“Suriya əhalisinin 11,5 faizi öldürülüb və yaralanıb”
Tarix: 11.02.2016 | Saat: 21:38:00 | E-mail | Çapa göndər


“The Guardian”:Bu göstərici Birləşmiş Millətlər Təşkilatının 18 ay öncə dayandırdığı statistik hesablamalarda qeyd edilən 250 min nəfərlik itkidən iki dəfəyədək artıqdır”


Suriya münaqişəsi ilə bağlı hesabatda qeyd edilir ki, ölkə əhalisinin 11,5 faizi öldürülüb və yaralanıb. Belə ki, Eksklüziv Suriya Siyasi Tədqiqat Mərkəzi bu barədə bildirib. Halbuki bundan dəfələrlə artıq insan itkisinin olduğu barədə digər məlumatlar da var. Bu barədə Böyük Britaniyanın “The Guardian” qəzeti məlumat yayıb. Yazıda qeyd edilir ki, var-dövləti, infrastrukturu, və ictimai-siyasi institutları, münaqişənin 5 ili ərzində “fəlakətli təsir” nəticəsində, demək olar ki məhv edilib. Yuxarıda adıçəkilən Mərkəzin hesabatına görə, bütün insan itkiləri məhz birbaşa və dolayı olaraq Suriyada qarşıdurma və müharibə nəticəsində baş verib: “470 min nəfərin həyatına son qoyulması və şikəst edilməsi də bunun göstəricisidir. Bu göstərici Birləşmiş Millətlər Təşkilatının 18 ay öncə dayandırdığı statistik hesablamalarda qeyd edilən 250 min nəfərlik itkidən iki dəfəyədək artıqdır. Belə ki, əslində ölkə əhalisinin 11,5 faizi öldürülüb və ya yaralanıb. Birbaşa zərərçəkənlərin sayı 1,9 milyon nəfərə qədərdir. Müharibə və dağıntılar nəticəsində Suriyada orta ömür müddəti 2010-cu ildə qeydə alınmış 70 ildən 2015-ci ildə qeydə alınmış 55,4 ilə düşüb. Ümumi iqtisadi itkilər 255 milyard dollar həcmindədir.


“Müharibə və dağıntılar nəticəsində Suriyada orta ömür müddəti 2010-cu ildə qeydə alınmış 70 ildən 2015-ci ildə qeydə alınmış 55,4 ilə düşüb. Ümumi iqtisadi itkilər 255 milyard dollar həcmindədir”.


Bütün bunlardan əlavə, davam edən döyüşlər nəticəsində Suriyaya dəyən humanitar, maddi və mənəvi itkilərin daha da artacağı istisna edilmir. Çünki hazırda da ölkə ərazisində, mülki əhalinin də sıx olduğu şəhər yerlərində amansız döyüşlər gedir. Bu döyüşlər Suriya hökuməti ilə silahlı müxalifət, eləcə də “İŞİD” ekstremist terror təşkilatı arasında baş verib və nəticədə Suriya bir ölkə kimi xarabazarlığa çevrilib, insanları kütləvi şəkildə öldürülüb, şəhərləri, kəndləri insansızlaşıb, əhali müxtəlif yollarla miqrasiyaya məruz qalıb, hazırda da miqrasiya həyatının ən acı məhrumiyyətlərini yaşamaqdadırlar. Bu azmış kimi, suriyalıların Aralıq dənizindən Avropaya keçərkən kütləvi şəkildə dənizdə boğulmaları barədə dəhşətli faktlar da dünya ictimaiyyətinə məlumdur. Bundan başqa, hazırda Avropa ölkələri suriyalı miqrantları miqrant üçün minimum şərtlərdən də məhrum etməyə başlayıblar ki, bu da onların Avropanın hər hansı bir ölkəsində qərar tuta bilmələri ehtimalını daha da zəiflədir. Belə ki, hazırda suriyalılar müxtəlif Avropa ölkələrinin sərhədlərində ilişib qalmaqda, günlərlə ac-susuz və məhrumiyyətlərlə, əzabla keçinməyə tərk ediliblər. Bütün bunlar Suriyanın və onun insanlarının bu cür böyük fəlakətə düçar olduğunu və hansı itkilərə məruz qaldığını bir daha diqqət mərkəzinə gətirir. Beləliklə, supergüclərin Yaxın Şərqdə oyunlarının “müjdəsi” olan “ərəb baharı” nəticəsində digər bəzi ərəb ölkələri kimi, Suriya da bütün təbii sərvətlərindən, zəngin tarixi-mədəni irsindən, qədim sivilizasiya abidələrindən və insanlarından faciəvi şəkildə məhrum edilib…

Rasim Babalı





 
Bölməyə aid digər xəbərlər
17.06.2019
Nigeriyada silahlı hücumlar nəticəsində 34 nəfər həlak olub
16.06.2019
Silahlılar Suriyada Hələbi və iki vilayəti atəşə tutublar
16.06.2019
ABŞ İrana qarşı müqavimət göstərmək üçün bütün variantları nəzərdən keçirir
16.06.2019
Fransada “sarı jiletlilər” nümayişlərinin 31-ci həftəsi
16.06.2019
Türkiyə Silahlı Qüvvələri 77 PKK terrorçusunu zərərsizləşdirib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10806

1 Naxçıvanda “Cavidşünaslıq” oncildliyinin təqdimatı olub
2 “Aa.com.tr”: “2020-ci ilə qədər Azərbaycan qazının Avropa bazarlarına çatması gözlənilir”
3 Rufiz Qonaqov: Xəzəryanı ölkələrin xalqları arasında dostluq və əməkdaşlıq platformaları əhəmiyyətlidir
4 Ermənilərin təyyarəmizi vurmaq cəhdi uğursuzluqla nəticələnib - VİDEO
5 Bakı Atatürk Liseyində məzun günü münasibəti ilə tədbir keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info