollar razılaşdırılıb
15.11.2018
Miqrantlar ABŞ ve Meksika arasında olan sərhəd hasarına çıxdılar

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10481

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info