Çexiyalı iş adamları ölkəmizdəki əlverişli investisiya mühiti barədə məlumatlandırılıblar
Tarix: 11.02.2016 | Saat: 14:53:00 | E-mail | Çapa göndər


Praqada Azərbaycanda investisiya imkanları, iqtisadi və ticarət sahəsində əməkdaşlıq əlaqələrinə həsr edilmiş işçi səhər yeməyi formatında görüş təşkil edilib.
Çexiya Sənaye və Ticarət, Xarici İşlər nazirliklərinin, Çexiya İxracatın Zəmanəti və Sığortası Cəmiyyətinin (EGAP) dəstəyi ilə təşkil edilən görüşdə Azərbaycanın bu ölkədəki səfiri Fərid Şəfiyev, çexiyalı dövlət qurumlarının nümayəndələri və müxtəlif şirkətlərin təmsilçiləri iştirak ediblər.
Səfir Fərid Şəfiyev çıxışında ümumdünya iqtisadi böhran vəziyyəti və neft qiymətlərinin kəskin enməsi hallarına baxmayaraq, Azərbaycanda iqtisadi inkişafın sabit şəkildə davam etdiyini bildirib, biznes mühitinin yaxşılaşdırılması məqsədilə hökumətin həyata keçirdiyi tədbirlər, qeyri-neft sektorunun inkişafı və iqtisadiyyatın şaxələndirilməsi sahəsində atdığı addımlar haqqında məlumat verib. Səfir xüsusilə “Sumqayıt Kimya Sənaye Parkı” barədə ətraflı söhbət açıb, burada iş adamları üçün yaradılan münbit şəraitə toxunub və çex iş adamlarını sözügedən sənaye parkı ilə əməkdaşlıq etməyə və sərmayələr yatırmağa dəvət edib.
Çexiya Sənaye və Ticarət Nazirliyinin nümayəndəsi Yirji Pıtliçek Azərbaycanın etibarlı tərəfdaş olduğunu, ölkəmizdə qeyri-neft sektorunun inkişaf etdirildiyini məmnunluqla qeyd edib. O, Azərbaycanın yerləşdiyi regionda digər dövlətlərlə müqayisədə ölkəmizin daha dayanıqlı və sabit iqtisadi inkişaf yolunda olduğunu vurğulayıb və çex şirkətlərini çəkinmədən Azərbaycana yatırım etməyə çağırıb.
Çexiya Xarici İşlər Nazirliyinin rəsmisi Radek Matula ölkəmizdə səfir işlədiyi dövr ilə bağlı öz təəssüratlarını bölüşüb, ölkəmizin uğurla inkişaf etdiyini bildirib, həyata keçirilən infrastruktur layihələri, yeni metro xətlərinin tikintisi və s. sahələrdə görülən işlərdən bəhs edib.
EGAP nümayəndəsi Hana Hikelova da çıxışında Azərbaycana yatırım edən çex şirkətləri haqqında məlumat verib, ölkəmizdə təhlükəsiz investisiya mühitinin formalaşmasından danışıb və bununla bağlı Çexiya hökumətinin müsbət tövsiyəsi haqqında məlumat verib.
Tural




 
Bölməyə aid digər xəbərlər
19.03.2019
Azərbaycan 5 min tona yaxın şəkər ixrac edib
19.03.2019
“Kartla ödə, kartla qazan” adlı stimullaşdırıcı lotereyanın ilk tirajı oynanılıb
19.03.2019
Azərbaycandan 76 milyon dollar dəyərində meyvə-tərəvəz ixracı olunub
19.03.2019
Mart ayı üzrə bütün pensiyaların ödənişi başa çatdırılıb
19.03.2019
Prezident və xanımı Bakıda Novruz şənliyində

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10699

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
3 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 Yuliya Naçalova vəfat edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info