Azərbaycanda Paralimpiya hərəkatının 20 illiyi qeyd olunub
Tarix: 12.02.2016 | Saat: 01:08:00 | E-mail | Çapa göndər


Azərbaycanda Paralimpiya hərəkatının 20 illiyinə həsr olunmuş yubiley tədbiri keçirilib. Tədbirdə respublikamızın dövlət və hökumət xadimləri, idman ictimaiyyətinin nümayəndələri iştirak ediblər.
Milli Paralimpiya Komitəsinin prezidenti İlqar Rəhimov çıxış edərək yubiley münasibətilə və hərəkatın inkişafında xidmətlərinə görə, paralimpiyaçılarımızın böyük bir qrupunu dövlət mükafatları ilə təltif etməsi ilə bağlı dövlət başçısı İlham Əliyevə kollektiv adından təşəkkürünü bildirib. “Paralimpiyaçılarımız onlara göstərilən qayğını daim hiss edirlər, onların sosial vəziyyəti yaxşılaşır, idmançılar və məşqçilər mənzillərlə, eləcə də minik avtomobilləri ilə təmin edilirlər. Belə bir qayğının nəticəsidir ki, Azərbaycan idmançıları son beş Yay Paralimpiya Oyunlarında 27 medala, o cümlədən 8 qızıl medala sahib olublar”, - deyə İlqar Rəhimov bildirib. Milli Paralimpiya Komitəsinin himninin təqdimatından sonra gənclər və idman naziri Azad Rəhimov tədbir iştirakçılarını təbrik edib. Azərbaycanda idman ənənələrinin zənginləşdirilməsində paralimpiyaçıların rolunu yüksək qiymətləndirib. O, dövlət başçısının sərəncamı ilə komitənin prezidenti İlham Rəhimovun 3-cü dərəcəli “Vətənə xidmətə görə” ordeni ilə təltif olunduğunu xatırladıb və mükafatı sahibinə təqdim edib. Daha sonra yubiley mərasimində çıxış edən əmək və əhalinin sosial müdafiəsi naziri Səlim Müslümov ölkəmizdə Paralimpiya hərəkatının minlərlə idmançını birləşdirdiyini qeyd edib. Onlara yüksək səviyyədə göstərilən diqqət və qayğının müxtəlif nailiyyətlərdə öz əksini tapdığını söyləyib. Prezidentin sərəncamı ilə Beynəlxalq Paralimpiya Komitəsinin prezidenti Filip Kreven “Dostluq” ordeni ilə təltif olunmasını bir daha diqqətə çatdırıb. Mükafat sahibinə təqdim olunub. Filip Kreven belə bir şərəfə layiq görüldüyü üçün iftixar duyduğunu deyib, Azərbaycan paralimpiyaçılarına gələcək yarışlarda daha böyük uğurlar arzulayıb. O, Beynəlxalq Paralimpiya Komitəsinin xatirə hədiyyəsini İlqar Rəhimova təqdim edib. Azərbaycan Dövlət Bədən Tərbiyəsi və İdman Akademiyasının rektoru Fuad Hacıyev Elmi-Şuranın qərarı ilə Filip Krevenə ali məktəbin Fəxri doktoru elmi dərəcəsinin verildiyini elan edib. Azərbaycan Respublikası Milli Paralimpiya Komitəsinin vitse-prezidenti Çingiz Hüseynzadə paralimpiyaçılarımızın artıq cəmiyyətimizin tamhüquqlu üzvləri kimi öz yerlərini təsdiqlədiklərini qeyd edib.




 
Bölməyə aid digər xəbərlər
17.01.2019
Kişilər arasında şahmat üzrə Azərbaycan çempionatı davam edir
17.01.2019
Kriştianu Ronaldo: “İbrahimoviç mənim paxıllığımı çəkir”
17.01.2019
“Yuventus“ səkkizinci dəfə İtaliya Super kubokunun qalibi olub
16.01.2019
Boks üzrə Azərbaycan millisi hazırlıqlarını Göygöldə davam etdirir
15.01.2019
“Barselona” ötən il futbolçulara 562 milyon avro pul ödəyib

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10563

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Azərbaycanın qonşu ölkələrlə əlaqələri yüksək səviyyədədir
4 Hüseyn Babayev AAF-ın vitse-prezidenti təyin edilib
5 Prezident: Sarkisyan rejiminə dəstək verən, göz yuman beynəlxalq təşkilatların da onun törətdiyi cinayətlərdə payı var


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info