Biləsuvarda bu il pambıq sahələri 7 min hektaradək artırılacaq
Tarix: 09.02.2016 | Saat: 20:22:00 | E-mail | Çapa göndər


Dövlətimizin başçısının yerli istehsalın gücləndirilməsi və yeni iş yerlərinin açılması istiqamətində verdiyi tapşırığa uyğun olaraq, Biləsuvarda ənənəvi sahələrdən olan pambıqçılığın perspektivləri müzakirə edilib.
Fermerlər və torpaq mülkiyyətçilərinin, pambıq istehsalı və emalı ilə məşğul olan müəssisələrin əməkdaşlarının, yerli meliorasiya təşkilatlarından nümayəndələrin iştirak etdikləri tədbirdə rayon icra hakimiyyətinin başçısı Mahir Quliyev Prezident İlham Əliyevin tapşırığı ilə ölkədə pambıqçılığın stimullaşdırılması çərçivəsində həyata keçirilən tədbirlər barədə məlumat verib.
Bildirilib ki, pambıqçılıq Biləsuvar üçün ənənəvi sahədir və sovetlər dövründə rayonda 14 min hektar pambıq əkilib, 37 min tondan çox xam pambıq istehsal olunub. M.Quliyev deyib ki, pambıqçılığın inkişafı üçün rayonda əlverişli torpaq-iqlim şəraiti var. Bununla yanaşı, iki pambıqtəmizləmə zavodu, pambıq sahələrinin becərilməsi və yığımında istifadə olunan ixtisaslaşmış texnika, potensial işçi qüvvəsi pambıqçılığın inkişafına əlavə imkanlar yaradır. Qeyd olunub ki, böyük əmək tutumuna malik pambıqçılığa yeni şəraitin tələblərinə uyğun olaraq, illik 6 faizlə kreditlərin verilməsi nəzərdə tutulur. Hər hektar pambığa 630 manat sərf edilməsi planlaşdırılır ki, bununla da torpağın əkilməsi, gübrələrin verilməsi, texnika ilə təminat öz həllini tapacaq. Bundan başqa, daşıma və istehsal xərclərinin 90 faizi emalçılar tərəfindən avans olaraq veriləcək. Dövlətimizin başçısının tapşırığı ilə pambığın satınalma qiyməti 2016-cı ildə əhəmiyyətli dərəcədə artırılacaq.
Təkliflərlə çıxış edən fermerlər bildiriblər ki, bu il rayonda təxminən 6-7 min hektar sahədə pambıq əkilməsi nəzərdə tutulur. Bu da 600 nəfərin daimi, 10 min nəfərin isə mövsümi işlə təmin olunması deməkdir. Bunun üçün artıq işlərə başlanılıb, müvafiq sahələr ayrılıb.
Tural




 
Bölməyə aid digər xəbərlər
16.11.2018
Rəsulzadə bələdiyyəsində “Strateji Yol Xəritəsi” müzakirə olunub
15.11.2018
Daxili orqanında narkotik vasitə keçirmək istədi
15.11.2018
AAYDA 100 illik yubileyi ilə əlaqədar qanvermə aksiyası təşkil edib
15.11.2018
Qaçaq yolla dərman gətirilməsi cəhdinin qarşısı alınıb
15.11.2018
Bu vulkanların ətrafında yaşayanlar üçün ciddi təhlükə var

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10489

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Gedir dayanmadan zamanın köçü”
4 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
5 Davamli dil siyasəti dövlətin əsas prioritet istiqaməti kimi


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info