“Müdafiə mərhələlərinin növbələri yorucudur”
Tarix: 23.02.2016 | Saat: 00:49:00 | E-mail | Çapa göndər


Fatma Hüseynova: “Nizami adına Ədəbiyyat İnstitutunda gənclərin elmi dərəcə almaları üçün yaradılan imkanlar daha da genişləndirilib, keyfiyyətli, orijinallığı ilə seçilən elmi işlərin növbəsiz mudafiələrə buraxılması rəhbərlik tərəfindən təmin edilir”

Müsahibimiz Azərbaycan Milli Elmlər Akademiyası Nizami adına Ədəbiyyat İnstitutunun doktorantı Fatma Hüseynovadır. Bizimlə söhbətində o, gənc alimlərin elmi fəaliyyəti və onlar üçün aktual olan məsələlər barəsində fikirlərini bildirdi. Gənc alimlərin problemlərinə toxunan müsahibimiz bildirdi ki, istənilən sahədə olduğu kimi, elm sahəsində də mövcud olan problemlərə qarşı elm adamlarının, alimlərin reaksiyası, münasibəti fərqlidir:
“Ancaq mənim diqqətimi daha çox gənclərin bu problemlərə qarşı olan ümidsizliyi cəlb edir. Və eyni zamanda təəssüfləndirir. Gənc elm adamları elmə təkcə “çörək ağacı” kimi baxmamalıdır, onlar, sahib olduqları, qazandıqları elmlə ilk növbədə millətin mədəni, mənəvi inkişafına xidmət etməlidirlər. Düşünürəm ki, ümidsizlik olmasa, mövcud problemlərin həllinə daha tez nail ola bilərik”. Gənc alimlərin elmi tədqiqatlarla kifayət qədər məşğul olmaları üçün hansı şərtlərin mövcud olmasına gəlincə, F.Hüseynova qeyd etdi ki, gənc alimlər, tədqiqatçılar dövlətin xüsusi diqqət mərkəzindədir və bu münasibət sistemli olaraq bir sıra qanun və yeni qəbul olunan proqramlarda öz əksini tapır: “Dövlətin gənc elm adamlarına qayğısı, ilk növbədə onların elmi fəaliyyətini stimullaşdırmağa, daha səmərəli və effektiv elmi araşdırmalarla məşğul olmalarına xidmət edir. Çünki stimullaşdırma müasir dövrdə inkifaşın əsas şərtlərindəndir. İstənilən sahədə olduğu kimi, elm sahəsində də bu şərt olmadan dünya həqiqətləri ilə ayaqlaşmaq mümkün deyil”. Gənc alimlərin yetərincə elmi tədqiqatlarla məşğul olmaları və effektiv fəaliyyət göstərmələri üçün öz təkliflərini bildirən doktorantın fikrincə, bu gün istənilən gənc alim öz elmi fəaliyyətində başlıca olaraq dünya elminə inteqrasiyanı məqsəd olaraq seçməli, dünya elm məkanında Azərbaycan elminin layiqincə təmsil olunmasını təmin etmək üçün çalışmalıdır: “Bunun üçün də beynəlxalq elmi konfranslarda iştirak etmək, inpakt faktorlu jurnallarda məqalələr nəşr etdirmək lazımdır”.
Gənc tədqiqatçıların əsas məsələlərindən biri elmi dərəcə almaq üçün bürokratik əngəllərlə qarşılaşmaları ilə bağlı fikir bildirən F.Hüseynova düşünür ki, Azərbaycan elmində, təhsilində köklü və müsbət dəyişikliklər olsa da, hələ də bəzi çətinliklərin, çatışmazlıqların qalması heç kəsə sirr deyil: “Elmi dərəcələrin alınması ilə bağlı yaranan bu cür problemlər, müdafiə mərhələlərinin yorucu növbələri gənc tədqiqatçılarda çox vaxt ruh düşkünlüyü yaradır. Ancaq onu da qeyd etmək istərdim ki, doktorantı olduğum Nizami adına Ədəbiyyat İnstitutunda son illər gənclərin elmi dərəcə almaları üçün yaradılan imkanlar daha da genişləndirilib, keyfiyyətli, orijinallığı ilə seçilən elmi işlərin növbəsiz mudafiələrə buraxılması rəhbərlik tərəfindən təmin edilir”.
Fəlsəfə doktoru(PHD) dərəcəsi almaq üçün əsas şərtlərdən biri İELTS imtahanından minumum 7 bal toplamaqdır. Bununla bağlı müsahib bildirir ki, müasir dünyada elmi proseslərin iştirakçısı olmaq üçün birinci növbədə ingilis dilinə yüksək səviyyədə hakim olmaq lazımdır: “Çünki bu istiqamətdə olan bütün məşhur jurnallar, nəşrlər, onlayn kitabxanalar ingiliscədir.AMEA Rəyasət Heyətinin bu qərarını mən yüksək hal kimi qiymətləndirirəm. Düşünürəm ki, doktorantların ingilis dilini arzuolunan səviyyədə mənimsəmələri üçün təhsil müddəti ərzində akademiyada müəyyən şəraitlər yaradılmalıdır. Elm və Təhsil idarəsi nəzdində dil təkmilləşdirmə kursları təşkil olunmalı, həmin kurslara yüksək səviyyəli mütəxəsislər cəlb olunmalıdır. O zaman doktorantlardan tələb olunan nəticələri almaq daha real olacaq”.
Gənc alim və tədqiqatçıların maddi-sosial baxımdan stimullaşdırılması ilə bağlı bildirən doktorant, gənc tədqiqatçıların bütün diqqəti və potensialı öz işlərinin keyfiyyətinin yüksəlməsinə yönəltmələrinin vacibliyini bildirir: “Bunun üçün onların maddi təminatı olmalıdır. Əməkhaqlarının yaşam şərtlərinə uyğun olması, evsizlərin evlə təmin olunması, güzəştli kreditlərin verilməsi maddi-sosial baxımdan stimullaşdırılmaq deməkdir”. Doktorantın fikrincə, son dövrlər dövlət tərəfindən bu yöndə atılan addımlar bu məqsədə xidmət edir.
İlkin AĞAYEV




