“İnsan hüquqları bütün dünyada pozulur”
Tarix: 24.02.2016 | Saat: 23:43:00 | E-mail | Çapa göndər


Avropa Birliyi qitəyə üz tutan qaçqınların hüquqlarının pozulmasına məsuliyyət daşıyır

İnsan hüquqları humanizm və maarifçilik dövründə insanların təbii və düşüncədən irəli gələn subyektiv hüquqlarını ehtiva edir. İnsan hüquqlarının əsas konsepsiyası ondan ibarətdir ki, bütün insanlar insan olmalarına görə eyni hüquqa malik olmalı və bu hüquqlar hamıya şamil edilməlidir. Lakin, gəlin diqqət yetirək: dünyada buna əməl edilirmi?
Belə ki, “Amnesty International” təşkilatının dünyanın 160 ölkəsində insan hüquqlarına dair dərc etdiyi hesabata istinad edən TASS informasiya agentliyi insan hüquqlarının, demək olar ki, bütün dünyada pozulduğunu və bunun son 70 ildə, hətta təhlükəli dərəcədə artdığı barədə məlumat verir. “Son 70 ilə ərzində ağır iş şəraiti insanların tərəqqisinə böyük təhdidlər yaratmaqdadır”,- deyə “Amnesty International” təşkilatının baş katibi Salil Şetti bildirir. Onun sözlərinə görə, hazırda insan hüquqları deyil, həm də bu hüquqları təsbit edən qanunlar da təhlükə altındadır: “Bu gün dünyanın bütün nöqtələrində -Venesueladan tutmuş Misirə qədər, Konqo Demokratik Respublikasından tutmuş Çin Xalq Respublikasına qədər bütün dövlətlərdə insan hüquqlarının pozulması müşahidə edilir”. “Amnesty International” təşkilatı ötən il dünyanın 122 ölkəsində insanlara göstərilən pis rəftarla bağlı sənədləşmə tərtib edib. Bunların sırasında daha çox ifadə azadlığı ilə bağlı çıxış edən hüquq müdafiəçiləri və jurnalistlər yer alıb. Qeyd edək ki, təşkilata 30-dan artıq ölkə tərəfindən vətənindən qaçqın düşənlərin geri qaytarılmasına yardımçı olmaq üzrə də müraciətlər daxil olub. Bunlar əsasən, öz ölkələrində silahlı qruplaşmalar tərəfindən təhdidlərə məruz qalmış və hərbi əməliyyatlar nəticəsində hüququ pozulmuş insanlardır. Xatırladaq ki, bu sahə dünyada insan hüquqlarının pozulması ilə bağlı ən ağrılı yerlərdən biridir və hətta belə demək olarsa, lap acınacaqlı vəziyyətdədir. Bu gün dünyanın ayrı-ayrı bölgələrinə səpələnmiş, təqribi hesablamalara görə 15 milyondan artıq qaçqının hüququ hər an təhdid altındadır. “Amnesty International” təşkilatı daha çox Avropaya üz tutan Yaxın Şərq qaçqınlarının hüquqlarının pozulmalarına görə Avropa Birliyini tənqid edir: “Avropa Birliyi 500 milyon nəfərdən artıq əhalisi olan dünyanın ən zəngin siyasi birliyidir. Lakin bu birlik qaçqınlara insan hüquqlarına cavab verə biləcək hörməti təmin edə bilmir”. Məhz buna görə də, «Amnesty International» təşkilatı dünya liderlərini insan hüquqlarına hörməti təmin etmək üçün mümkün olan bütün səyləri nümayiş etdirməyə çağırış edib.
Ağasəf Babayev




 
Bölməyə aid digər xəbərlər
21.09.2018
ABŞ-ın Merilend ştatında silahlı insident nəticəsində azı üç nəfər ölüb
20.09.2018
ABŞ-ın Merilend ştatında silahlı insident baş verib
20.09.2018
“ABŞ-ın tarixində “ən böyük səhv” Yaxın Şərqə qoşun yeritməkdir”
20.09.2018
Merkel və Putin arasında telefon danışığı olub
20.09.2018
ABŞ-ın ən böyük tarixi səhvi Corc Buşun Yaxın Şərqə qoşun yeritməsi olub

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info