“Xocalıdakı cinayətə görə Ermənistan məsuliyyət daşıyır”
Tarix: 24.02.2016 | Saat: 19:20:00 | E-mail | Çapa göndər


“Xocalıda Ermənistan tərəfindən soyqırımı, insanlıq əleyhinə cinayət və hərbi cinayətlər törədilib”.
Bunu XİN-in sözçüsü Hikmət Hacıyev keçirdiyi mətbuat konfransında deyib. O bildirib ki, Xocalı soyqırımı, xüsusilə şahidlərin ifadəsi, beynəlxalq təşkilatların rəyləri, QHT və KİV-in materialları əsasında tam şəkildə sənədləşdirilib: “Bu əsasda Ermənistan Respublikasının məsuliyyəti danılmazdır. Avropa İnsan Hüquqları Məhkəməsi 22 aprel 2010-cu il tarixli qərarında Xocalıda törədilmiş əməlləri “xüsusilə ağır hallar olaraq, hərbi cinayət və ya insanlıq əleyhinə cinayət” kimi qiymətləndirib. Ermənistan Respublikası beynəlxalq hüquqi öhdəliklərinə rəğmən Xocalı soyqırımının törədilməsi ilə beynəlxalq humanitar hüququ və insan hüquqlarına aid fundamental sənədləri, o cümlədən üzv olduğu “Soyqırım cinayətlərinin qarşısının alınması və cəzalandırılmasına dair Konvensiya”nı kobudcasına pozub. Konkret desək, Xocalıda Ermənistan irqi, etnik, milli və dini ayrı-seçkilik zəminində əvvəlcədən planlaşdırılmış şəkildə Xocalı sakinlərinin soyqırım məqsədilə fiziki məhv edilməsi əməllərini həyata keçirib. Xocalıda törədilmiş bu cinayətə görə Ermənistan Respublikası məsuliyyət daşıyır. Beynəlxalq hüquqa əsasən bu kimi əməllərə görə dövlətlərin məsuliyyəti ilə bərabər fərdlərin də məsuliyyəti aydın şəkildə müəyyən olunub. Ona görə də hərbi-siyasi rəhbərliyində olan və Xocalı soyqırımının həyata keçirilməsində iştirak etmiş şəxslər fərdi cinayət məsuliyyəti daşıyırlar”.
H. Hacıyev bildirib ki, Ermənistan Xocalı soyqırımına görə daşıdığı beynəlxalq hüquqi məsuliyyəti etiraf etməli, Azərbaycan xalqından üzr istəməli və cinayətkarlar cəzalandırılmalıdır: “Bu cinayəti törədənlərin cəzasızlığı və Xocalı qurbanlarına münasibətdə ədalətin təmin olunmaması Ermənistan-Azərbaycan münaqişəsinin həll olunmasına maneə olan ciddi səbəblərdəndir. Münaqişənin həlli prosesində beynəlxalq humanitar hüquq və insan hüquqlarının kobud pozulması hallarına münasibətdə həqiqətin ortaya qoyulması və ədalətin təntənəsi, bu kimi əməllərin qurbanı olmuş şəxslərə təzminatların verilməsi, cinayətkarların cəzalandırılması və gələcəkdə belə halların qarşısını almaq üçün təsisatlanmış mexanizmlərin müəyyən edilməsi olduqca vacibdir. Xocalı soyqırımının insanlıq əleyhinə cinayət və soyqırım kimi tanınması və pislənilməsi üçün uğurlu işlər görülüb. Leyla xanım Əliyevanın təşəbbüskarı olduğu “Xocalıya ədalət!” kampaniyası çərçivəsində dünya miqyasında effektiv ictimai məlumatlandırma həyata keçirilir”.
 Tural




 
Bölməyə aid digər xəbərlər
18.04.2019
14 yaşlı qıza hücum edən şəxs YAP-ın üzvü deyil - RƏSMİ AÇIQLAMA
18.04.2019
Müxalifət nümayəndəsi: “Cəbhəçilər dezinformasiya yaymaqla məşğuldurlar”
18.04.2019
Dini liderlərin Bakı sammiti ilə əlaqədar yaradılmış Təşkilat Komitəsinin ilk iclası keçirilib
18.04.2019
Ramiz Mehdiyevin sərəncamı ilə tədbirlər planı təsdiqləndi
18.04.2019
ABŞ Dağlıq Qarabağ münaqişəsinin nizamlanması üzrə növbəti görüşü Vaşinqtonda keçirməyi təklif edib

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10749

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Hemilton “Formula-1“ tarixinin 1000-ci yarışının qalibi olub
4 Milli mədəniyyətimizin fədakar tədqiqatçısı və təmsilçisi Babək Qurbanov haqqında
5 Rusiya Prezidenti Krasnoyarskdakı Azərbaycan diaspor rəhbərini təltif edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info