Çilili jurnalist: “Dünya heç vaxt Xocalı adlı şəhəri unutmamalıdır”
Tarix: 16.02.2016 | Saat: 23:47:00 | E-mail | Çapa göndər


Tanınmış çilili jurnalist Markos Borkoskinin “Cambio21” xəbərlər portalında “24 il əvvəl Azərbaycanda törədilmiş qətliam. Dünya heç vaxt Xocalı adlı şəhəri unutmamalıdır” sərlövhəli yeni məqaləsi yayılıb. Bu barədə Azərbaycanın Çilidəki diplomatik missiyasından məlumat verilib.
Məqalədə müəllif diplomatik missiyanın müvəqqəti işlər vəkili Orxan Hacıyevlə apardığı söhbət nəticəsində Azərbaycanın Xocalı şəhərində dinc və günahsız əhaliyə qarşı qətliamın törədilməsi haqqında ötən həftəki yazısına istinad edərək, çoxsaylı oxucu müraciətinə əsasən soyqırımı haqqında əlavə məlumatın əldə edilməsi məqsədilə yeni araşdırmalar aparılmasına qərar verdiyini bildirir. Qeyd edir ki, hazırda Çilidə yay fəslidir və bir çox insanların oxumaq imkanı daha genişdir. Jurnalistin vəzifəsi baş verən hadisə haqqında dünya ictimaiyyətinə məlumat verməklə yanaşı, bu kimi qətliamların gələcəkdə baş verməməsi üçün öz töhfəsini verməkdən ibarətdir. İnsanlar öz səhvlərindən nəticə çıxarmırlar, əks təqdirdə, Xocalıda bu dəhşətli hadisə yaşanmazdı.
M.Borkoski 1992-ci il fevralın 25-dən 26-na keçən gecə Ermənistan silahlı qüvvələri tərəfindən Xocalıda 613 dinc sakinin qətlə yetirildiyini bir daha diqqətə çatdırır.
“Qətliam pislənməlidir. Əgər onun qurbanları qadınlar və uşaqlardırsa ikiqat pislənməlidir və həmin qətl hadisələri işgəncə və digər vəhşiliklərlə müşahidə olunursa ondan daha çox pislənməlidir. İnternetdə uşaqların, hələ körpə uşaqların bədənlərinin şəkillərini gördüm və sizə səmimi söyləyim ki, onlara baxa bilmədən və üzümü kənara çevirdim”, - deyə jurnalist qeyd edir.
Məqalədə diqqətə çatdırılır ki, dünyanın bir çox ölkələrinin qanunvericilik orqanları Xocalıda baş verənləri pisləyən qətnamələr qəbul ediblər.
Məqalədə Azərbaycan xalqının ümummilli lideri Heydər Əliyevin Xocalı soyqırımı ilə əlaqədar söylədiyi “Bütövlükdə Azərbaycan xalqına qarşı yönəldilmiş Xocalı soyqırımı öz ağlasığmaz qəddarlığı və qeyri-insani cəza üsulları ilə bəşər tarixində bir vəhşilik aktıdır. Bu soyqırımı, eyni zamanda, bütün bəşəriyyətə qarşı tarixi bir cinayətdir” fikirlərə də yer ayırıb.
Yazıda bildirilir: “Xocalı sakinlərinə qarşı edilən hücumun səbəbi nə olursa olsun, onların heç birinə bəraət qazandırmaq olmaz. Yüzlərlə insanın, onların arasında yaşlılar, qadınlar və uşaqların qətlə yetirilməsinə heç vaxt bəraət qazandırıla bilməz. Dünyanın bu tayında, Çilidə hazırda yay mövsümünün bitməsinə son bir neçə həftə qalır. Bir çoxları yenidən öz müntəzəm iş yerlərinə, uşaqlar isə məktəblərə qayıdacaqlar. Hazırda bu məqaləni oxuyanlar biləcək və yadda saxlayacaqlar ki, dünyanın o tayında, çox uzaqda, 63 azərbaycanlı uşaq qətlə yetirilib və onlar heç vaxt öz məktəblərinə qayıda bilməyəcək. Bəli, bu yaddaş acıdır, amma bütün dünya bunu unutmamalıdır”, - deyə müəllif oxucuların diqqətinə çatdırır.

Təhminə




 
Bölməyə aid digər xəbərlər
15.11.2018
Bu gün Azərbaycan elminin əsas problemi – alimlərin məvaciblərinin aşağı olmasıdır
14.11.2018
Davamli dil siyasəti dövlətin əsas prioritet istiqaməti kimi
13.11.2018
“Ölkəmizdə elə bir sahə yoxdur ki, orada qadınlar təmsil olunmasınlar”
13.11.2018
Marko Alvera: TAP-ın inşası 2020-ci ildə başa çatacaq
13.11.2018
Tereza Mey: “Brexit” müzakirələri son mərhələyə çatıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10474

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info