Sumqayıtda daha bir zavod tikiləcək
Tarix: 24.02.2016 | Saat: 01:00:00 | E-mail | Çapa göndər


"Bakı əlvan metallar və ferroərintilər" şirkəti və Türkiyənin "Demora" şirkəti arasında zavod tikintisinə dair müqavilə imzalanıb
Dünən Bakı Biznes Mərkəzində İqtisadiyyat Nazirliyinin təşkilatçılığı ilə “Sənayenin inkişafında dövlət dəstəyi” mövzusunda tədbir keçirilib. İqtisadiyyat nazirinin müavini Niyazi Səfərov çıxışında ölkəmizdə həyata keçirilən sənayeləşmə siyasəti çərçivəsində görülən işlərdən danışıb, qeyri-neft sektorunun inkişafında sənaye zonaları, parkları və məhəllələrinin əhəmiyyətini vurğulayıb.
Qeyd edib ki, sənayenin modernləşdirilməsi və innovasiyalar əsasında inkişafı, təbii resurslardan səmərəli istifadə, son məhsuladək texnoloji məhsulun qurulması, rəqabətqabiliyyətli sənaye istehsalının artırılması və ixracın genişləndirilməsi Azərbaycan sənayesinin başlıca inkişaf istiqamətləridir. Qeyd edib ki, sənayenin modernləşdirilməsi və innovasiyalar əsasında inkişafı, təbii resurslardan səmərəli istifadə, son məhsuladək texnoloji zəncirin qurulması, rəqabətqabiliyyətli sənaye istehsalının artırılması və ixracın genişləndirilməsi Azərbaycan sənayesinin başlıca inkişaf istiqamətləridir. Bu prioritetlərə uyğun olaraq, sənayenin inkişafına dövlət dəstəyi, eləcə də yeni istehsal sahələrinin yaradılması və rəqabətədavamlı məhsul istehsalının genişləndirilməsi üçün tədbirlər davam etdirilir. Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının prezidenti Məmməd Musayev son zamanlar ölkədə sahibkarlığın inkişaf etdirilməsi istiqamətində atılan addımların özəl bölmənin inkişafında əhəmiyyətini vurğulayıb, həyata keçirilən tədbirlərin sahibkarlığın, eləcə də iqtisadiyyatın müxtəlif sahələrinin, o cümlədən sənayenin inkişafına yeni imkanlar yaratdığını deyib. "Mətanət-A" şirkətinin direktoru Elxan Bəşirov, "Bakusteel Company" MMC-nin vitse-prezidenti Ramin Kərimov, "Bakı əlvan metallar və ferroərintilər" şirkətinin icraçı direktoru Şamil Rzayev, Türkiyənin "Damora" şirkətinin rəhbəri Rafət Vergili təqdimatlarla çıxış edib, təmsil etdikləri şirkətlərin fəaliyyəti və inkişaf istiqamətləri barədə məlumat veriblər. Tədbir çərçivəsində "Bakı əlvan metallar və ferroərintilər" şirkəti və Türkiyənin "Demora" şirkəti arasında Sumqayıt Kimya Sənaye Parkında ferroərintilərin istehsalı üzrə zavodun tikilməsinə dair müqavilə imzalanıb. "Bakusteel Company" MMC-nin vitse-prezidenti Ramin Kərimov jurnalistlərə bildirib ki, "Bakı əlvan metallar və ferroərintilər" şirkəti 2017-ci ilin əvvəlində Sumqayıt Kimya Sənaye Parkında ferroərintilərin istehsalı üzrə zavod istifadəyə verməyi planlaşdırır. Qeyd edilib ki, Türkiyənin "Demora" şirkəti zavod üçün 16 milyon dollar məbləğində texnoloji avadanlıq verəcək. 7-8 milyon dollara başa gələcək müəssisənin tikintisini Azərbaycanın yerli şirkətləri həyata keçirəcəklər. Zavodda ferrosilisium, ferrosilikomanqan və ferroxrom istehsal olunacaq. Ferrosilisium üçün ümumi orta illik istehsal gücü 25 min ton, ferrosilikomanqan üçün 50 min ton nəzərdə tutulub. Gələcəkdə ferrobor və ferromolibden istehsalı da planlaşdırılır. Zavodda 150 nəfər işçi çalışacaq. Layihə tam müasir, avtomatlaşdırılmış bir istehsal sahəsi olacaq. Zavodun tikintisi üzrə işlər 8 ay davam edəcək, sonra "Demora" şirkəti avadanlıqların tədarükünə başlayacaq. Ümumilikdə, zavodun tikintisi, avadanlığın quraşdırılması və müəssisənin işə düşməsi üçün 13-14 ay vaxt lazım olacaq.
Cavidan




 
Bölməyə aid digər xəbərlər
18.09.2018
“Kaşaqan” neftinin gələcəkdə Bakı-Tbilisi-Ceyhan kəməri ilə nəqli planlaşdırılır”
18.09.2018
Masallıda 3230 hektar əkin sahəsinin suvarma suyu ilə təminatı yaxşılaşdırılacaq
18.09.2018
Ələt–Astara–İran ilə dövlət sərhədi–Biləsuvar avtomobil yolu yenidən qurulur
18.09.2018
Milli valyutada olan əmanətlər 1,7 dəfə artıb
18.09.2018
Moldova ilə beynəlxalq avtomobil daşımaları sahəsində əməkdaşlıq müzakirə olunub

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10117

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Aqil Acalov: “İdmançılar qanvermə aksiyalarında aktiv iştirak edəcəklər”
5 Krivoy Roqdakı soydaşlarımız festivala hazırlaşırlar


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info