“Azərbaycanın çox güclü gimnastları var”
Tarix: 17.02.2016 | Saat: 19:23:00 | E-mail | Çapa göndər


“Azərbaycanın digər idmançılara ciddi rəqib ola biləcək çox güclü gimnastları var”.
Bu sözləri idman gimnastikası üzrə üçqat dünya çempionu Yaponiya gimnastı Kenzo Şirai deyib. Kenzo Şirai Bakıda keçiriləcək Dünya Kuboku yarışlarında uğurla çıxış etmək niyyətindədir. Bildirib ki, bu il Olimpiya ili olduğundan, məqsədim bütün turnirlərdə müvəffəqiyyətlə iştirak etməkdir: “Qarşıdan gələn kubok yarışında da qızıl medal qazanmağa çalışacağam. Yarışda əsas rəqiblərim Yaponiya yığmasından olan komanda yoldaşlarımdır. Lakin Azərbaycanın da çox yaxşı gimnastları var. Oleq Stepko çox güclü gimnastdır, onun potensialı hələ Londonda keçirilmiş Olimpiya Oyunlarından bəllidir. Hesab edirəm ki, həmçinin o, da yarışlardakı əsas rəqiblərdən biridir. Yaponiya komandası Dünya Kubokunda birinci yeri qazanmaq məqsədini qarşısına qoyub. Eyni zamanda, hansı yeri tutmağımızdan asılı olmayaraq, bizim üçün əsası odur ki, yarışlarda layiqli çıxış edək və nəyə qadir olduğumuzu göstərək”. İdman gimnastikası üzrə Dünya Kuboku yarışları fevralın 19-21-də Milli Gimnastika Arenasında keçiriləcək. Yarışda 19 ölkəni təmsil edən 44 kişi və 22 qadın gimnast ayrı-ayrı alətlər üzrə medallar uğrunda mübarizə aparacaq. Turnirdə favoritlər arasında Dünya Çempionatının paralel qollar üzərində yarışlarında bürünc medalçısı, “Bakı-2015” ilk Avropa Oyunlarında beş medala layiq görülmüş yeganə Azərbaycan atleti Oleq Stepko və komanda hesabında onunla birgə bürünc mükafat qazanmış Petro Paxnyuk da yer alır. Azərbaycanı yarışlarda zərif cinsin nümayəndələrindən Kristina Pravdina, həmçinin Marina Nekrasova, Yuliya İnşina və Mariya Smirnova təmsil edəcək.




 
Bölməyə aid digər xəbərlər
26.05.2019
“Valensiya“ İspaniya Kubokunun qalibi olub
25.05.2019
“Arsenal“ klubunun futbolçuları Bakıdadırlar
25.05.2019
Eden Azar “Çelsi”yə ultimatum verib
25.05.2019
Françesko Toldo: Azərbaycan bütün dünyanın izləyəcəyi tədbirə ev sahibliyi edir
25.05.2019
Azərbaycan komandası aerobika gimnastikası üzrə Avropa Çempionatında qruplar arasında finala yüksəlib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10788

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 Erməni əsilli gimnast: Mxitaryanın yerində olsaydım, komandamla birgə Bakıya gələrdim
5 Vahid Rzayev:”Səhər gördük ki, ermənilər arxiv sənədində özlərinə sərf etməyən hissəni qayçı ilə kəsiblər”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info