Dövlət tibb müəssisələrinin rəhbərləri həkimləri işə özbaşına qəbul edə bilməyəcəklər
Tarix: 21.02.2013 | Saat: 23:45:00 | E-mail | Çapa göndər


Bundan sonra dövlət tibb müəssisələrinin rəhbərləri həkimləri işə özbaşına qəbul edə bilməyəcəklər. Bunu Səhiyyə Nazirliyinin Mətbuat xidmətinin rəhbəri Anar Qədirli deyib.
Onun sözlərinə görə, həkimlər yalnız Səhiyyə Nazirliyinin mərkəzləşdirilmiş şəkildə işə qəbulla bağlı müsabiqələrində iştirak edərək işə qəbul oluna bilərlər. Dövlət tibb müəssisələrinin rəhbərlərinin Səhiyyə Nazirliyinin işə qəbul üçün keçirdiyi müsabiqələrdə iştirak etməyən və uğur qazanmayan namizədlərin işə qəbul etməsi qanunsuz hal sayılacaq və etibarsız hesab ediləcək. Belə halları törədənlərə qarşı da ciddi tədbirlər görüləcək. A.Qədirli bildirib ki, bu qaydalar yalnız sıravi həkimlərin işə qəbulu üçün nəzərdə tutulub. Ancaq bu qaydalar tibb müəssisələrinin rəhbərləri, onların müavinləri və tibb müəssisələrinin struktur bölmələrinin rəhbərlərinə şamil edilmir. Çünki onlar Səhiyyə Nazirliyi və ərazi üzrə baş səhiyyə şöbəsinin rəhbərləri tərəfindən bu vəzifələrə təyin edilirlər. Nazirlik rəsmisinin sözlərinə görə, tibb işçilərinin mərkəzləşdirilmiş qaydada işə qəbulu prosesinə fevralın 18-dən başlanıb. Müsabiqənin belə formada keçirilməsi korrupsiyaya qarşı mübarizə tədbirlərindən biridir.
A.Qədirli bildirib ki, martın 18-də həkimlərin işə qəbulu üzrə ilk imtahan keçiriləcək. Müsabiqə bütün ölkə üzrə təşkil ediləcək. İmtahan iki mərhələli olacaq. Müsabiqənin ilk mərhələsində - test imtahanı zamanı namizədlər ümumilikdə 50 suala cavab verəcəklər. Həmin sualların 40-ı sırf ixtisasla, 10-u isə müvafiq qanunvericiliklə bağlı olacaq. Test imtahanı nazirlik tərəfindən keçiriləcək. Test imtahanında uğur qazanacaq namizədlər müsahibə mərhələsinə buraxılacaqlar. Bu mərhələ də Səhiyyə Nazirliyinin işə qəbulla bağlı yaradılan 7 nəfərlik komissiyası tərəfindən həyata keçiriləcək. Qədirlinin sözlərinə görə, artıq ölkə üzrə dövlət tibb müəssisələrində 2000-ə qədər vakant yer müəyyənləşdirilib. İşə qəbul olmaq istəyən namizədlər nazirliyin saytında mərkəzləşdirilmiş şəkildə işə qəbulla bağlı yaradılmış xüsusi bölməyə daxil olaraq qaydalarla tanış ola, vakant yerlərə ərizə verə bilərlər. Nazirlik rəsmisi bildirib ki, tibb müəssisələrində vaklant yerlər yarandıqca belə imtahanlar keçiriləcək. İmtahanda eyni balı toplamış namizədlərdən elmi dərəcəsi, stajı çox olanlara üstünlük veriləcək.
NİGAR




 
Bölməyə aid digər xəbərlər
26.04.2019
Muxtar respublika üzrə 760 nəfərə birdəfəlik maddi yardım ödəniləcək
26.04.2019
28 Aprel - Ümumdünya Əməyin Mühafizəsi Günü ilə əlaqədar tədbir keçirilib
26.04.2019
Çernobıl AES qəzası ilə əlaqədar əlilliyi olan şəxslərin sosial müdafiəsi sahəsində mühüm addımlar atılır
26.04.2019
Mərkəzi Bank uçot dərəcəsini yenə azaltdı
26.04.2019
Çernobıl əlillərinə birdəfəlik maddi yardım ayrılıb

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10760

1 Tarixin ibrət dərsləri...
2 Artıq bəzi sözlər yeni qaydalar əsasında yazılmalıdır
3 “Azərbaycan dilinin Orfoqrafiya Normaları” təsdiq edilib
4 “Israel Hayom” qəzeti: “Azərbaycan müqəddəs Odlar Yurdudur”
5 Yusif Babanlı İTV Yayım Şurasına yeni üzv seçilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info