 
Bölməyə aid digər xəbərlər
15.01.2019
Ukraynada oxucuların rəğbətini qazanan azərbaycanlı yazıçı
15.01.2019
Azərbaycan Sənaye Korporasiyasının fəaliyyətinin əsas məqsədi istehsal potensialının gücləndirilməsinə nail olmaqdır
15.01.2019
İran regionda təhlükəsizlik və sabitliyin daha da artması üçün Dağlıq Qarabağ münaqişəsinin həllinə töhfə verməyə hazırdır
14.01.2019
“Azərbaycan Ermənistanı regionda təcrid vəziyyətə salıb”
12.01.2019
Avropa parlamentləri Ermənistanın “konyak diplomatiyası“nda adı keçən siyasətçilərin fəaliyyətlərini ifşa edən araşdırmalar aparmalıdırlar

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10561

1 “Azərbaycan güclü ölkə kimi dünya miqyasında özünü təsdiqləyib”
2 Xocalı tarixi və mədəniyyəti
3 Struktur dəyişiklikləri dövlət idarəçiliyinin təkmilləşdirilməsini nəzərdə tutur
4 Azərbaycan Dövlət Pedaqoji Universitetində doktoranturaya və dissertanturaya qəbul başlanıb
5 Azərbaycanın qonşu ölkələrlə əlaqələri yüksək səviyyədədir


16.01 08:19 “Gənclərin sosial dünyası” layihəsinin təlimlərinə start verilib Azərbaycan Respublikasının Gənclər Fondunun (AZGF) maliyyə, “Mingəçevir Gənclər Evi” Sosial Xidmət Müəssisəsinin təşkilati dəstəyi və Turqut Əlibəylinin rəhbərliyi ilə “Gənclərin sosial dünyası” layihəsinin ilk təlimi keçirilib. AZƏRTAC Gənclər Fondunun saytına istinadla xəbər verir ki, layihənin əsas məqsədi gənclərdə internet mediaya marağın artırılması və onlara sosial şəbəkələrdən düzgün istifadə qaydalarının aşılanmasıdır. Bu münasibətlə keçirilən tədbirdə çıxış edən layihə rəhbəri T.Əlibəyli bildirib ki, asudə vaxtlarının böyük hissəsini sosial şəbəkələrdə keçirən gənclər faydalı səhifələrdən istifadə etməklə daha geniş dünyagörüşünə sahib olmaları üçün çalışacaqlar. Təlimin ilk günündə şəhərin müxtəlif təhsil müəssisələrində təhsil alan gənclər iştirak ediblər. Təlimçi Rəşad Qurbanov gənclərə sosial şəbəkələrlə bağlı məlumat verib və onların suallarını cavablandırıb. Həmçinin sosial şəbəkələrin faydalı tərəfləri, xüsusən “Facebook”dan istifadə qaydaları haqqında iştirakçılara praktiki məlumatlar verib. Layihə çərçivəsində 3 təlim nəzərdə tutulub.
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info