CNN: “5 səbəbə görə Rusiya Suriyadan tezliklə çıxmayacaq”
Tarix: 09.02.2016 | Saat: 19:04:00 | E-mail | Çapa göndər


CNN Rusiyanın Suriyada fəaliyyəti ilə bağlı maraqlı yazı yazıb. Müəllif Metyu Çans bildirir ki, əvvəllər Suriyanın ən böyük şəhəri və üsyançıların ən böyük dayaq məntəqəsi olan Hələb üzərində hazırda həlledici döyüşlər gedir: “Əsəd hökuməti və onun müttəfiqləri, Rusiya qoşunlarının köməyilə üsyançıların əlində olan şəhərin şərq hissəsi ətrafında halqanı daraltmaqdadırlar. Hələb Əsəd üçün əsas məqsədlərdən biridir və Rusiya ötən ilin sonunda bu müharibəyə qoşulmayana qədər müharibənin anlamı yox idi. Rusiya Əsədə yardıma gələndən sonra oradakı hərbi əməliyyatlarda köklü dəyişikliklər baş verdi.
Bəs Putinin Suriyada nə işi var? Əsılində o, nə istəyir? 5 səbəb var ki, Putinin Suriyadan tezliklə geri çəkilməyəcəyini büruzə verir”.
Qeyd edilir ki, bu səbəblərdən birincisi Rusiya maraqlarının Suriyada qorunmasıdır. Suriyada Rusiyanın vacib iqtisadi və hərbi maraqları var – Tartusda Aralıq dənizi hərbi-dəniz bazası buna misaldır. Hələ sovet dönəmindən Suriyada Rusiya hərbi dəniz qüvvələri mövcuddur. Bundan başqa, Rusiya aviasiyası üçün Latakiya şəhərindəki Xmeymim aviabazası da önəm daşıyır. İkinci səbəb kimi isə Rusiyanın strateji maraqlarının qorunması göstərilir: “Putin dünyaya siqnal verir: Rusiya əvvəlki kimi hesablaşılmalı güc olaraq qalır”.
Üçüncü səbəb isə terrorçu təşkilatlarla mübarizədir: “Kreml sözün həqiqi mənasında dini ekstremistlərin zorakılıqlarının artmasından qorxur. Rusiya dəfələrlə onların törətdikləri terrorlara tuş gəlib. Amma separatçı qruplaşmalar indiyə qədər də Rusiyaya qarşı qanlı aktlarla çıxış edir. Məsələn, 2014-cü ildə Volqoqradda törədilən teraktı misal çəkək. Rusiya qorxur ki, Suriyada “İŞİD”-in qələbə çalması onun öz ərazisində “İŞİD”-çilərin qol-qanadını aça bilər”.
Dördüncü səbəb Putinə ölkə daxilində dəstəyi gücləndirməkdir: “Neft qiymətlərinin düşməsi və Ukraynaya görə Qərb tərəfindən tətbiq edilən sanksiyalar Rusiya iqtisadiyyatını böhrana məruz qoyub. 2015-ci ildə iqtisadiyyat 3,7 faiz azalıb. Rusiya rublu qiymətdən düşüb və əhali arasında yoxsullaşma baş verib. Amma Putinə daxildən dəstəyin səviyyəsi əvvəlki kimi yüksəkdir. Bununla bərabər, hələ ki Rusiyanın itkiləri çox deyil, milli qüruru yüksəltmək və ümumi dəstəyi gücləndirmək məqsədəuyğun hesab edilir”.
Beşinci səbəb isə silah satışıdır: “Suriyadakı dramatik hadisələr fonunda Rusiya populyarlığını artırmağa çalışır və öz yüksək texnologiyalı hərbi texnikasını nümayiş etdirir. Rusiya dünyada ən böyük silah istehsalçılarından biridir. Çin və Hindistan kimi ölkələrə silah satışı həcminin də bu baxımdan artacağı istisna olunmur”.


Rasim Babalı




 
Bölməyə aid digər xəbərlər
19.11.2018
Neftin qiyməti bahalaşmaqda davam edir
19.11.2018
Bu il sənaye məhsullarının iyirmi iki faizi emal sektorunda istehsal edilib
18.11.2018
Azərbaycan və Belarus “Şimal-Cənub“ layihəsi çərçivəsində saziş imzalayıblar
18.11.2018
İsveçrə Azərbaycan iqtisadiyyatına 850 milyon dollardan çox investisiya yerləşdirib
17.11.2018
On ayda neft sektoruna 5 milyard manatadək vəsait yönəldilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info