“Hər şey ideyadan başlayır...”
Tarix: 12.02.2016 | Saat: 15:37:00 | E-mail | Çapa göndər


Rusiyanın Azərbaycanlı Gənclər Birliyinin (RAGB) “AMOR” jurnalının yeni nömrəsi çapdan çıxıb. Jurnalın baş redaktoru RAGB-ın rəhbəri Leyla Əliyevadır.
Yeni nömrə ideyaya həsr olunub, ideya isə məlum olduğu kimi, gerçəkliyin əbədi nümunəsidir. Elə baş redaktor Leyla Əliyevanın giriş sözləri də “Hər şey ideyadan başlayır...” sərlövhəsi ilə verilib. Leyla Əliyeva hesab edir ki, “heç bir cəsarətli layihə onun əsasını təşkil edən, gerçəkləşməsinin təməli olan parlaq fikirsiz baş tuta bilməz”. Onun fikrincə, ideya çoxdankı arzudan da doğa bilər, tamamilə təsadüfən də ağla gələ bilər, yaxud uzun sürən tədqiqatların nəticəsi, birgə işin bəhrəsi ola bilər. Leyla Əliyeva yazır: “Amma əgər ideya yaranıbsa, hətta ilk baxışda nə qədər ağlasığmaz görünsə belə, onu əldən verməmək, ona möhtəşəm, bəlkə də bizi dəyişdirəcək, hətta bütün dünyaya təsir göstərəcək nəyəsə çevrilmək şansı vermək lazımdır”.
Müəllif hesab edir ki, “ola bilsin, Azərbaycanda qlobal tədbirlər – “Eurovision”, Olimpiya səviyyəli idman yarışları, irimiqyaslı beynəlxalq forumlar keçirmək fikri də əvvəlcə çətinliklə həyata keçirilə biləcək tədbirlər kimi görünürdü. Amma hamımız birlikdə bunun öhdəsindən mükəmməl gəldik, gələcək üçün də yüksək plankalar müəyyən etdik”.
Leyla Əliyeva qeyd edir ki, “AMOR” jurnalının yeni nömrəsinin səhifələrinin çoxu ölkələri dəyişdirən, müəlliflərinə öz adlarını tarixə yazmağa kömək edən, hətta dəfedilməz maneələr ortaya çıxanda belə, yolunu axıradək davam etdirməyə ruhlandıran ideyalara həsr olunub. Hər belə hekayətin arxasında insanlar dayanır. Baş redaktor fikrini belə tamamlayır: “Bizim kimi insanlar. Əgər onlar buna müvəffəq olublarsa, onda nə üçün risk etməyək? Bu cəhd ən pis halda təcrübənizi zənginləşdirəcək. Ən yaxşı halda isə sizin nailiyyətləriniz başqalarına kömək edəcək, elmi irəli aparacaq, kimisə uğurlu ideyalara ruhlandıracaq”.
“Persona qrata” bölməsinin qəhrəmanı Heydər Əliyev Fondunun prezidenti Mehriban Əliyevadır. Azərbaycanın birinci xanımının həyatı, onun Heydər Əliyev Fondunun prezidenti və Azərbaycan Gimnastika Federasiyasının prezidenti vəzifələrində fəaliyyətini öyrənmək oxucular üçün maraqlı olacaq. Məqalədə Mehriban Əliyevanın gənclərin təhsil və tərbiyəsinə böyük diqqət göstərməsi xüsusi vurğulanır. “Odlar Yurdunun birinci xanımı” sərlövhəli məqalədə deyilir: “Başqalarına yardım etməyə daim hazır olmaq Mehriban xanımın əsas həyat prinsiplərindən biridir. Yalnız başqalarına ürəyi yanan, onların dərdinə şərik olmağı, sözdə deyil, işdə kömək etməyi bacaran incə qəlbli insan öz ad gününü uşaq evlərinin və internat məktəblərinin yetirmələri ilə birlikdə bayram edə, yanğın zamanı zərər çəkmiş körpəyə baş çəkə, talassemiyadan əziyyət çəkən pakistanlı uşaqlar üçün iftar süfrəsi təşkil edə bilər”.
Jurnalın təzə nömrəsində oxucuları, həmçinin RAGB-ın Lipetsk və Həştərxan bölmələrinin fəalları, “IDEA” kampaniyasının 5 illiyinə həsr olunmuş məqalə, “Murad Dadaşovun həyat qaydaları”, keçmiş bakılı, hazırda amerikalı “Çarli Çaplin” Üzeyir Novruzov, Azərbaycanın 12 möcüzəsi və gənclər üçün aktual mövzuların toxunulduğu bir çox digər materiallarla görüş gözləyir.
Tural




 
Bölməyə aid digər xəbərlər
17.11.2018
İN: Qondarma qurumun ABŞ ərazisində təşviqi bu ölkənin Minsk qrupunun həmsədri kimi öhdəlikləri ilə ziddiyyət təşkil edir
17.11.2018
ATƏT-in Minsk qrupu işğalçı Ermənistana təzyiq göstərmək üçün bütün alətlərdən maksimum istifadə etməlidir
17.11.2018
Ermənistan Belarus və Qazaxıstanla KTMT-də müttəfiq dövlət olmasına baxmayaraq, ciddi tərəfdaş kimi qəbul olunmur
17.11.2018
Rəsmi Bakı: Belə qərəzli addımlar Fransanın Minsk qrupunun həmsədri kimi üzərinə götürdüyü öhdəliklərlə bir araya sığmır
17.11.2018
Fransalı deputatların Saakyanla mümkün görüşü Fransanın ATƏT-in Minsk qrupunun həmsədri kimi statusuna zidd olacaq

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info